Coromandel Express: ఒడిశాలో ఘోర రైలు ప్రమాదం.. 70 మంది తెలుగు ప్రయాణికులు ఏమైనట్లు?

ఒడిశాలో ఘోర రైలు ప్రమాదం చోటుచేసుకుంది. మాటలకు అందని ఈ విషాద ఘటనలో ఇప్పటివరకు 233 మంది మృతి చెందారు. బాలేశ్వర్​కు దగ్గర్లోని బహనగా దగ్గర శుక్రవారం రాత్రి రెండు ఎక్స్​ప్రెస్ రైళ్లు.. ఒక గూడ్స్ రైలు ఒకదానికొకటి ఢీకొన్నాయి. ఈ ఘటనలో 900 మందికి పైగా ప్రయాణికులు గాయపడ్డారని తెలుస్తోంది. యాక్సిడెంట్ రాత్రి వేళ జరగడంతో సహాయక చర్యలకు ఆటంకం ఏర్పడింది. ఎన్​డీఆర్​ఎఫ్, అగ్నిమాపక శాఖ సహా రైల్వే సిబ్బంది సహాయక చర్యల్లో పాల్గొన్నారు. రైళ్లు పరస్పరం ఢీకొన్న ఈ ఘటనలో మృతుల సంఖ్య ఇంకా పెరిగే ఛాన్స్ ఉంది. ఇండియన్ రైల్వేస్ చరిత్రలోనే అత్యంత విషాదకర ఘటనగా దీన్ని అధికారులు చెబుతున్నారు. ఒకే ట్రాక్​ మీదకు రెండు రైళ్లు వచ్చినట్లు సమాచారం. అధికారుల నిర్లక్ష్యం వల్లే ఈ యాక్సిడెంట్ చోటుచేసుకున్నట్లు భావిస్తున్నారు.

ఇక, కోరమాండల్ ఎక్స్​ప్రెస్​లో దాదాపు 70 మంది వరకు ఆంధ్రప్రదేశ్​కు చెందిన ప్రయాణికులు ఉన్నట్లు తెలుస్తోంది. వీళ్లంతా హౌరా, బాలేశ్వర్ లాంటి స్టేషన్లలో రైలు ఎక్కారని సమాచారం. ఏపీలోని విజయనగరం, విశాఖపట్నం, రాజమండ్రి స్టేషన్లలో ఈ ప్యాసింజర్లు దిగాల్సి ఉంది. ట్రైన్ యాక్సిడెంట్​కు సంబంధించిన వివరాలు అందించేందుకు ఒడిశా, వెస్ట్ బెంగాల్ ప్రభుత్వాలు, రైల్వే శాఖ హెల్ప్ లైన్ నంబర్లను ఏర్పాటు చేశాయి. ఈ ట్రైన్స్​లో తెలుగువాళ్లు ఎవరైనా ఉంటే వారి ఆచూకీ కోసం వైజాగ్, విజయనగరం స్టేషన్లలో సంప్రదించేందుకు అధికారులు హెల్ప్​లైన్ నంబర్లను ప్రకటించారు. విశాఖపట్నం స్టేషన్​కు 0891-2746330, 0891-2744619 నంబర్లకు కాల్ చేయొచ్చు. శ్రీకాకుళం స్టేషన్​కు 0894-2286213, 0894-2286245 నంబర్లకు ఫోన్ చేసి సమాచారం తెలుసుకోవచ్చు.

Coromandel Express Incident
Biggest Train Accident after 2004..#CoromandelExpressAccident #CoromandalExpress pic.twitter.com/UYFwqy92Jv

— Fukkard (@Fukkard) June 3, 2023