వీర్యం దానం చేయండి.. డబ్బులు పొందండి.. స్పెర్మ్ బ్యాంకుల బంపరాఫర్!

ఒక ప్రాణాన్ని నిలిపేది రక్తదానం అయితే, ఒక ప్రాణాన్ని సృష్టించేది వీర్యదానం. ఇవి రెండూ ఇతరులకు మేలు చేసేవే. కావున సంతాన సమస్యలతో కుమిలిపోయే జంటల కల నెరవేరాలంటే వీర్యదాత ఉండాల్సిందే. ఇప్పటికే ఈ కాన్సెప్ట్ మీద హిందీలో విక్కీ డోనార్, తెలుగులో నరుడా డోనరుడా వంటి సినిమాలు కూడా వచ్చాయి. అందులో హీరోలు వీర్యదానం చేస్తూనే డబ్బులు సంపాదిస్తారు. ఆ కోవకు చెందిందే ఈ వార్త కూడా. జనాభా పెరుగుదల కోసం వీర్యాన్ని దానం చేయాల్సిందిగా యూనివర్సిటీ విద్యార్థులను స్పెర్మ్ బ్యాంకులు కోరుతున్నాయి. అలా అని ఊరికే కాదు.. నాణ్యతను బట్టి డబ్బులిస్తామంటున్నాయి. అదేంటో ఇప్పుడు చూసేద్దాం..

స్పెర్మ్ డోనేషన్ అనేది ఈ రోజుల్లో కామన్. సమాజంలో దీనిపై సదుద్దేశం లేకపోయినా వీర్యం దానం చేయాలనుకోవడం మంచి నిర్ణయమే. జనాభా పెరుగుదలకు చైనా ప్రభుత్వం చేస్తున్న ప్రయత్నాలు ఫలించక పోవడంతో ఈ మార్గాన్నే ఎంచుకుంది. ఫిబ్రవరి 2న నైరుతి చైనాలోని యునాన్ హ్యూమన్ స్పెర్మ్ బ్యాంక్ వీర్యదానానికి దాతలు కావాల్సిందిగా ప్రకటన ఇచ్చింది. స్పెర్మ్ డొనేషన్ విధానం, నిబంధనలు, చెల్లించే రుసుము గురించి అందులో పేర్కొంది. 20 నుంచి 40 ఏళ్ల వయసు, 165 సెంటీమీటర్ల కంటే ఎక్కువ ఎత్తు, డిగ్రీ ఉన్న ఆరోగ్యవంతులైన వారు ఇందుకు అర్హులని పేర్కొంది. అర్హులైన వారు8-12 సార్లు వీర్యం దానం చేస్తే.. 4,500 యూవాన్లు (భారత కరెన్సీలో సుమారు రూ.55,000) పొందవచ్చని పేర్కొంది.

అలాగే.. చైనాకు చెందిన షాంగ్జీ స్పెర్మ్ బ్యాంక్ కూడా ఈ మధ్యకాలంలో ఇలాంటి ప్రకటన చేసింది. కాకుంటే అందులో వీర్య దాతలు ఎత్తు కనీసం 168 సెంటీమీటర్లుగా పేర్కొంది. అర్హులైన వారు వీర్యం దానం చేస్తే.. 5,000 యూవాన్లు (భారత కరెన్సీలో సుమారు రూ.60,000) చెల్లిస్తామని చెప్పింది. అయితే..బట్టతల, దృష్టి లోపం, బీపీ వంటి అనారోగ్య సమస్యలు, స్మోకింగ్‌, మద్యం సేవించే అలవాట్లు ఉన్నవారు వీటికి అనర్హులగా పేర్కొంటున్నాయి. చైనాలో జనాభా నియంత్రణపై ఆంక్షలు విధించిన నాటి నుంచి ఆ దేశ జనాభా పెరగడం లేదు. ఈ నేపథ్యంలోనే ఇలాంటి ప్రకటనలు చేస్తోంది. కాగా, మనదేశంలోనూ చాలాచోట్ల ఇలాంటి బ్యాంకులు అందుబాటులోకి వచ్చాయి. కొన్ని సంస్థలు స్పెర్మ్ డొనేషన్ చేసేవారికి నగదు కూడా చెల్లిస్తున్నాయి. అలాగే, దాత వివరాలు, గ్రహీతల వివరాలు గోప్యంగా ఉంచుతారు. ఒకరికొకరు తెలియనివ్వరు. మీరు కూడా వీర్యం దానాన్ని సంపదగా మార్చుకుంటే.. స్పెర్మ్ బ్యాంక్ లను సంప్రదించవచ్చు.

Why is China asking students to donate sperm? Banks giving bumper money, know what is the reason https://t.co/hXPHc6eOpf

— WOW NEWS (@WOWNEWS14) February 11, 2023