follow us:
రూ. 20 లక్షల బడ్జెట్ లో హైదరాబాద్ కి దగ్గరలో గానీ టాటా, విప్రో లాంటి ఐటీ కంపెనీలకు దగ్గరలో గానీ ఫ్లాట్ లేదా స్థలం కొనాలని మీరు భావిస్తున్నారా? ఐతే ఈ ఏరియా మీకు బాగా సూటవుతుంది.
111 జీవో ఎత్తివేతతో దాని ప్రభావం హైదరాబాద్ సిటీలో రియల్ ఎస్టేట్ పై పడింది. ఐటీ ఉద్యోగులు ఎక్కువగా 111 పరిధిలో ఉన్న గ్రామాల్లో పెట్టుబడి పెట్టేందుకు మొగ్గు చూపుతున్నారు. ఈ కారణంగా హైదరాబాద్ లో భూముల ధరలు పడిపోయే అవకాశం ఉందని అంటున్నారు. సిటీకి దూరమైనా కానీ శివారు ప్రాంతాల్లో స్థలాలు, అపార్టుమెంట్లు, విల్లాలు కొనేందుకు ఆసక్తి చూపుతున్నారు. హైదరాబాద్ కి 37 కి.మీ. దూరంలో మహేశ్వరం అనే ఏరియా ఉంది. రాజీవ్ గాంధీ అంతర్జాతీయ విమానాశ్రయానికి, అవుటర్ రింగ్ రోడ్, ఈ-సిటీ, హార్డ్ వేర్ పార్క్, అమెజాన్ డేటా సెంటర్, ఫాక్స్ కాన్ కంపెనీలకు, షాపింగ్ మాల్స్ కి, టెంపుల్స్ కి అతి సమీపంలో ఈ మహేశ్వరం ఏరియా ఉంది. హైదరాబాద్-శ్రీశైలం హైవేకి చాలా దగ్గరగా ఉంది.
గచ్చిబౌలి, ఫైనాన్షియల్ డిస్ట్రిక్ట్ కి చేరుకోవాలంటే 20 నిమిషాల సమయం పడుతుంది. టాటా, విప్రో సెజ్, హెచ్సీఎల్, ఫ్యాబ్ సిటీ, ఫార్మా సిటీ వంటి వాటికి చాలా దగ్గరగా ఉంటుంది. త్వరగా అభివృద్ధి చెందుతున్న ఏరియాగా, ఎక్కువ కంపెనీలు ఉన్న కారణంగా రాబోయే రోజుల్లో మరో హైటెక్ సిటీ అవుతుందని నిపుణులు అభిప్రాయం వ్యక్తం చేస్తున్నారు. తక్కువ బడ్జెట్ లో ఇన్వెస్ట్ చేయడానికి మహేశ్వరం అనేది ఉత్తమమైన ఛాయిస్. ఫాస్ట్ అప్రిసియేషన్ అనేది వస్తుంది. అలానే స్కూల్, హాస్పిటల్, ట్రాన్స్ పోర్ట్ వంటి సదుపాయాలు ఉన్నాయి. 2 బీహెచ్కే, 3 బీహెచ్కే, 4 బీహెచ్కే ఫ్లాట్ లు, 3 బీహెచ్కే, 4 బీహెచ్కే విల్లాలు ఉన్నాయి. ల్యాండ్ మర్క్స్ కి చేరువలో ఉన్న ఈ ఏరియాలో మార్కెట్ గ్రోత్ అనేది చాలా బాగుంది.
మహేశ్వరం ఏరియాలో గేటెడ్ కమ్యూనిటీ అపార్ట్మెంట్ రూ. 19.9 లక్షల నుంచి 3.12 కోట్ల రేంజ్ లో ఉన్నాయి. చదరపు అడుగు రూ. 1,444 నుంచి రూ. 5,700 మధ్యలో ఉన్నాయి. ఇక స్థలం ధర అయితే సగటున చదరపు అడుగుకు రూ. 1650 పలుకుతోంది. గత పదేళ్లలో రియల్ ఎస్టేట్ అనేది 312.5 శాతం పెరగగా.. ఐదేళ్లలో 135.7 శాతం పెరిగింది. గత మూడేళ్ళలో 65 శాతం పెరిగింది. ఈ ఏరియాలో స్థలం మీద ఇన్వెస్ట్ చేయడమనేది మంచి ఛాయిస్ అని చెప్పవచ్చు.
ఐటీ కంపెనీలకు దగ్గరగా ఉండడమే కాకుండా గచ్చిబౌలి, హైటెక్ సిటీ, ఫైనాన్షియల్ డిస్ట్రిక్ట్ ఏరియాలకు కూడా దగ్గరగానే ఉంది. ఈ ఏరియాలో స్థలం కొనాలంటే చదరపు అడుగు రూ. 1650 చొప్పున రూ. 22 లక్షలవుతుంది. గజం రూ. 14,850 నుంచి మొదలవుతుంది. రూ. 22 లక్షలకు 1350 చదరపు అడుగుల విశాలమైన స్థలం దొరుకుతుంది. ఇంకో 20, 25 లక్షలు పెట్టుకుంటే సొంతంగా ఇల్లు కట్టుకోవచ్చు. ఈ బడ్జెట్ లో స్థలం గానీ, 2 బీహెచ్కే ఫ్లాట్ గానీ దొరకడం అసాధ్యం. కానీ మహేశ్వరంలో తక్కువ బడ్జెట్ లో గేటెడ్ కమ్యూనిటీస్ లో ఫ్లాట్లు, ప్లాట్లు దొరుకుతున్నాయి.
గమనిక: ఈ ధరల్లో హెచ్చుతగ్గులు అనేవి ఉంటాయని గమనించగలరు. స్థలం లేదా ఫ్లాట్ కొనుగోలు చేసే ముందు స్థానిక రియల్ ఎస్టేట్ ఏజెంట్లను గానీ యజమానులను గానీ సంప్రదించవలసిందిగా మనవి. పై కథనం కేవలం మీకు అవగాహన కల్పించడం కోసం ఇవ్వబడింది.ప్రాపర్టీ మీద పెట్టుబడి పెట్టడం పూర్తిగా మీ బాధ్యత మాత్రమే.
