అదృష్టాన్ని ‘ఉతికి’ ఆరేసిన మహిళ…!!!

లాటరీ తగలాలంటే రాసిపెట్టి ఉండాలి. ఎంతో లక్ ఉంటేనే లాటరీని గెలుచుకోలేరు. అయితే, కొంతమందికి అదృష్టం పలకరించే లోపే దురదృష్టం వచ్చి హగ్ ఇస్తుంది. ఇదిగో ఈ మహిళ పరిస్థితి ఇలాగే ఉంది. పరధ్యానమో మతిమరుపో తెలియదుగానీ ఆమె చేసిన చిన్న పొరపాటు వల్ల వేలు కాదు ., లక్షలు కాదు ఏకంగా రూ.190 కోట్లను పోగొట్టుకొనే పరిస్థితి నెలకొంది. ఇంతకీ ఏమైందంటే దేవుడు నిజంగానే కొన్నిసార్లు మ‌న‌కు ప‌రీక్ష పెడ‌తాడేమో. బంగారం మూట‌ను మ‌న క‌ళ్ల ముందు ప‌డేసినా మ‌నం కొన్ని సార్లు చూడ‌కుండా వెళ్తాం. దీన్ని కొన్ని సినిమాల్లో మ‌నం చూశాం. కొన్ని క‌థ‌లు కూడా ఉన్నాయి. అయితే ఆ మ‌హిళ‌కు కూడా స‌రిగ్గా ఇలాగే దుర‌దృష్టం ఎదురైంది. రూ.190 కోట్లను లాట‌రీలో గెలుచుకుంది. కానీ లాస్ ఏంజెల్స్‌కు చెందిన ఓ మహిళ తన అదృష్టం పరీక్షించుకోడానికి లాటరీ టికెట్ కొనుగోలు చేసింది. ఆ తర్వాత దాన్ని ఫ్యాంట్ జేబులో పెట్టుకుని ఇంటికి వెళ్లిపోయింది. పనుల్లో బిజీగా ఉండి  ఆమె లాటరీ టికెట్ విషయం మరిచిపోయింది.

ఆ ఫ్యాంట్‌ను ఉతికేందుకు లాండ్రీకి ఇచ్చింది. అయితే, అనుకోకుండా ఆమె టికెట్‌నే అదృష్టం వరించింది. అయితే, లాటరీ టికెట్ కోసం ఎంత వెతికినా కనిపించలేదు. తన లాటరీ టికెట్ నెంబరు 23, 36, 12, 31, 13 అని, అది లాండ్రీలో వేసి టికెట్ పోగొట్టుకున్నానని తెలిపింది. ఆమె లాటరీ టికెట్ కొనుగోలు చేసినట్లు రికార్డైంది. అయితే, లాటరీ విజేత తప్పకుండా టికెట్ చూపించాలి. దాని ముందు, వెనుక ఫొటోలైనా ఉండాలి. కానీ, ఆమె వద్ద అవి లేవు. ఇక్కడో ఛాన్స్ ఉంది. లాటరీ టికెట్ కొన్న వారి వివరాలు నమోదై ఉంటాయి. అందువల్ల స్టోర్ మేనేజర్ ఆమె లాటరీ కొన్నట్లుగా ఆధారం కోసం సీసీటీవీ ఫుటేజ్‌ని లాటరీ నిర్వాహకులకు పంపమని చెప్పారు. స్టోర్ ఉద్యోగులు ఆ వీడియో కాపీని పంపారు. ఇప్పుడు ఆమెకు లాటరీ తగిలిందా లేదా అన్నదానిపై ఇన్వెస్టిగేషన్ జరుగుతోంది. ఆమెకే తగిలింది అని రుజువైతే మనీ ఇస్తారు. ఆమెకు ఆ మొత్తం లభించాలంటే విజేత తానేనంటూ పూచీకత్తు రాసివ్వాలి. ఒక వేళ ఎవరైనా అదే టికెట్ పట్టుకుని వస్తే ఆమెకు చెల్లింపులను నిలిపేస్తారు. లేదా వెనక్కి తీసుకొనే అవకాశం ఉంది. విజేతలు వారం రోజుల వ్యవధిలో టికెట్ చూపించకపోతే ఆ మొత్తాన్ని కాలిఫోర్నియా పబ్లిక్ స్కూళ్లకు విరాళంగా అందిస్తారు. ఒక వేళ విచారణ పూర్తయితే ఆమెకు రూ.190 కోట్లలో ట్యాక్సులు పోగా రూ.144 కోట్లు వరకు వస్తాయి. అంతేగాక ఈ లాటరీ టికెట్‌కు అదనంగా రూ.95.26 లక్షల బోనస్ కూడా ఉంది. అయితే ఇదంతా ఆమె టిక్కెట్టు కొన్నట్లు కన్ ఫర్మ్ అయితేనే!..