follow us:
దేశంలో ఎన్నికలు మొత్తం ఒక ఎత్తు అయితే.. ఆంధ్రప్రదేశ్ లో ఎన్నికలు మాత్రం మరో ఎత్తు. ఎందుకంటే.. ఎన్నికలతో సంబంధం లేకుండానే ఇక్కడ నిత్యం రాజకీయ రగడ కొనసాగుతూ ఉంటుంది. ఇక.. ఎన్నికలకి వేళ అయితే.. పరిస్థితి ఎలా ఉంటుందో ప్రత్యేకంగా చెప్పుకోవాల్సిన అవసరం లేదు. ఇప్పుడు ఆ సమయం రానే వచ్చింది. రాష్ట్రంలో ఎన్నికలకి ఇంకా రెండేళ్ల సమయం ఉన్నా.. అప్పుడే పొత్తుల వ్యవహారం తెరపైకి వచ్చింది.
2024 ఎన్నికల్లో పొత్తుల గోల లేకుండా ముందుకి పోవడానికి వైసీపీ సిద్ధం అయిపోయింది. కానీ.., జనసేన, TDP, BJP పొత్తు విషయంలోనే అసలు సమస్య అంతా వచ్చి పడింది. టీడీపీ ఏమో జనసేన తో పొత్తు కోరుకుంటుంది. మరోవైపు జనసేన బీజేపీతో భాగస్వామిగా ఉన్న సంగతి తెలిసిందే. ఇక తాజాగా జనసేన ఆవిర్భావ సభలో పవన్ కళ్యాణ్ మాట్లాడుతూ.. ఈసారి వైసీపీ వ్యతిరేక ఓటు చీలనివ్వనని తెలిపారు. అంటే పరోక్షంగా టీడీపీ, బీజేపీ పొత్తుల గురించి పేర్కొన్నారని జోరుగా ప్రచారం సాగుతోంది.
ఇది కూడా చదవండి: నా కూతురికి నేను పెళ్లి చేయలేదు,తనే చేసుకుంది..సోము వీర్రాజు
ఈ నేపథ్యంలో దీనిపై స్పందించిన ఏపీ బీజేపీ అధ్యక్షుడు సోము వీర్రాజు.. టీడీపీతో బీజేపీ పొత్తు ఉంటుందని తామెక్కడా చెప్పలేదన్నారు. ఇది కేవలం మీడియా అనుకుంటోందంటూ సోము వీర్రాజు వ్యాఖ్యానించారు. ఆయన వ్యాఖ్యలతో టీడీపీతో బీజేపీ పొత్తుపై ఇంకా క్లారిటీ రాలేదని అర్థమవుతోంది. అలాగే పవన్ కళ్యాణ్ జనసేన ఆవిర్భావ సభలో బీజేపీ నుంచి 2024 ఎన్నికలకు రోడ్ మ్యాప్ కూడా కోరారు. అంటే 2024 ఎన్నికల్లో బీజేపీ ఎవరితో కలిసి ముందుకు వెళ్లాలనుకుంటోంది అని పవన్ ప్రశ్నించారు. దీనికి ఇంకా బీజేపీ నుంచి సమాధానం రాలేదు.
ఇది కూడా చదవండి: సోము వీర్రాజు మందు హామీ! సారాయి వీర్రాజు అంటూ ట్రోల్స్!
అయితే టీడీపీతో బీజేపీ పొత్తుపై మాట్లాడిన సోము వీర్రాజు 2024 ఎన్నికలకు రోడ్ మ్యాప్ సిద్ధమవుతోందన్నారు. తద్వారా పవన్ కోరినట్లుగా బీజేపీ రోడ్ మ్యాప్ ఇచ్చేందుకు సిద్ధంగా ఉందనే సంకేతాలు కూడా ఇచ్చారు. దీంతో త్వరలో ఈ రోడ్ మ్యాప్ బయటికి వస్తే అప్పుడు పొత్తులపై క్లారిటీ వచ్చేలా ఉంది అంటున్నారు విశ్లేషకులు. మరి రానున్న అసెంబ్లీ ఎన్నికల్లో బీజేపీ, టీడీపీ, జనసేన కూటమిగా ఏర్పడి.. పవన్ కోరినట్లు వైసీపీ వ్యతిరేక ఓటు చీలకుండా చూస్తారా లేదా అనేది తెలియాలంటే.. మరి కొన్నాళ్లు ఎదురు చూడాలి. సోము వీర్రాజు వ్యాఖ్యలపై మీ అభిప్రాయాలను కామెంట్స్‌ రూపంలో తెలియజేయండి.
ఇది కూడా చదవండి: కడప ప్రజలకు సోము వీర్రాజు క్షమాపణలు..!
మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.
