follow us:
పల్సర్ బైక్ ఝాన్సీ.. గత కొద్ది రోజులుగా రెండు తెలగు రాష్ట్రాలు, యూట్యూబ్‌లో ఈ పేరు, ఆ పాట ఎంతో ఫేమస్‌ అయ్యాయి. శ్రీదేవీ డ్రామా కంపెనీ ప్రోగ్రామ్‌లో ఆమె చేసిన డాన్స్‌ పర్ఫార్మెమెన్స్‌ తెలుగు ప్రేక్షుకులంతా ఆమె అభిమానులు అయిపోయారు. ఆమె ఎక్స్‌ ప్రెషన్స్, గ్రేస్‌, డాన్స్‌ మూమెంట్స్‌ చూసి ఫిదా అయిపోయారు. సోమవారం గురుపూజోత్సవం సందర్భంగా ఝాన్సీ బృందం మొత్తం తమ గురువుని సత్కరించారు. ఆ సందర్భంగా ఝాన్సీ ఎమోషనల్‌ కామెంట్స్ చేసింది. తమకు మద్దతిస్తున్నారు ఉన్నారు.. అలాగే కొందరు కావాలని ట్రోల్స్ చేస్తున్నారంటూ ఆవేదన వ్యక్తం చేసింది.
పర్ఫార్మెన్స్‌ తర్వాత ఝాన్సీ స్టేజ్‌ మీద తాను ఒక ఆర్టీసీ కండెక్టర్‌ అని, గాజువాక డిపోలో వర్క్‌ చేస్తానని చెప్పడంతో అంతా ఆశ్చర్యపోయారు. ఆ తర్వాత ఆమె గురించి, ఆమె పడిన కష్టాలను తెలుసుకుని ఎంతో మద్దతుగా నిలుస్తున్నారు. అయితే కొందరు మాత్రం బ్యాడ్‌ కామెంట్స్ చేస్తూ ఇబ్బంది పెడుతున్నారు. “నన్ను కండెక్టర్‌ గా కాదు.. ఒక డ్యాన్సర్‌గా గుర్తించి శ్రీదేవీ డ్రామా కంపెనీకి ఆహ్వానించారు. అక్కడ నేను చేసిన పర్ఫార్మెన్స్‌ కి ఎంతో గొప్ప పేరొచ్చింది. అయితే వీడియోస్‌ కింద కొందరు బ్యాడ్‌ కామెంట్స్ చేస్తున్నారు. నన్ను సపోర్ట్‌ చేసిన నా భర్తను కూడా తిడుతున్నారు. దయచేసి అలా చేయకండి” అంటూ ఝాన్సీ ఆవేదన వ్యక్తం చేసింది. ఝాన్సీ వ్యాఖ్యలపై మీ అభిప్రాయాలను కామెంట్స్ రూపంలో తెలియజేయండి.
