ఒక ప్రముఖ మోడల్, నటుడు మృతి చెందారు. సొంత అపార్ట్మెంట్లో ఆయన శవమై కనిపించారు. నటుడి మరణ వార్తతో చిత్ర పరిశ్రమలో విషాదఛాయలు అలముకున్నాయి.
మూవీ ఇండస్ట్రీలో వరుస విషాదాలు చోటుచేసుకుంటున్నాయి. తాజాగా బాలీవుడ్లో మరో విషాదం జరిగింది. ప్రముఖ నటుడు, మోడల్, కాస్టింగ్ కో-ఆర్డినేటర్ అయిన ఆదిత్య సింగ్ రాజ్పుత్ మృతి చెందారు. ముంబై అంధేరీ సొంత అపార్ట్మెంట్లోని ఇంట్లో ఆయన శవమై కనిపించారు. వాష్రూమ్లో శవమై కనిపించిన ఆదిత్యను చూసి అతడి ఫ్రెండ్ షాకయ్యాడు. వాచ్మన్ సాయంతో ఆదిత్యను ఆస్పత్రికి తీసుకెళ్లాడు. కానీ అప్పటికే ఆయన కన్నుమూశారని వైద్యులు తెలిపారు. ఆదిత్య సింగ్ రాజ్పుత్ డ్రగ్స్ ఓవర్డోస్ వల్లే మృతి చెందారని ముంబై మీడియా వర్గాల సమాచారం. మోడల్గా కెరీర్ను మొదలుపెట్టిన ఆదిత్య.. ఆ తర్వాత హిందీ చిత్రసీమ వైపు తన అడుగులు వేశారు. నటుడిగా పలు చిత్రాల్లో నటించారు ఆదిత్య.
ఆ తర్వాత కాలంలో చాలా మంది కొత్తవారిని సినీ పరిశ్రమకు పరిచయం చేశారు ఆదిత్య. ప్రముఖ బ్రాండ్లకు మోడల్గా పనిచేసిన ఆదిత్య.. కాస్టింగ్ కో-ఆర్డినేటర్గా ఎంతో మందిని తెరకు ఇంట్రడ్యూస్ చేశారు. ఇండస్ట్రీలోని చాలా మంది నటులతో ఆయనకు సత్సంబంధాలు ఉన్నాయి. అలాంటి ఆదిత్య మరణ వార్త బాలీవుడ్ పరిశ్రమను షాక్కు గురిచేసింది. ఇకపోతే, ‘క్రాంతివీర్’, ‘మైనే గాంధీ కో నహీ మారా’ లాంటి పలు ఫిల్మ్స్లో ఆదిత్య యాక్ట్ చేశారు. దాదాపుగా 300కు పైగా యాడ్స్లో ఆయన నటించారు. అలాగే స్ప్లిట్స్విల్లా 9 లాంటి పాపులర్ రియాలిటీ షోల్లోనూ పాల్గొన్నారు. అంతేగాక లవ్, ఆషికీ, కోడ్ రెడ్, ఆవాజ్ సీజన్ 9, బ్యాడ్ బాయ్ సీజన్ 4తో పాటు పలు ఫేమస్ టెలివిజన్ ప్రాజెక్టుల్లోనూ పనిచేశారు. ముంబైలోని సినిమా కార్యక్రమాలు, పార్టీలు, పేజ్ 3 ఈవెంట్స్లో ఆదిత్య ఎక్కువగా కనిపించేవారని తెలుస్తోంది.
Actor Aditya Singh Rajput found dead at his apartment in Andheri area. Body sent for post-mortem. Investigation underway: Mumbai Police
(Pic: Aditya’s Instagram) pic.twitter.com/1ZHbKB9ilp
— ANI (@ANI) May 22, 2023
