శుభవార్త..! వారికి రెండేళ్లు సాలరీతో కూడిన హాలిడేస్..

ఈ రోజుల్లో చాలా కుటుంబాల్లో భార్యాభర్తలు ఇద్దరు ఎంప్లాయ్స్ ఉంటున్నారు. ఇలా ఇద్దరు ఉద్యోగులై ఉన్న వారికి కేంద్ర ప్రభుత్వం గుడ్‌న్యూస్ తెలిపింది. భార్యాభర్తలు ఇద్దరు ఉద్యోగులైనపుడు వారి పిల్లలను చూసుకునేందుకు తగిన సమయం ఉండదు. కాబట్టి దానికి సంబంధించిన వెసులుబాటును ఇటీవల కేంద్రం కల్పించింది. ఉద్యోగులకు సర్వీసులో మొత్తం పిల్లల సంరక్షణ కొరకు లీవ్స్ ప్రత్యేకంగా తీసుకునే అవకాశం కల్పిస్తుంది. ఆల్ ఇండియా సర్వీసెస్ అర్హత కలిగిన వారికి మొత్తం సర్వీస్‌లో హాలిడేస్‌కు సంబంధించిన నియమ నిబంధనలను కేంద్ర ప్రభుత్వం ఇటీవల సవరించింది. సవరణల ప్రకారం ఇద్దరు పిల్లలను చూసుకోవడానికి గరిష్టంగా రెండు సంవత్సరాలపాటు సెలవులు తీసుకోవచ్చు అని తెలిపింది. దీని గురించి మరిన్ని వివరాలను తెలుసుకుందాం..

డిపార్ట్‌మెంట్ ఆఫ్ పర్సనల్ అండ్ ట్రైనింగ్(DoPT) 1995 ప్రకారం ఈ మధ్య ఆల్ ఇండియా సర్వీసెస్ రూల్స్, సవరించిన చైల్డ్ కేర్ లీవ్ నియమాలను తెలియజేసింది. దీని ప్రకారం రెండు సంవత్సరాలు సెలవులు తీసుకున్నా.. వేతనాలు మాత్రం అందుకోవచ్చు. అంటే సెలవుల్లో ఉన్నాకూడా సాలరీ వస్తుంది. ఆల్ ఇండియా సర్వీసెస్‌లోని ఒక మహిళ లేదా పురుషుడు తమ ఇద్దరు పిల్లల బాధ్యతను చూసుకోవడానికి వారి సర్వీసులో 730 రోజులు సెలవులు తీసుకునే అవకాశం కల్పించారు. వారి పిల్లలకు 18 సంవత్సరాల వయసు వచ్చేవరకు సంరక్షణ కొరకు సెలవు తీసుకునే వెసులుబాటు కేంద్రం కల్పించింది.

చైల్డ్ కేర్ లీవ్ సమయంలో ఓ ఎంప్లాయ్ లీవ్ తీసుకుంటే మొదటి సంవత్సరం 100 శాతం జీతం అందుతుంది. అంటే 365 రోజులన్నమాట. ఆ తరువాత సంవత్సరంలో 80 శాతం సాలరీ చెల్లిస్తారు. అయితే ఒక క్యాలెండర్ ఏడాదిలో 3 స్పెల్‌ల కంటే ఎక్కువ కాలం చైల్డ్ కేర్ లీవ్ వర్తించదు. కానీ సర్వీస్‌లో ఉన్న ఒంటరి మహిళకు ఏడాదిలో 6 స్పెల్‌ల వరకు లీవ్ తీసుకునే అవకాశం ఉంటుంది. చైల్డ్ కేర్ లీవ్ కింద తీసుకునే లీవ్స్ ఇతర సెలవుల్లో కలిపేందుకు అవకాశం లేదు. చైల్డ్ కేర్ లీవ్స్ కు ప్రత్యేకంగా కౌంటింగ్ ఉంటుంది.