ఓటిటిలోకి ‘ప్రిన్స్’ మూవీ! స్ట్రీమింగ్ ఎందులో, ఎప్పటినుండంటే..?

కోలీవుడ్ లో వరుస విజయాలతో దూసుకుపోతున్న హీరో శివకార్తికేయన్, ‘జాతిరత్నాలు’ ఫేమ్ అనుదీప్ కేవీ కాంబినేషన్ లో తెరకెక్కిన చిత్రం ‘ప్రిన్స్’. రొమాంటిక్ కామెడీ జానర్ లో రూపొందిన ఈ సినిమా ఇటీవల దీపావళి సందర్భంగా ప్రేక్షకుల ముందుకొచ్చింది. ఒరిజినల్ గా తమిళంలో తెరకెక్కినా.. ఈ సినిమాను తెలుగులోకి డబ్ చేసి రిలీజ్ చేశారు. ఇక బాక్సాఫీస్ వద్ద ప్రిన్స్.. మిక్స్డ్ టాక్ సొంతం చేసుకుంది. సురేష్ ప్రొడక్షన్స్, శ్రీ వెంకటేశ్వరా సినిమాస్ సంయుక్తంగా నిర్మించిన ఈ సినిమా.. సాంగ్స్, ట్రైలర్ పరంగా అంచనాలు క్రియేట్ చేసింది. కానీ.. తీరా బాక్సాఫీస్ వద్ద ఆ స్థాయి పెర్ఫార్మన్స్ చేయలేకపోయిందని ట్రేడ్ వర్గాలు తెలిపాయి.

ఇక ఈ మధ్యకాలంలో ఏ సినిమా అయినా థియేట్రికల్ రిలీజ్ తర్వాత ఓటిటిలోకి రావాల్సిందే కదా.. ఇప్పుడు ప్రిన్స్ కూడా డిజిటల్ స్ట్రీమింగ్ కి సిద్ధమైనట్లు తెలుస్తోంది. ఈ సినిమాలో శివకార్తికేయన్ స్కూల్ టీచర్ పాత్రలో అలరించగా.. అదే స్కూల్ లో ఇంగ్లీష్ టీచర్ గా హీరోయిన్ మరియా రైబోషాప్కా నటించింది. ఉక్రెయిన్ కి చెందిన ఈ బ్యూటీ హీరోయిన్ గా ఇదే డెబ్యూ మూవీ కావడం విశేషం. అయితే.. ఇండియన్ టీచర్, బ్రిటిష్ అమ్మాయి లవ్ ని ఎలా గెలిచాడు? అనే కథాంశంతో ఈ సినిమా.. ఫుల్ ఫన్ తో తెరకెక్కింది. ఇక థియేటర్స్ లో విజయవంతంగా కొనసాగుతున్న ఈ సినిమా ఓటిటి రిలీజ్ డేట్ వచ్చేసింది.

థియేటర్స్ లో ఏ సినిమా రిలీజ్ అయినా యాభై రోజుల్లోనే ఓటిటిలో రిలీజ్ అవుతున్నాయి. కాబట్టి.. అదే బాటలో ప్రిన్స్ కూడా యాభై కాకుండా ముప్పై ఐదు రోజుల్లో స్ట్రీమింగ్ కాబోతుంది. ఈ సినిమా స్ట్రీమింగ్ హక్కులను డిస్నీ ప్లస్ హాట్ స్టార్ వారు దక్కించుకున్నారు. ఇక నవంబర్ 25 నుండి సినిమాను స్ట్రీమింగ్ చేయనున్నట్లు అధికారిక డేట్ కూడా లాక్ చేసినట్లు సమాచారం. ఇదిలా ఉండగా.. హీరో శివకార్తికేయన్ ప్రిన్స్ కి ముందు డాక్టర్, డాన్ సినిమాలతో రూ. 100 కోట్ల క్లబ్ లో చేరాడు. చూడాలి మరి ప్రిన్స్ మూవీ ఓటిటి ప్రేక్షకులను ఏ విధంగా ఆకట్టుకుంటుందో! ఈ సినిమాకు తమన్ సంగీతం అందించాడు.

#Prince Ott release date locked🔒 November 25th on @DisneyPlusHS@Siva_Kartikeyan @anudeepfilm pic.twitter.com/kYdCrQsmxq

— SivaKarthikeyan Fans Club (@_SK_Fans_Club_) November 2, 2022