follow us:
దేశంలోని బ్యాంకుల్లో వేల కోట్ల అప్పులు చేసి.. వాటిని కట్టకుండా విదేశాలకు పారిపోయి తలదాచుకుంటున్న విజయ్‌ మాల్యా తరచూ వార్తల్లో నిలుస్తూ ఉంటాడనే విషయం తెలిసిందే. ఒకప్పుడు ఎంతో లగ్జరీ లైఫ్‌ గడిపిన మాల్యా ప్రస్తుతం లండన్‌ వీధుల్లో కాలినడక తిరగడం, ప్రైవేట్‌ జెట్లలో విహారాలకు వెళ్లే మాల్యా విమానంలో సాధారణ ప్రయాణికుడిగా వెళ్లడం ఇటీవలి కాలంలో చూశాం. భారత్‌ కు తీసుకురావాలని ప్రభుత్వం ఎంత ప్రయత్నించినా.. అక్కడి దేశాల్లో లొసుగులు అడ్డుపెట్టుకుని బెయిల్‌ తెచ్చుకుని మాల్యా కాలం గడిపేస్తున్నాడు.
తాజాగా మరోసారి విజయ్‌ మాల్యా వార్తల్లో నిలిచాడు. అయితే బెయిల్‌, అరెస్టు వంటి వాటికి సంబంధించి కాదులెండి.. యూనివర్సల్‌ బాస్‌ క్రిస్ గేల్‌ ని కలిసిన విజయ్‌ మాల్యా ఆ ఫొటోలను సోషల్ మీడియాలో షేర్‌ చేశాడు. ‘చాలా కాలం తర్వాత.. యూనివర్స్ బాస్‌ క్రిస్టోఫర్‌ హెన్లీ గేల్‌, నా స్నేహితుడిని కలుసుకోవడం సంతోషంగా ఉంది. ఆర్సీబీ కోసం గేల్‌ రిక్రూట్‌ చేసినప్పటి నుంచి నాకు అతనికి మధ్య మంచి స్నేహం ఉంది.’ అంటూ విజయ్‌ మాల్యా ట్వీట్‌ చేశాడు.
Great to catch up with my good friend Christopher Henry Gayle @henrygayle , the Universe Boss. Super friendship since I recruited him for RCB. Best acquisition of a player ever. pic.twitter.com/X5Ny9d6n6t
— Vijay Mallya (@TheVijayMallya) June 22, 2022
రాయల్‌ ఛాలెంజర్స్‌ బెంగళూరు ఫ్రాంచైజ్‌కి తొలినాళ్లలో మాల్యానే యజమానిగా వ్యవహరించిన సంగతి తెలిసిందే. ఆర్సీబీ జట్టులోకి గేల్‌ ను తీసుకున్నప్పటి నుంచి విజయ్‌ మాల్యాకు అతనితో మంచి స్నేహం ఉంది. గేల్‌ ఐపీఎల్ లో ఆడినకాలంలో ఎక్కువ సంవత్సరాలు ఆర్సీబీకే ప్రాతినిధ్యం వహించాడు. క్రిస్ గేల్‌ ప్రదర్శనకు ముగ్దుడైన విజయ్‌ మాల్యా ఆ కాలంలో క్రిస్ గేల్‌ కు బెంగళూరులోని తన విలాసవంతమైన ఫామ్ హౌస్‌ లో మంచి పార్టీ కూడా ఇచ్చాడు. ప్రస్తుతం విజయ్‌ మాల్యా- క్రిస్ గేల్‌ ఫొటోలు సోషల్ మీడియాలో వైర్ల్ గా మారాయి. క్రిస్ గేల్‌ని విజయ్‌ మాల్యా కలవడంపై మీ అభిప్రాయాలను కామెంట్స్ రూపంలో తెలియజేయండి.
Vijay Mallya enjoyed party with Chris Gayle and British PM Boris Johnson. pic.twitter.com/ge32erLzat
— Sajid Dar 🍁 (@Beingsajiddarr) June 22, 2022
