follow us:
ఈ మధ్యకాలంలో భారీ బడ్జెట్ పాన్ ఇండియా మొదలుకొని చిన్న బడ్జెట్ సినిమాల వరకు సంఖ్య పరంగా గతంలో కంటే ఎక్కువ సినిమాలు తెరకెక్కుతున్నాయి. అయితే.. సినిమా పెద్దదైనా, చిన్నదైనా థియేట్రికల్ రిలీజ్ అయ్యాక.. డిజిటల్ స్ట్రీమింగ్ కోసం ఎక్కువకాలం ఎదురుచూసే అవసరం లేదు. ఓటిటిలు అందుబాటులో లేనప్పుడంటే.. కేవలం టీవీలలో పండుగ సమయాలలో దాదాపు ఆరు నెలల తర్వాత టెలికాస్ట్ అవుతుండేవి. కానీ.. ఎప్పుడైతే ఓటిటిలకు ప్రాధాన్యత పెరిగిందో.. అప్పటినుండి నెల రెండు నెలలకే సినిమాలన్నీ ఓటిటిలో స్ట్రీమింగ్ అవుతున్నాయి.
ఇప్పుడీ ఓటిటి రిలీజ్ బాటలోకి పాన్ ఇండియా చిత్రంగా విడుదలైన ‘పొన్నియన్ సెల్వన్‘ రానుందని సమాచారం. లెజెండరీ డైరెక్టర్ మణిరత్నం డ్రీమ్ ప్రాజెక్ట్ గా.. కల్కి కృష్ణమూర్తి రచించిన ‘పొన్నియన్ సెల్వన్’ బుక్ ఆధారంగా ఈ చిత్రాన్ని రూపొందించారు. అయితే.. రెండు భాగాలుగా ప్లాన్ చేసిన ఈ చిత్రం నుండి మొదటి భాగం ‘పొన్నియన్ సెల్వన్ 1’ ఇటీవలే ప్రేక్షకుల ముందుకొచ్చింది. బాక్సాఫీస్ వద్ద పాజిటివ్ టాక్ సొంతం చేసుకున్న ఈ చిత్రం.. ఇప్పటివరకు రూ. 500 కోట్ల గ్రాస్ కలెక్ట్ చేసినట్లు కోలీవుడ్ వర్గాలు చెబుతున్నాయి. ఈ సినిమాను లైకా ప్రొడక్షన్స్ తో పాటు మద్రాస్ టాకీస్ బ్యానర్ పై మణిరత్నం కూడా నిర్మించారు.
చియాన్ విక్రమ్, ఐశ్వర్యరాయ్, కార్తీ, త్రిష, జయం రవి, శోభిత లాంటి స్టార్ కాస్ట్ నటించిన ఈ పీరియాడిక్ చిత్రం.. తమిళనాడులో మాత్రం ఈ ఏడాది అత్యధిక వసూళ్లు రాబట్టింది. కానీ.. తెలుగులో మాత్రం మోస్తరుగానే ఆడింది పొన్నియన్ సెల్వన్. అయితే.. తాజాగా ఈ సినిమా ఓటిటి రిలీజ్ కి సంబంధించి పలు కథనాలు సోషల్ మీడియాలో ట్రెండ్ అవుతున్నాయి. పొన్నియన్ సెల్వన్ స్ట్రీమింగ్ హక్కులను అమెజాన్ ప్రైమ్ వారు సొంతం చేసుకున్నారు. ఈ క్రమంలో సినిమాను విడుదలైన 50 రోజులలోపే ఓటిటి స్ట్రీమింగ్ చేయనున్నారని, నవంబర్ మొదటి లేదా రెండో వారంలో రిలీజ్ కానున్నట్లు టాక్ నడుస్తుంది. దీనికి సంబంధించి అధికారిక ప్రకటన త్వరలోనే రానుందని కోలీవుడ్ వర్గాల టాక్. చూడాలి మరి పొన్నియన్ సెల్వన్ ఓటిటి ప్రేక్షకులను ఎలా ఆకట్టుకుంటుందో!
#PonniyinSelvan Streaming On #PrimeVideo
Coming Soon#vikram #karthi #jayamravi #parthiban #prakashraj #jayaram #vikramprabhu #prabhu #rahuman #aishwaryarai #trisha #aishwaryalekshmi #sobhitadhulipala #ott #diwali2022 #diwali #tamiltvsatellitesrights #vijayavikash#VIJAYAVIKASHM pic.twitter.com/vVEdp3tHfV— Tamil TV Satellites Rights (@TTSR_Official) October 24, 2022
