అనుష్కను కోడలిగా చేసుకోవాలనుకున్న స్టార్ డైరెక్టర్ ఎవరో తెలుసా?

అనుష్క శెట్టి.. తెలుగు ప్రజలకు కొత్తగా పరిచయం అక్కర్లేని నటి. టాలీవుడ్, కోలీవుడ్‌లో స్టార్ హీరోయిన్ స్టేటస్ దక్కించుకుంది. యోగా టీచర్‌గా వర్క్ చేస్తూనే సినిమా ప్రయత్నాలు ప్రారంభించిన ఈ బెంగుళూర్ భామకి పూరి జగన్నాథ్ – నాగార్జున ‘సూపర్’ సినిమాతో ఛాన్స్ ఇచ్చారు. ఫస్ట్ మూవీలోనే అందాల ఆరబోతతో ప్రేక్షకులతో పాటు ఇండస్ట్రీ వర్గాల వారి చూపు తన వైపు తిప్పుకుంది. సీనియర్, యంగ్ హీరోల పక్కన కమర్షియల్ సినిమాల్లో ఆడిపాడుతున్న అనుష్క కెరీర్‌ను ఒక్కసారిగా మార్చేసిన సినిమా ‘అరుధంతి’. జేజమ్మ పాత్రలో ఆమెను తప్ప మరొకరిని ఊహించలేం అన్నంతగా ఒదిగిపోయింది. ఈ క్యారెక్టర్ తన కోసమే పుట్టిందని డైరెక్టర్ కోడి రామకృష్ణ ఒక ఇంటర్వ్యూలో చెప్పారు. ‘అరుంధతి’ తో వచ్చిన స్టార్ డమ్ వల్ల ఆ తర్వాత లేడీ ఓరియంటెడ్ మూవీస్‌కి కేరాఫ్ అడ్రెస్‌ అయ్యింది. ‘బాహుబలి’, ‘భాగమతి’ చిత్రాలతో ప్రేక్షకులను అబ్బురపరచింది.

‘సైజ్ జీరో’ సినిమా కోసం బరువు పెరిగిన అనుష్క శరీరంలో ఆ తర్వాత మార్పులు చోటు చేసుకున్నాయి. ‘నిశ్శబ్దం’ ఓటీటీలో రిలీజ్ అయింది కానీ స్క్రీన్ మీద కనిపించి ఇప్పటికి 3 ఏళ్లయిపోతుంది. ప్రస్తుతం టాలీవుడ్ యంగ్ హీరో నవీన్ పొలిశెట్టితో ‘మిస్ శెట్టి మిస్టర్ పొలిశెట్టి’ మూవీ చేస్తుంది. ఆగస్టు 4న ఈ సినిమా విడుదల కానుంది. అనుష్క గురించి తాజాగా ఒక వార్త నెట్టింట వైరల్‌గా మారింది. అదే ఆమె పెళ్లి విషయం. గతంలో దర్శకేంద్రుడు కె. రాఘవేంద్రరావు అనుష్కని తన ఇంటి కోడల్ని చేసుకోవాలని భావించారట. తన కుమారుడు ప్రకాష్‌ని పెళ్లి చేసుకుంటావా? అని అనుష్కని అడిగితే తను సున్నితంగా తిరస్కరించిందట.

ఇది గతంలో జరిగిన విషయం అంటూ ఇండస్ట్రీలో ఇంట్రెస్టింగ్ టాపిక్ నడుస్తుంది. రాఘవేంద్ర రావు తన కూమారుడికి పెళ్లి చేయాలనే ఆలోచన వచ్చినప్పుడు మొదటగా అనుష్కనే అనుకున్నారట. ఇదే విషయం చెబితే అనుష్క, తనకిప్పుడప్పుడే పెళ్లి చేసుకునే ఆలోచన లేదని చెప్పిందట. దీంతో ముంబైకి చెందిన కనికతో ప్రకాష్ పెళ్లి చేశారు రాఘ వేంద్రరావు. ఆ తర్వాత కొన్ని సంవత్సరాలకి వాళ్లు విడాకులు తీసుకున్న విషయం తెలిసిందే. మళ్లీ ఒక సారి అడిగి చూద్దాం అనే ఆలోచన రాఘ వేంద్రరావు మనసులో ఉండేదట కానీ ఎందుకో అనుష్కని ఆడగలేకపోయారట.