కరోనాతో పోరాడి గెలిచిన సమీరా రెడ్డి!..

ఇప్పటికే సినీ పరిశ్రమకు చెందిన చాలా మంది వైరస్ బారినపడ్డారు. కొందరు ప్రాణాలు కోల్పోయారు. తెలుగులో ఒకప్పుడు హీరోయిన్‌గా నటించిన  సమీరా రెడ్డి., ఆమె భర్త ఆక్షయ్ వార్దేతో పాటు పిల్లలకు కూడా కొద్ది రోజుల క్రితం కరోనా సోకిన విషయం తెలిసిందే. దీంతో వెంటనే క్వారంటైన్‌లోకి వెళ్లిన ఆమె వైద్యుల సూచన మేరకు తగిన చికిత్స తీసుకుంది. తాజాగా నిర్వహించిన పరీక్షల్లో ఆమె కరోనా నుంచి కోలుకున్నట్లు నిర్ధారణ అయింది. ఈ విషయాన్ని సమీరా సోషల్‌మీడియా ద్వారా వెల్లడించింది.

download 4 1

‘నా కుటుంబం సురక్షితంగా ఉందని తెలిపేందుకు ఎంతో సంతోషిస్తున్నాను. మరోవైపు ప్రతీ ఒక్కరు పడుతున్న కష్టాలు చూస్తుంటే మనస్సు తరుక్కుపోతుంది. గత రెండు నెలలుగా ఫిట్‌సెన్ ఫ్రైడేని పాటించడం ఈ కఠిన సమయంలో నాకు ఎంతో ఉపయోగపడింది. నిజంగా పిల్లలకు, నాకు, అక్షయ్‌ ఒకేసారి కరోనాతో పోరాడాల్సి రావడం ఎంతో కష్టంగా అనిపించింది’’ అంటూ ఆమె ఇన్‌స్టాగ్రామ్‌లో పోస్ట్ చేసింది.

images 3 1

“ప్రతీ ఒక్కరు కూడా వ్యాయామం చేయండి. మన ఇంట్లో చేసే సింపుల్ వాకింగ్ కూడా మన స్టామినా పెంచేందుకు ఎంతో ఉపయోగపడుతుంది. వ్యతిరేక వార్తలను చూసి.. ఆగిపోవడం మంచిది కాదు. ఆరోగ్యకరమైన ఆహారం తీసుకోండి. హాయిగా నిద్రపోండి. ఇది ప్రతీ ఒక్కరు దృఢంగా ఉండాల్సిన సమయం. మీలో పాజిటివ్ శక్తిని పెంచుకోండి. జాగ్రత్తగా ఉండండి.. నాపై, నా కుటుంబంపై ప్రేమ చూపించిన మీ అందరికీ నేను రుణపడి ఉంటాను’’ అని ఆమె తెలిపింది.

LEAVE A REPLY

Please enter your comment!
Please enter your name here