follow us:
వాంటెడ్ పండుగాడు.. టాలీవుడ్‌ లో చాలా గ్యాప్‌ తర్వాత టాప్‌ కమీడియన్స్‌ అందరినీ పెట్టి తెరకెక్కించిన సినిమా. అంతేకాకుండా దర్శకేంద్రుడు రాఘవేంద్రరావు పర్యవేక్షణలో శ్రీధర్ సీపాన దర్శకత్వంలో రానున్న చిత్రం ఇది. ఈ సినిమాలో తనికెళ్ల భరణి, బ్రహ్మానందం, ఆమని, పృథ్వీరాజ్, సునీల్, శ్రీనివాసరెడ్డి, వెన్నెల కిషోర్, సప్తగిరి, సుడిగాలి సుధీర్, అనసూయ, దీపికా పిల్లి, విష్ణుప్రియ ప్రధాన పాత్రల్లో నటిస్తున్నారు. ఈ సినిమా బృందం ఇటీవల మీడియా సమావేశం నిర్వహించి.. పలు ఆసక్తికర అంశాలను పంచుకున్నారు. కథ వినగానే శ్రీధర సీపాన అయితే కరెక్ట్ అని భావించినట్లు రాఘవేంద్రరావు చెప్పారు. ఇది కచ్చితంగా ఫుల్‌ లెంగ్త్‌ ఎంటర్‌ టైనర్‌ అవుతుందని ధీమా వ్యక్తం చేశారు.
హీరోయిన్ గా ఇది దీపికా పిల్లికి మొదటి సినిమా. ఫస్ట్ మూవీనే దర్శకేంద్రుడు రాఘవేంద్రరావు పర్యవేక్షణలో నటించే అవకాశం దక్కడం తన అదృష్టం అంటూ దీపికా పిల్లి చెప్పుకొచ్చింది. అంతేకాకుండా ఫస్ట్ మూవీ సుడిగాలి సుధీర సరసన హీరోయిన్ గా నటించే అవకాశం దక్కడం ఎంతో ఆనందంగా ఉందంటూ ఎమోషనల్‌ అయ్యింది. ఒక టిక్‌ టాక్‌ స్టార్‌ నుంచి యాంకర్‌ గా, ఇప్పుడు హీరోయిన్ గా ఎదగడంపై దీపికా పిల్లి ఎమోషనల్‌ అయ్యింది.
టాలీవుడ్‌ లో ఉన్న టాప్‌ కమీడియన్స్‌ అంతా ఒకే సినిమాలో నటించడంపై సునీల్, శ్రీనివాస రెడ్డి, సప్తగిరి, సుడిగాలి సుధీర్ ఆనందం వ్యక్తం చేశారు. తప్పకుండా ఇది ఇంటిల్లపాది చూసి నవ్వుకునే సినిమా అవుతుందని ఆశాభావం వ్యక్తం చేశారు. దర్శకేంద్రుడి పర్యవేక్షణలో ఇంత మంది కమీడియన్స్‌ ఒకే సినిమాలో నటించడంపై మీ అభిప్రాయాలను కామెంట్స్ రూపంలో తెలియజేయండి.
