follow us:
బిగ్ బాస్‌ తెలుగు సీజన్‌ 6.. ఎంతో హుషారుగా, బోష్‌తో నడుస్తోంది. ఇంట్లోని సభ్యులు మొత్తం తమ బెస్ట్ ఇచ్చేందుకు చాలా కష్టపడుతున్నారు. ప్రేక్షకులకు కంటెంట్‌ ఇచ్చేందుకు యుద్ధాలకు కూడా దిగుతున్నారు. ఇప్పటికే చాలా గొడవలు కూడా అయ్యాయి. ఇంట్లోని సభ్యులు పైకి మంచిగా మాట్లాడుకుంటూ కనిపించినా లోపల మాత్రం బాగా ఫ్రస్ట్రేషన్‌ చూపించుకుంటున్నారు. ఆ విషయం నామినేషన్స్‌ సమయంలో బాగా అర్థమైంది. గ్రూపులు కూడా ఉన్నాయనే విషయం కూడా స్పష్టంగా తెలుస్తోంది. అంతా వారికి నచ్చిన వారితో మాత్రమే కూర్చుని మాట్లాడుకుంటున్నారు. ఇవన్నీ పక్కన పెడితే మొదటి వారం కెప్టెన్ ఎవరు అవుతారనే దానిపై ప్రేక్షకులు బాగా ఎదురుచూస్తున్నారు.
మొదటివారం కెప్టెన్సీ పోటీదారులుగా క్లాస్‌ జట్టు సభ్యులు ఆదిరెడ్డి, గీతూ రాయల్, నేహా చౌదరి ఎంపికయ్యారు. ఆ తర్వాత మాస్‌ జట్టు నుంచి బాలాదిత్య, మరీనా- రోహిత్, ఆర్జే సూర్యా ఎంపికయ్యారు. వీళ్లందరికీ కెప్టెన్సీ కోసం టాస్క్ పెట్టడం జరిగింది. ఎప్పటిలాగానే ఈసారి కూడా ఎంతో తెలివిగా బిగ్ బాస్‌ చాలా కష్టమైన టాస్క్ ఇచ్చాడు. అదికూడా గ్రూప్‌ సపోర్ట్‌ తీసుకునేలా ప్లాన్‌ చేశాడు. మొదట గాజు తొట్టెలో నీళ్లుపోసి అందులో తాళాలు పెట్టాడు. ఆ తర్వాత ఆ తాళంతో పెట్టెను తెరిచి.. చివర్లో ఉన్న బాత్‌ టబ్‌లో ఉంచిన అక్షరాలను వెతికాలి. అలా తీసుకున్న అక్షరాలను ఒక బోర్డుపై పెట్టాలి.
View this post on Instagram
ఈ టాస్కులోనూ ఎప్పటిలాగానే గొడవలు గట్టిగానే అయ్యాయి. ఒక్కో కెప్టెన్సీ పోటీదారుడి కోసం ఒక్కొక ఇంటి సభ్యుడు సహాయం చేశారు. అలా ఎంతో ఉత్కంఠగా సాగిన పోటీలో బిగ్ బాస్‌ తెలుగు ఫస్ట్‌ కెప్టెన్‌గా బాలాదిత్య విజయం సాధించాడు. టాస్కులో విజయం సాధించిన బాలాదిత్యకు కెప్టెన్సీ బ్యాడ్జ్‌ పెట్టారు. ఈ సీజన్‌ తొలి కెప్టెన్ కావడంపై బాలాదిత్య సంతోషం వ్యక్తం చేశాడు. మొదట బాలాదిత్యను సెలక్ట్‌ చేసే సమయంలో సభ్యులు చెప్పిన పాయింట్ల ప్రకారం ఆదిత్య తప్పకుండా ఒక మంచి కెప్టెన్ అవుతాడనే ఆకాంక్ష ప్రేక్షకుల్లో సైతం ఉంది. హీరో బాలాదిత్య బిగ్ బాస్‌ తెలుగు సీజన్‌ 6 తొలి కెప్టెన్ కావడంపై మీ అభిప్రాయాలను కామెంట్స్ రూపంలో తెలియజేయండి.
