follow us:
సినిమా వాళ్లకి ఉన్న క్రేజ్ గురించి ప్రత్యేకించి చెప్పాల్సిన పని లేదు. వాళ్ళు ఏం మాట్లాడినా సెన్సేషనే. నేను ఈ ప్రాడెక్ట్ వాడుతున్నాను, మీరూ ట్రై చేయండి అంటే.. అభిమానులు ఆ ప్రాడెక్ట్ ని అలా అలా పైకి లేపుతారు. నేను ఈ పార్టీకి సపోర్ట్ చేస్తున్నాను అంటే.. అభిమానులు ఆ పార్టీకి ఓట్లు గుద్దుతారు. అందుకే రాజకీయ పార్టీలు ఆయా సినిమా నటుల్ని తమ పార్టీ ప్రచారం కోసం వాడుకునేందుకు ప్రయత్నాలు చేస్తుంటాయి. ఇప్పటికే వైసీపీ అలీ, పోసాని కృష్ణమురళీ లాంటి వాళ్ళు వైసీపీ పార్టీకి మద్దతు పలికి కాస్తో కూస్తో ఆ పార్టీ విజయానికి కృషి చేశారు.
ఈసారి రాబోయే ఎన్నికల్లో వైసీపీ గెలుపు కోసం కృషి చేయడానికి తెలుగు హీరోయిన్లు రెడీ అవుతున్నట్లు సమాచారం. దీని కోసం మంత్రి రోజా.. వారితో చర్చలు నడుపుతున్నట్లు తెలుస్తోంది. వైసీపీ పార్టీని ఇష్టపడే తెలుగు హీరోయిన్లను పార్టీలో చేర్చుకుంటే అదనపు మైలేజ్ వస్తుందని రోజా భావిస్తున్నట్లుగా పార్టీ వర్గాల్లో చర్చ నడుస్తోంది. ఈ కోవలోనే మంత్రి రోజా.. హీరోయిన్ అంజలిని సంప్రదించినట్లు వార్తలు వస్తున్నాయి.
హీరోయిన్ అంజలి రాజకీయాలను రెగ్యులర్ గా ఫాలో అవుతుందని, పార్టీలో చేరేందుకు ఆసక్తి కనబరుస్తున్నట్లు తెలుస్తోంది. మరోవైపు సీనియర్ హీరోయిన్ రవళి కూడా వైసీపీ పార్టీలో చేరేందుకు ఆసక్తి కనబరుస్తున్నట్లు ప్రచారం జరుగుతోంది. రీసెంట్ గా రోజాతో పాటు తిరుమల శ్రీవారిని రవళి దర్శించుకున్న విషయం తెలిసిందే. ఈ క్రమంలోనే రవళి.. తన స్నేహితురాలైన రోజా సిఫార్సుతో వైసీపీ పార్టీలో జాయినవ్వాలని సుముఖత వ్యక్తం చేస్తినట్లు తెలుస్తోంది.
సీనియర్ హీరోయిన్ దివ్యవాణి కూడా వైసీపీలో చేరేందుకు ప్రయత్నాలు చేస్తుందని ఆ మధ్య వార్తలు వచ్చిన విషయం తెలిసిందే. టీడీపీ పార్టీలో మహిళలపై జరుగుతున్న అన్యాయాన్ని సహించలేక.. ఆ పార్టీ నుండి బయటకు వచ్చేసినట్లు ఆమె వెల్లడించారు. పైగా టీడీపీ కోసం ఎంత కష్టపడినా చిన్న పదవి కూడా రాలేదు. దీంతో కనీసం వైసీపీలో ఉన్నా ఏదో ఒక పదవి వచ్చుండేది కదా అని ఆమె భావిస్తున్నట్లు తెలుస్తోంది. వైసీపీ పార్టీ మహిళలకు ప్రాధాన్యత ఇస్తుందని, అందుకే ఈ పార్టీలో చేరేందుకు ఆయా హీరోయిన్లు ఉత్సాహం చూపిస్తున్నట్లు ప్రచారం జరుగుతోంది. రోజా కూడా తమ పార్టీలో లేడీ గ్లామర్ తోడైతే బాగా రీచ్ ఉంటుందని భావిస్తున్నారట. మరి దీనిపై మీ అభిప్రాయాలను కామెంట్ రూపంలో తెలియజేయండి.
ఇది కూడా చదవండి: Vangalapudi Anitha: TDP అధికారంలోకి వస్తే కొడాలి నానిపై ప్రతీకారం తీర్చుకుంటాం: వంగలపూడి అనిత
ఇది కూడా చదవండి: TRS లోకి ఈటెల రాజేందర్‌ అంటూ వార్తలు.. KTR స్పందన ఇది!
