follow us:
మణిరత్నం సినిమాలన్నీ క్లాసిక్సే. తమిళ సినిమా దశను దిశను ఆయన మార్చారు. అలాగే తెలుగు సినిమాపై తీవ్ర ప్రభావాన్ని చూపారు. ఎంతలా అంటే ప్రతి టాలీవుడ్ హీరో మణిరత్నంతో ఒక్క సినిమా అయినా చేయాలని అనుకునే వారు.
మణిరత్నం సినిమాల్లో ఏదీ బెస్టో చెప్పమంటే చాలా కష్టం. ఆయన సినిమాలన్నీ క్లాసిక్సే. తమిళ సినిమా దశను దిశను మార్చారు. అలాగే తెలుగు సినిమాపై తీవ్ర ప్రభావాన్ని చూపారు. ఎంతలా అంటే ప్రతి టాలీవుడ్ హీరో మణిరత్నంతో ఒక్క సినిమా అయినా చేయాలని అనుకునే వారు. టాలీవుడ్‌లో ఆ అవకాశాన్ని పొందిన ఏకైక నటుడు నాగార్జున. తెలుగులో గీతాంజలిని తెరకెక్కించారు. ఇప్పుడు వస్తున్న నటులు, డైరెక్టర్లలో అనేక మంది ఆయనకు ఫ్యాన్స్. తమిళ సినిమాలే ఎక్కువగా చేసిన ఆయన.. కెరీర్ ఆరంభించింది మాత్రం ఓ కన్నడ సినిమాతోనే. ఆ తర్వాత ఓ మలయాళ ఫిల్మ్ చేసి.. తమిళ పరిశ్రమకు వచ్చారు.
మణిరత్నం సినిమాలు తెలుగులో కూడా డబ్ అయ్యి కమర్షియల్ హిట్స్ అందుకున్నాయి. ఘర్షణ, మౌనరాగం, దళపతి, గీతాంజలి(నేరుగా తెలుగు సినిమా), రోజా, దిల్ సే, మొన్న వచ్చిన పొన్నియన్ సెల్వన్ వరకు సుమారు 28 సినిమాలకు దర్శకత్వం వహించారు. అనేక సినిమాలకు నిర్మాతగా, స్క్రీన్ ప్లేను అందించారు. అయితే ఈ సినిమాలన్నీ ఒక ఎత్తైతే.. అంజలి అనే సినిమా ఒక ఎత్తు. ఎందుకంటే ఈ సినిమాలో చిన్న పిల్లే హీరో,హీరోయిన్లు. ఇంటర్వెల్ ముందు వరకు కూడా అంజలి క్యారెక్టర్ కనబడదు. ఈ సినిమాలో రఘవరన్, రేవతి, ప్రభు ముఖ్య పాత్ర దారులు కాగా, తరుణ్, శృతి, షామిలి నటించారు. అంజలి పాత్రను షామిలి పోషించింది. ఇదే సినిమాలో తరుణ్, శృతి గ్యాంగులో ఓ పిల్లవాడు కూడా ఉన్నాడు.
అందులో పేరెంట్స్ అంతా మీటింగ్ పెట్టుకున్నప్పుడు..‘పిల్లలంతా నా స్కూటర్ లో గాలి తీసేశారు’ అని వ్యక్తి అనగా.. ‘వద్దు మాట్లాడకండి.. అమ్మే నాన్న గాలి తీసేయమంది’అంటూ కౌంటర్ ఇస్తాడు. అలాగే షామిలీతో ఫ్రెండ్ షిప్ చేస్తాడు. ఆ పిల్లవాడు ఇప్పుడు ఏం చేస్తున్నాడో తెలుసా..? సినిమా రంగంలోనే కొనసాగుతున్నాడు. అతడి పేరు ఆనంద్ కృష్ణమూర్తి. దళపతి, సతీలీలావతిలో కమల్ హాసన్ కుమారుడిగా, ఆశ..ఆశ వంటి చిత్రాల్లో నటించి మెప్పించాడు. 1995 వరకు పలు సీరియల్స్, సినిమాల్లో చైల్డ్ ఆర్టిస్టుగా కనిపించాడు. తరువాత చదువుపై శ్రద్ధ పెట్టి.. అన్నా యూనివర్శిటీ నుండి ఎంఎస్సీ ఎలక్ట్రానిక్స్ మీడియాలో పట్టా పొందాడు. ఫిల్మ్, టెలివిజన్‌లో ఎంఎ కూడా పూర్తి చేశారు.
ఆ తర్వాత బ్రిటిష్ బ్రాడ్‌కాస్టింగ్ కార్పొరేషన్‌లో వచ్చి సౌండ్ ఇంజనీరింగ్ ట్రైనీగా పనిచేశారు. అనంతరం తమిళ పరిశ్రమలోకి వచ్చి..సౌండ్ ఇంజనీర్ అయ్యాడు. పలు సినిమాలు చేసిన.. అతడికి పేరు వచ్చింది మాత్రం కమల్ హాసన్ విశ్వరూపంతోనే. అక్కడ నుండి వెను దిరిగి చూసుకోలేదు. 2015 నుండి మణిరత్నం సినిమాల్లో పని చేస్తున్నారు. ఒకే కన్మణి (ఓకే బంగారం), కాట్రు వెలియదై (చెలియా), మొన్న వచ్చిన పొన్నియన్ సెల్వన్-2 వరకు ఆయన సౌండ్ ఇంజనీర్‌గా పనిచేశారు. మణిరత్నం సినిమాలతో పాటు పలు సినిమాలకు వర్క్ చేస్తున్నారు.
View this post on Instagram
