అమ్మాయిని ఏడిపించిన వ్యక్తికి తగ్గట్టు గుణపాఠం చెప్పిన గ్రామ పెద్దలు

ప్రేమ పేరుతో లేదా తమ కోరికలు తీర్చాలంటూ యువతి పట్ల అసభ్యంగా ప్రవర్తిస్తుంటారు అబ్బాయిలు. ఇంట్లో చెబితే గొడవలు అయిపోతాయని మనస్సులోనే బాధను అనుభవిస్తుంటారు. దీంతో అబ్బాయి ఆగడాలకు అంతుపొంతు ఉండదు. నిరంతరం అవే వెకిలి చేష్టలతో ఇబ్బందులకు గురి చేస్తుంటారు. వారికి ఎదురు తిరిగితే.. కక్ష సాధిస్తారన్న కారణంతో తమలోనే మదన పడిపోతుంటారు అమ్మాయిలు . ఇక ఆ చేష్టలు ఎక్కువైతే..వాటిని తాళలేక అప్పుడు తల్లిదండ్రులకు చెబుతారు. లేదంటే పోలీసులకు ఫిర్యాదు చేస్తారు. దీంతో వారిని పోలీసులు, లేదా అమ్మాయి తల్లిదండ్రులు వార్నింగ్ ఇచ్చి వదిలేస్తుంటారు. సాధారణంగా ఇదే జరుగుతుంది.

కానీ ఓ గ్రామంలో మాత్రం అమ్మాయిలను ఏడిపించిన అబ్బాయికి.. సదరు బాధితురాలితోనే పన్మిష్మెంట్ ఇప్పించారు. ఇంతకు ఆ గ్రామం ఎక్కడుందంటే ఉత్తరప్రదేశ్‌లోని హపూర్ అనే జిల్లాలో. ఆ గ్రామంలో ఉంటున్న యువతిని.. ఓ యువకుడు వేధించసాగాడు. తొలుత భరించిన యువతి.. పిచ్చి చేష్టలు ఎక్కువవ్వడంతో గ్రామ పెద్దలకు ఫిర్యాదు చేసింది. ఈ విషయాన్ని గ్రామ పెద్దలు సీరియస్‌గా తీసుకుని.. వినూత్న తీర్పునిచ్చారు. యువకుడ్ని ఆ యువతి చెప్పు దెబ్బలు కొట్టాలని గ్రామపంచాయితీ నిర్ణయించింది. వారు ఇచ్చిన తీర్పును అమలు చేసేలా అందరి ముందు ఆ అమ్మాయి.. యువకుడ్ని చెప్పుతో పలుమార్లు కొట్టింది. ఈ తీర్పుకు సంబంధించిన దృశ్యాలు సోషల్ మీడియాలో వైరల్ అవుతున్నాయి. దీంతో ఈ విషయం పోలీసుల దృష్టికి వెళ్లింది. పోలీసులు ఆ గ్రామానికి చేరుకున్నారు. ప్రస్తుతం ఈ ఘటనపై దర్యాప్తు చేస్తున్నారు.

Chappal kalesh b/w a Girl and a Guy over Harrasingg and Mosbehaving with the girl in Hapur,UP pic.twitter.com/cSx7sAkvW3

— Ghar Ke Kalesh (@gharkekalesh) August 17, 2023