follow us:
మద్యం సేవించడం మన సమాజంలో అనాదిగా ఉంది.. అయితే ఒకప్పుడు కేవలం రాజులు, ప్రభువులు, ఉన్నత వర్గాల వారు మాత్రమే మద్యపానం చేసేవారు. ఇక సామాన్యులు మద్యం సేవించడం అంటే మహాపాపంగా భావించేవారు. అలాంటి వారిని చీడపురుగుల్లా చూసేవారు. మరి ఇప్పుడు.. మందు తాగనివాడు.. మనిషే కాదు.. అన్నట్లు చూసే పరిస్థితులు నెలకొన్నాయి. తొలుత సరదాగా ప్రారంభమయ్యే ఈ అలవాటు.. పోను పోను.. వ్యసనంగా మారి ఆ వ్యక్తితో పాటు అతడి మీద ఆధారపడిన అందరి జీవితాలను నాశనం చేస్తుంది. ప్రస్తుత సమాజంలో చోటు చేసుకుంటున్న అనేక నేరాల వెనక ప్రధాన కారణం మద్యపానం. తాగిన మనిషి విచక్షణ కోల్పోతాడు.. ఆ మత్తులో తాను ఏం చేస్తున్నాడో తెలియదు.. తన మీదకు తనకు కంట్రోల్‌ ఉండదు. మరి పరిస్థితులను ఎలా కంట్రోల్‌ చేయగలుగుతాడు.. వెరసి ఆ మత్తులో దారుణాలు చోటు చేసుకోవడం.. ఎన్నో కుటుంబాలు బలవ్వడం జరుగుతుంది.
ఇక మద్యపానం చేసే వ్యక్తి కుటుంబ పరిస్థితి ఎలా ఉంటుందో ప్రత్యేకంగా చెప్పక్కర్లేదు. తాగుడుకు అలవాటు పడిన పెద్దలను చూసి.. ఆ కుటుంబంలో మరి కొందరు అలా తయారవుతారు. ఇక మద్యం కోసం డబ్బులు కావాలి.. ఇంట్లో ఉండవు.. ఏం చేస్తాం అప్పులు చేస్తాం.. అలా చేస్తు పోతూ.. అప్పులపాలవుతాం. చివరకు ఏదో ఓ రోజు ఆ అలవాటే ప్రాణాలు తీస్తుంది. ఫలితంగా వారి మీద ఆధారపడ్డ కుటుంబాలు రోడ్డున పడతాయి. మరి వారిని ఎవరు ఆదుకోవాలి.. ఎవరు ముందుకు రారు. పైగా ఛీ కొడతారు. తాగి తాగి చచ్చాడు అంటారు తప్ప సానుభూతి చూపరు.
ఇది కూడా చదవండి: Alcohol: మందుబాబులకు చిక్కులే: మద్యం తాగాలంటే.. భార్య అనుమతి తప్పనిసరి!
ఇక మరి కొందరు ఉంటారు.. తాము చేసేది తప్పు అని తెలుసు.. ఆ వ్యసనం నుంచి బయటపడాలని ఎన్నో ప్రయత్నాలు చేస్తారు. ఎందరో సైక్రియాట్రిస్ట్‌లను కలుస్తారు. అయినా ప్రయోజనం శూన్యం. అదుగో అలాంటి వారి కోసం పుట్టుకొచ్చిన సంస్థ AA ఆల్కహాలిక్స్‌ అనానీమస్‌(Alcoholics Anonymous). 65 సంవత్సరాల క్రితం ఇండియాలో ప్రారంభమైన ఈ సంస్థ.. మద్యానికి బానిసలైన ఎందరో వ్యక్తులకు పునర్‌జన్మ ప్రసాదించింది. వారి కుటుంబాల్లో సంతోషాలను తిరిగి తీసుకువచ్చింది.
ఇది కూడా చదవండి: Viral Video: క్లాస్‌లో లవర్‌ ను ముద్దాడిన అబ్బాయికి షాకింగ్ ట్విస్ట్!
ఇలాంటి అద్భుతమైన సంస్థను ప్రేక్షకులు ముందుకు తీసుకువచ్చింది సుమన్ టీవీ. జేడీ లక్ష్మి నారాయణ వ్యాఖ్యతగా వ్యవహరిస్తున్న ఖడ్గం కార్యక్రమం ద్వారా AA సంస్థను ప్రేక్షకుల ముందుకు తీసుకువచ్చింది సుమన్ టీవీ. ఈ సంస్థ ద్వారా మద్యపానం నుంచి విముక్తులైన వ్యక్తులు తమ అనుభవాలను పంచుకున్నారు. ఇక ఈ సంస్థ ఎలాంటి కండీషన్‌లు పెట్టకుండా.. డబ్బులు తీసుకొకుండా.. ఎందరో జీవితాలను మార్చింది. మద్యపానినికి బానిసలైన వారు.. ఆ అలవాటు నుంచి బయటపడాలనుకునే వారికి ఈ సంస్థ చివరి అవకాశంగా నిలుస్తోంది. ఇక కార్యక్రమంలో ఈ సంస్థకు సంబంధించిన హెల్ప్‌లైన్‌ నంబర్లును ప్రచురించారు. మరి ఈ సంస్థ మద్యపానానికి బానిసలైన వారిని ఎలా మారుస్తుంది.. ఎలాంటి పద్దతులు ఫాలో అవుతుంది వంటి పూర్తి వివరాల కోసం వీడియోని చూడండి.
ఇది కూడా చదవండి: తప్పతాగి.. పెళ్లి చేసుకున్న మగాళ్లు.. మత్తు దిగాక అదిరే ట్విస్ట్!
