follow us:
మనిషి జీవితంలో ఏ నిమిషం ఏం జరుగుతుందో తెలియదు. ఈ నిమిషం ప్రాణాలతో ఉన్న వ్యక్తి.. మరు నిమిషంలో ఉంటాడో.. ఉండదో చెప్పలేని రోజులు. ఇక దురదృష్టవశాతు కుటుంబ పెద్ద మృత్యువాత పడితే.. వారి పరిస్థితి అగమ్యగోచరం. ఇలాంటి పరిస్థితుల్లో ఆదుకునేది బీమా. అయితే సమాజంలోని ప్రతి ఒక్కరికి ఈ బీమా పాలసీలు అందుబాటులో ఉండవు. ఈ క్రమంలో అట్టడుగు వర్గాల వారిని, తక్కువ ఆదాయం గల వారిని దృష్టిలో ఉంచుకొని కేంద్ర ప్రభుత్వం 2015 లో రెండు బీమా పథకాలను తీసుకొచ్చింది. అందులో ఒకటి ప్రధాన మంత్రి సురక్ష బీమా యోజన.. ఏడాదికి ప్రీమియం 12 రూపాయలు. మరొకటి ప్రధాన మంత్రి జీవన్ జ్యోతి బీమా యోజన.. ఏడాది ప్రీమియం 330 రూపాయలు.
ఈ రెండు పథకాలు అన్ని బ్యాంకుల్లో(ప్రభుత్వ, ప్రైవేట్) అందుబాటులో ఉన్నప్పటికీ.. అవగాహన ఉన్నవారు మాత్రమే వీటిని కొనసాగిస్తున్నారు. అవగాహన లేని వారు.. అవి కట్టినా.. రేపొద్దునా మనకొస్తాయా ఏంటి? అంటూ నిర్లక్ష్యంగా వ్యవహరిస్తున్నారు. అలాంటి వారిని స్టేట్ బ్యాంకు అఫ్ ఇండియా(ఎస్‌బీఐ) హెచ్చరిస్తూ.. ఈ బీమా సౌకర్యాలను మరోసారి గుర్తు చేస్తోంది. ఆ వివరాలు..
ప్రధాన మంత్రి సురక్ష బీమా యోజన
క‌నీస ప్రీమియం ఏడాదికి 12 రూపాయలుగా ఉండే ఈ పాలసీ పేదవాళ్ళకి, తక్కువ ఆదాయం గల వర్గాల వారికి ఎంతో ప్రయోజకరం. ప్రమాదంలో బీమాదారు మరణించినా లేదా పూర్తిగా వికలాంగుడైనా.. 2 లక్షల పరిహారం లభిస్తుంది. పాక్షికంగా లేదా శాశ్వతంగా అంగవైకల్యానికి గురైతే లక్ష రూపాయల కవరేజ్ లభిస్తుంది. 18-70ఏళ్ళ వయస్సు మధ్యవారు, బ్యాంకులో సేవింగ్స్ ఖాతా ఉన్నవారు ఈ పథకానికి అర్హులు.
View this post on Instagram
ప్రధాన మంత్రి జీవన్ జ్యోతి బీమా యోజన
ఈ పథకంలో ఏడాది ప్రీమియం 330 రూపాయలు. ప్రధాన మంత్రి జీవన్ జ్యోతి బీమా యోజన కింద బీమా చేసిన వ్యక్తి మరణిస్తే నామినీకి రూ. 2 లక్షల పరిహారం లభిస్తుంది. 18 నుంచి 50 సంవత్సరాల వయస్సు గల ఎవరైనా ఈ పథకాన్ని సద్వినియోగం చేసుకోవచ్చు.
View this post on Instagram
ముఖ్య విషయం.. ఈ రెండూ టర్మ్ ఇన్సూరెన్స్ పాలసీలే అని గుర్తుంచుకోండి. ఒక్కసారి ప్రీమియం చెల్లిస్తే.. ఒక్క ఏడాది మాత్రమే కవరేజ్ ఉంటుంది. వీటిని ప్రతి ఏడాది కొనసాగించాలి అనుకుంటే.. ఆటో ప్రీమియం అయ్యేలా పెట్టుకోవచ్చు. ఈ బీమా పథకంలో చేరాలనుకునేవారు ఏదైనా బ్యాంకు ఖాతా కలిగివుండాలి. బ్యాంక్ ఖాతా మూసివేసినా లేదా ప్రీమియం తగ్గింపు సమయంలో ఖాతాలో తగినంత బ్యాలెన్స్ లేకున్నా బీమా రద్దు అవుతుంది. మరిన్ని వివరాల కోసం దగ్గరలో ఉన్న బ్యాంకును సంప్రదించి వివరాలను తెలుసుకోగలరు.
View this post on Instagram
మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.
