follow us:
టీమిండియా క్రికెటర్ దీపక్ చాహర్ వివాహం ఘనంగా జరిగింది. చిన్ననాటి స్నేహితురాలు, ప్రేయసి జయా భరద్వాజ్ ను బంధుమిత్రులు, కుటుంబసభ్యుల సమక్షంలో బుధవారం వివాహం చేసుకున్నాడు. ఈ పెళ్లి తంతు ఆగ్రాలోని జైపీ ప్యాలెస్ లో అట్టహాసంగా జరిగింది. పెళ్లి వేడుక తర్వాత తన వివాహం గురించి ఇన్‌ స్టాగ్రామ్‌ వేదికగా తన ఫ్యాన్స్‌ కు తెలియజేశాడు. జయా భరద్వాజ్ మెడలో పూలమాల వేస్తూ తన జీవితంలోని అత్యంత ఆనంద క్షణాన్ని సోషల్ మీడియాలో షేర్‌ చేశాడు. అంతేకాకుండా తమ పెళ్లి ఫొటో షేర్‌ చేస్తూ దీపక్ చాహర్ ఓ ఎమోషనల్‌ నోట్‌ కూడా రాశాడు.
‘నేను నిన్ను మొదటిసారి కలిసినప్పుడు నాకు నువ్వే సరైన జోడీ అనే భావన కలిగింది.. ఆ విషయంలో నేనే కరెక్ట్. మనిద్దరం కలిసి మన జీవితంలోని ప్రతి క్షణాన్ని ఆనందంగా గడిపాం. నీకు మాటిస్తున్నా నిన్ను ఎప్పుడూ అలాగే ఆనందంగా ఉంచుతా. నా జీవితంలో ఎంతో ముఖ్యమైన క్షణం ఇది.. అందరూ ఆశీర్వదించండి’ అంటూ దీపక్ చాహర్ చెప్పుకొచ్చాడు. దీపక్ చాహర్ పోస్టుకు అభిమానులు శుభాకాంక్షలు చెబుతూ కామెంట్‌ చేస్తున్నారు.
View this post on Instagram
ఐపీఎల్‌ 2021 సీజన్‌ లో అక్టోబర్ 9న దుబాయ్‌ వేదికగా చెన్నై- పంజాబ్‌ మ్యాచ్‌ అనంతరం లైవ్‌ లో దీపక్ చాహర్.. జయా భరద్వాజ్ కు ప్రపోజ్‌ చేయడం.. అందుకు ఆమె ఓకే చెప్పిన సంగతి తెలిసిందే. జయా భరద్వాజ్ ఢిల్లీలోని ఎన్‌సీఆర్‌ లోకార్పొరేట్ మేనేజర్ గా విధులు నిర్వహిస్తోంది. ఈమె బిగ్‌ బాస్‌ ఫేమ్‌ సిద్ధార్థ్‌ భరద్వాజ్ సోదరి అ ప్రత్యేకంగా చెప్పాల్సిన అవసరం లేదు.
View this post on Instagram
దీపక్ చాహర్- జయా భరద్వాజ్ రిసెప్షన్ వేడుక ఢిల్లీలోని మౌర్య హోటల్‌ లో నిర్వహించనున్నారు. ఈ వేడుకకు ఎంఎస్‌ ధోనీ, చెన్నై సూపర్‌ కింగ్స్‌ టాప్‌ ప్లేయర్లు రానున్నట్లు సమాచారం. అంతేకాకుండా కోహ్లీ, అనుష్క సహా మొత్తం 60 మంది క్రికెటర్లకు ఆహ్వానాలు పంపినట్లు తెలుస్తోంది. కామెంట్స్ రూపంలో దీపక్ చాహర్- జయా భరద్వాజ్ లకు శుభాకాంక్షలు తెలియజేయండి.
View this post on Instagram
