‘ఆదిపురుష్’ OTT పార్ట్​నర్ ఫిక్స్.. స్ట్రీమింగ్ ఎప్పుడంటే..!

కొన్నాళ్లుగా బోసిపోయిన ఇండియన్ బాక్సాఫీస్​కు మళ్లీ కళ తెచ్చేందుకు సిద్ధమవుతోంది ‘ఆదిపురుష్​’. బాలీవుడ్ దర్శక నిర్మాత ఓం రౌత్ తెరకెక్కించిన ఈ మూవీలో శ్రీరాముడిగా పాన్ ఇండియా స్టార్ ప్రభాస్, సీతగా బాలీవుడ్ బ్యూటీ కృతి సనన్ కనిపించనున్నారు. రాముడి గొప్పతనాన్ని ఈ తరానికి తెలియజేయాలనే సంకల్పంతో తీసిన ఈ సినిమాను ప్రతి ఒక్కరికి చూపించాలని మూవీ మేకర్స్ భావిస్తున్నారు. ఈ నెల 16వ తేదీన వరల్డ్ వైడ్​గా మల్టిపుల్ లాంగ్వేజెస్​లో భారీ ఎత్తున రిలీజ్ కానుంది ‘ఆదిపురుష్’. తెలుగుతో పాటు హిందీ, తమిళ బాక్సాఫీస్ వద్ద కూడా పెద్ద రిలీజ్​లు లేకపోవడంతో ప్రభాస్ మూవీ కలెక్షన్లకు ఢోకా ఉండకపోవచ్చని సినీ విశ్లేషకులు అంటున్నారు. బాగుందనే టాక్ వస్తే మాత్రం బాక్సాఫీస్ వద్ద జాతర నడుస్తుందనే చెప్పొచ్చు. ట్రైలర్లు, ప్రీ రిలీజ్ ఫంక్షన్​తో ఈ చిత్రంపై అంచనాలు ఆకాశాన్ని అంటుతున్నాయి.

‘ఆదిపురుష్’ అడ్వాన్స్ టికెట్ బుకింగ్స్​లో దూసుకుపోతోంది. నార్త్​లో బుకింగ్స్ రిలీజ్ చేసిన చాలా చోట్ల తక్కువ టైమ్​లోనే టికెట్స్ అయిపోవడాన్ని బట్టి సినిమాపై ఏ రేంజ్​లో ఎక్స్​పెక్టేషన్స్ ఉన్నాయో అర్థం చేసుకోవచ్చు. ఇదిలా ఉండగా.. ఈ మూవీ ఓటీటీ స్ట్రీమింగ్ డేట్​పై ఆసక్తి ఏర్పడింది. విజువల్ వండర్​లా రూపొందిన ‘ఆదిపురుష్’ ఓటీటీ హక్కులకు తీవ్ర స్థాయిలో పోటీ ఏర్పడిందట. అయితే ఈ పరిస్థితుల్లో అత్యధిక ధర చెల్లించి మరీ ఈ మూవీ ఓటీటీ రైట్స్​ను అమెజాన్ ప్రైమ్ వీడియో సంస్థ దక్కించుకుందని తెలుస్తోంది. ఇక, ‘ఆదిపురుష్​’ ఓటీటీ స్ట్రీమింగ్ మాత్రం మూవీ రిలీజైన 8 వారాల తర్వాతే ఉంటుందని సమాచారం. ఈ మేరకు నిర్మాతలు అమెజాన్ ప్రైమ్​తో ఒప్పందం చేసుకున్నారట. ఈ లెక్కన జూన్ 16న రిలీజ్ అవుతున్న ప్రభాస్ మూవీ.. ఆగస్టు 15వ తేదీకి కాస్త అటు ఇటుగా డిజిటల్ స్ట్రీమింగ్ అయ్యే ఛాన్స్ ఉన్నట్లు ఒక టాక్ వినిపిస్తోంది.

#Adipurush will premiere on OTT platform only after 8 weeks of its theatrical release. The makers say the film is made for theatrical experience. #AdipurushOnJune16th #Prabhas pic.twitter.com/0yDBVg7eeK

— BA Raju’s Team (@baraju_SuperHit) June 13, 2023