follow us:
చిన్న సినిమాగా వచ్చి సెన్సేషన్ క్రియేట్ చేసిన బేబీ సినిమా ఎట్టకేలకు ఓటీటీలోకి వచ్చేస్తుంది. ఏ ఓటీటీ వేదికపై విడుదలవుతుంది? ఎప్పటి నుంచి స్ట్రీమింగ్ అవుతుందంటే?
ఈ నెల జులై 14న థియేటర్స్ లోకి అడుగుపెట్టిన బేబీ సినిమా ఎంతటి ఘన విజయం సాధించిందో అందరికీ తెలిసిన విషయమే. బేబీ సినిమా రిలీజ్ అయిన దగ్గరనుంచి ఒకటే వర్షాలు అయినా సరే వర్షాన్ని సైతం లెక్కచేయకుండా యూత్ మొత్తం వర్షంలో తడుస్తూనే బేబీ థియేటర్స్ దగ్గర టికెట్స్ కోసం క్యూ కట్టారంటే బేబీ సినిమా యొక్క విజయం తాలూకు రేంజ్ ని ఊహించుకోవచ్చు. తాజాగా బేబీ సినిమాకు సంబంధించిన ఒక వార్త సినీ అభిమానుల్ని ఆనందంలో ముంచెత్తుతుంది. హృదయ కాలేయం ఫేమ్ సాయి రాజేష్ రచన దర్శకత్వంలో వచ్చిన సినిమా బేబీ. తొలి షో నుంచే సూపర్ డూపర్ హిట్ టాక్ తో దూసుకుపోయి తెలుగు సినిమా కథలకి సంబంధించి సరికొత్త ట్రెండ్ క్రియేట్ చేసిన మూవీ బేబీ. నేటికీ ఈ మూవీ అందరి హృదయాల్లో నుంచి వెళ్లిపోలేదంటే అతిశయోక్తి కాదు.
యూట్యూబ్ ద్వారా బాగా పాపులర్ అయ్యి కొన్ని తెలుగు సినిమాల్లో చిన్న చిన్న క్యారెక్టర్స్ చేసిన వైష్ణవి చైతన్య ప్రధాన పాత్రలో ఆనంద్ దేవరకొండ, విరాజ్ అశ్విన్ లు నటించిన మూవీ బేబీ. సాధారణంగా ఏ మూవీ గురించి అయిన చెప్పుకోవాలంటే పలనా సినిమాలో పలానా హీరో పలానా హీరోయిన్ అని చెప్పవచ్చు. కానీ బేబీ మూవీ గురించి మాత్రం చెప్పాలంటే హీరో హీరోయిన్ల పేర్లు చెప్పుకోము. ఆ సినిమా లోని కేరక్టర్స్ పేర్లు మాత్రమే చెప్పుకుంటాము. అంతగా ఆ సినిమాలో నటించిన వైష్ణవి చైతన్య, ఆనంద్ దేవరకొండ, విరాజ్ అశ్విన్ లు తమ పాత్రల్లో నటించారు. ఒక అమ్మాయి తెలిసి తెలియనితనంతో ఇద్దరు అబ్బాయిల్ని ఎలా ప్రేమించింది. అబ్బాయిలు తాము ప్రేమించిన అమ్మాయి కోసం ఎంత మదన పడతారు అనే పాయింట్ ని డైరెక్టర్ సాయి రాజేష్ చాలా చక్కగా చూపించాడు.
చాలా తక్కువ బడ్జెట్ తో నిర్మాణం చేసుకున్న ఈ బేబీ మూవీ బాక్స్ ఆఫీస్ వద్ద వసూళ్ల వర్షాన్ని కురిపించింది. ఈ సినిమా ని కొన్న డిస్టిబ్యూటర్ లు ఐతే పండగ చేసుకున్నారని చెప్పవచ్చు. ఇప్పుడు బేబీ సినిమా సినీ అభిమానులకు మరింత పండగ వాతావరణాన్ని తీసుకురాబోతుంది. బేబీ సినిమా ఆగస్టు 24 లేదా 25 వ తేదీల్లో ఓటీటీ ప్లాట్ ఫార్మ్ లో అగ్రనిర్మాణ సంస్థ అయిన ఆహా ద్వారా విడుదల కాబోతుందని ఆహా సంస్థ యాజమాన్యం ప్రకటించింది. ఇందుకు సంబంధించి సినీ అభిమానుల్ని ఉత్సాహ పరచడానికి బేబీ సినిమా తమ ఆహా సంస్థ ద్వారా రాబోతుందనే విషయాన్ని వెల్లడించింది. సో ఇక సినీ అభిమానులకి పండగే అని చెప్పవచ్చు.థియేటర్స్ లో ఎంతో సంచలనం సృష్టించిన బేబీ సినిమా ఓటీటీ ప్లాట్ ఫార్మ్ ఆహా ద్వారా ఇంకెంత సంచలనం సృష్టిస్తుందో అని సినీ వర్గాల వారు అంటున్నారు.
Get ready to witness the “Cult love story of the decade” one more time. ❤Baby will make you fall in love, scream in anger and cry at the same time. Premieres Aug 25. If you can’t wait till then, subscribe to aha gold and enjoy the movie 12 hours early.🤩@ananddeverkonda… pic.twitter.com/IkUv1duN89
— ahavideoin (@ahavideoIN) August 18, 2023
