డ్రగ్స్‌ కేసులో ప్రముఖ హీరో బావమరిది అరెస్ట్‌!

ప్రస్తుతం సమాజాన్ని పట్టి పీడిస్తున్న అతిపెద్ద సమస్య డ్రగ్స్‌. మత్తు పదార్థాల వినియోగం ఎంతటి ప్రమాదాలు కలగజేస్తుందో తెలిసి కూడా కొందరు.. వాటికి బానిసలవుతున్నారు. ఇ‍క డ్రగ్స్‌ వాడకం విషయంలో సినీ ఇండస్ట్రీకి చెందిన పలువురు ఆరోపణలు ఎదుర్కొంటున్న సంగతి తెలిసిందే. డ్రగ్స్‌ వ్యవహారంలో ఇటు టాలీవుడ్‌ నుంచి అటు బాలీవుడ్‌ వరకు ఎంతో మంది ప్రముఖుల పేర్లు తెర మీదకు వచ్చాయి. చాలామందిని విచారించారు కూడా.

ఈ క్రమంలో తాజాగా డ్రగ్స్‌ కేసులో కీలక పరిణామం చోటు చేసుకుంది. బాలీవుడ్‌ హీరో అర్జున్‌ రాంపాల్‌ గర్ల్‌ఫ్రెండ్‌ గాబ్రియెల్లా సోదరుడు డెమెట్రియాడెస్ ఏజిసిలాస్‌ను ముంబై పోలీసులు అరెస్ట్ చేశారు. దక్షిణాఫ్రికా దేశస్థుడైన డెమెట్రియాడెస్ గత కొద్దికాలంగా ముంబైలో ఉంటున్నాడు. గతంలో డ్రగ్స్ కేసులో అర్జున్ రాంపాల్ భాగస్వామి గ్యాబ్రిలా డెమెట్రియాడెస్‌ను కూడా పోలీసులు అరెస్ట్ చేసిన విషయం తెలిసిందే.

ఇది కూడా చదవండి: డ్రగ్స్‌ రవాణాకు స్మగ్లర్ల ఐడియాస్‌కు ఖంగుతిన్న ఎన్సీబీ అధికారులుడ్రగ్స్ వ్యవహారంలో ఆరోపణలు ఎదుర్కొంటున్న డెమెట్రియాడెస్‌పై 2021 సెప్టెంబర్‌లో వారెంట్‌ జారీ అయ్యింది. ఎన్‌డీపీఎస్‌ కోర్టు ఆదేశాల మేరకు గత ఏడాది అతనిపై చర్య తీసుకున్నారు. మాదకద్రవ్యాల అక్రమ రవాణాకు సంబంధించిన పలు కేసుల్లో ఆయన ఉన్నట్లు ఆరోపణలు ఉన్నాయి. దేశవ్యాప్తంగా సంచలనం సృష్టించిన సుశాంత్ సింగ్ రాజ్‌పుత్ డ్రగ్స్ కేసులో కూడా డెమెట్రియాడెస్ నిందితుడిగా ఉన్నాడు.

ఇది కూడా చదవండి: డ్రగ్స్‌ కేసులో నిహారికకు నోటీసులు.. క్లారిటీ ఇచ్చిన నాగబాబు!

గత ఏడాది సెప్టెంబర్ 21న ముంబైలోని ఎన్‌డీపీఎస్‌ కోర్టు డెమెట్రియాడెస్‌పై ఉత్తర్వులు జారీ చేయగా, దానిని అతను బాంబే హైకోర్టులో సవాలు చేశాడు. అయితే తాజాగా అక్రమ డ్రగ్స్ రవాణా కేసులో గోవాలో డెమిట్రియాడెస్‌ను కొద్ది రోజుల క్రితం అదుపులోకి తీసుకొన్నారు. అప్పటి నుంచి గోవాలో రిమాండ్‌లో ఉన్నారు. గోవాలోని బాంబే హైకోర్టు పలుమార్లు అతడి బెయిల్ పిటిషన్‌ను రిజెక్ట్ చేసింది.

ఇది కూడా చదవండి: డ్రగ్స్‌ కేసులో కొత్త మలుపు.. సినీ తారాలందరికీ క్లీన్‌చిట్‌ లభించే చాన్స్‌?

గోవా హైకోర్టు ఆదేశాలకు వ్యతిరేకంగా ఆయన సుప్రీంకోర్టులో పిటిషన్ దాఖలు చేయగా, ఏప్రిల్ 19న సుప్రీంకోర్టు దానిని తిరస్కరించింది. దీంతో అతడిని ముంబైలోని ఆర్థర్ రోడ్ జైలుకు తరలించాలని ముంబై పోలీసులు భావిస్తున్నారు. దీనిపై మీ అభిప్రాయాలను కామెం‍ట్స్‌ రూపంలో తెలియజేయండి.

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.