రైలు ప్రయాణికులకు బ్యాడ్ న్యూస్.. ఇక నుంచి టికెట్ క్యాన్సిల్ చేసినా GST కట్టాల్సిందే!

ప్రస్తుతం పండగల సీజన్‌ నడుస్తోంది. నెల తర్వాత ఊరికి వెళ్లాలన్నా కూడా ఇప్పుడే ట్రైన్‌ టికెట్‌ బుక్‌ చేసుకోవాల్సిన పరిస్థితి. అప్పటికప్పుడు అంటే ఎలాంటి రవాణా సౌకర్యాలు లేక ఇబ్బంది పడాల్సి వస్తుంది. ముందే బుక్‌ చేసుకుంటారే గానీ ఆ సమయానికి ప్లానింగ్‌ మారిపోవచ్చు, లేదా వెళ్లేందుకు వీలు కాకపోవచ్చు. అలాంటి సమయంలో కచ్చితంగా టికెట్‌ క్యాన్సిల్‌ చేయాల్సి ఉంటుంది.

మీరు బుక్ చేసుకున్న టికెట్‌ను క్యాన్సిల్‌ చేయాలంటే.. టికెట్‌ ధర నుంచి కొంత క్యాన్సిలేషన్‌ ఛార్జస్‌ కింద కట్‌ చేస్తారు. మీరు ఎప్పుడు క్యాన్సిల్‌ చేస్తున్నారన్న దానిపై ఆ క్యాన్సిలేషన్‌ ఛార్జెస్‌ ఎంత అనేది ఆధారపడి ఉంటుంది. అయితే ఇప్పుడు రైలు ప్రయాణికులకు కేంద్రం షాకిచ్చింది. ఇక నుంచి ట్రైన్‌ టికెట్‌ క్యాన్సిలేషన్ మీద కూడా జీఎస్టీ కట్టాలని ఉత్తర్వులు జారీ చేసింది.

అంటే మీరు టికెట్‌ బుక్‌ చేసుకునే సమయంలో ఎలాగైతే జీఎస్టీని చెల్లిస్తారో.. అలాగే ఆ టికెట్‌ క్యాన్సిల్‌ చేసుకునే సమయంలోనూ మీరు జీఎస్టీ చెల్లించాల్సి ఉంటుంది. ఉత్తర్వుల్లో ఏముందంటే.. “రైలు టికెట్ అనేది.. ప్రయాణికుడికి కావాల్సిన సేవలను అందిస్తానంటూ ప్రొవైడర్‌ చేసుకునే ఒప్పందం. టికెట్‌ క్యాన్సిల్ చేసుకుని ప్రయాణికుడు ఆ ఒప్పందాన్ని మీరిన సమయంలో క్యాన్సిలేషన్‌ ఛార్జెస్‌ చెల్లించాలి. అవి కుడా చెల్లింపుల పరిధిలోకి వస్తాయి కాబట్టి జీఎస్టీ చెల్లించాలి” అంటూ కేంద్రం చెబుతోంది.

ఉదాహరణకు.. ఏసీ ఫస్ట్ క్లాస్‌ టికెట్‌ బుక్ చేరసుకునే టైమ్‌లో మీరు 5 శాతం జీఎస్టీ చెల్లిస్తారు. ఇక నుంచి ఆ టికెట్‌ క్యాన్సిల్‌ చేసుకునే సమయంలోనూ మీరు 5 శాతం జీఎస్టీ చెల్లించాల్సి ఉంటుంది. ఆ జీఎస్టీ ఎలా వసూలు చేస్తారో చూద్దాం.. 48 గంటల ముందు ఏసీ ఫస్ట్‌ క్లాస్‌ టికెట్‌ క్యాన్సిల్ చేస్తే గతంలో రూ.240 క్యాన్సిలేషన్‌ ఛార్జెస్‌ కట్టేవారు. ఇక నుంచి రూ.252(రూ.240+రూ.12 జీఎస్టీ) కట్టాల్సి ఉంటుంది.

ప్రయాణానికి 48 గంటల ముందు ఏసీ 2టైర్‌ టికెట్ క్యాన్సిల్‌ చేస్తే రూ200, 3 టైర్‌ టికెట్‌పై రూ.180 వసూలు చేసేవారు. ఆ క్యాన్సిలేషన్‌ ఛార్జెస్‌కు ఇక నుంచి అదనంగా జీఎస్టీ కట్టాల్సి ఉంటుంది. అదే ప్రయాణానికి 48 గంటల నుంచి 12 గంటల మధ్య టికెట్ క్యాన్సిల్ చేస్తే 25 శాతం క్యాన్సిలేషన్ ఛార్జెస్‌, 12 గంటల నుంచి 4 గంటల ముందు అయితే 50 శాతం క్యాన్సిలేషన్ ఛార్జెస్‌ ఉండేవి. ఇక నుంచి అదనంగా జీఎస్టీ ఉంటుంది. అయితే సెకండ్‌ క్లాస్‌ స్లీపర్‌ టికెట్‌ క్యాన్సిలేషన్‌పై మాత్రం జీఎస్టీ విధించడం లేదు. ఈ నిర్ణయంపై మీ అభిప్రాయాలను కామెంట్స్‌ రూపంలో తెలియజేయండి.

Cancellation of confirmed train tickets, too, will now attract GST, on cancellation charges for that particular class of travel, according to a circular issued by the Ministry of Finance. pic.twitter.com/bpazek5f79

— PRÓ ĞŘØØŤ ™ (@desigroot) August 29, 2022

• ఇదీ చదవండి: దుబాయ్ సముద్ర తీరంలో ఖరీదైన విల్లా కొన్న ముఖేష్ అంబానీ.. ధర ఎంతంటే?
• ఇదీ చదవండి:  నెలకు రూ. 55 చెల్లిస్తే.. ఏడాదికి రూ. 36 వేల పెన్షన్.. ఎలాగో తెలుసా?