follow us:
ఈరోజు అంతర్జాతీయ మహిళల దినోత్సవం. ఈరోజు మహిళలకంటూ ఒక ప్రత్యేకమైన రోజు రావడం కోసం నిరసనలు జరిగాయి. ఇదే రోజున ఒక దేశంలో మహిళలకు ఓటు హక్కు వచ్చింది. వందేళ్ల క్రితమే మహిళల దినోత్సవ వేడుకలు జరిగాయని మీకు తెలుసా? ఇలాంటి ఎన్నో ఆసక్తికర విషయాలు మీ కోసం.
ఈరోజు అంతర్జాతీయ మహిళా దినోత్సవం. మహిళలకంటూ ఒకరోజు ఉందంటే అది ఈరోజే అని బలంగా బల్లలు గుద్ది చెప్పే రోజు ఈరోజు. ఉమెన్స్ డే అంటే మహిళల సమస్యలు, ఇంటి దగ్గర, ఆఫీసుల్లో మహిళలు ఎదుర్కుంటున్న వివక్ష, పునరుత్పత్తి సమస్యలు, లైంగిక వేధింపులు, అనేక ఇతర మహిళల సమస్యల మీద అవగాహన కోసం ఉమెన్స్ డే సెలబ్రేట్ చేస్తారని మనకి తెలుసు. కానీ మీకు తెలుసా? ఈ ఉమెన్స్ డే వెనుక కొన్ని ఆసక్తికర విషయాలు ఉన్నాయని. ఉమెన్స్ డే గురించి మనకి తెలియని కొన్ని ఆసక్తికర విషయాలను ఇప్పుడు మనం తెలుసుకుందాం.
మీకు తెలుసా మొట్టమొదటిసారిగా ఉమెన్స్ డే సెలబ్రేట్ చేసుకున్న దేశమేదో? అది యునైటెడ్ స్టేట్స్. ఫిబ్రవరి 28 1909లో మొట్టమొదటి ఉమెన్స్ డే వేడుక జరిగింది. కఠినమైన పని పరిస్థితులు, అత్యధిక పనిగంటలు, తక్కువ వేతనాలకు వ్యతిరేకంగా న్యూయార్క్ లో 15 వేల మంది మహిళలు చేసిన నిరసనకు జ్ఞాపకార్థముగా మొదటిసారిగా మహిళా దినోత్సవం జరిగింది.
మహిళల హక్కుల కోసం పోరాడే అడ్వకేట్, యాక్టివిస్ట్, సపోర్టర్ అయినటువంటి క్లారా జెట్కిన్ అనే మహిళ యొక్క ఆలోచన నుంచి పుట్టుకొచ్చింది ఈ ఉమెన్స్ డే. ప్రపంచవ్యాప్తంగా ఉమెన్స్ డేని సెలవుదినంగా జరుపుకోవాలని ఒక ఆలోచన ఈమెదే.
ఉమెన్స్ డే రోజున కొంతమంది ఊదా, ఆకుపచ్చ, తెలుపు రంగుల దుస్తులు ధరిస్తారు, అయితే ఈ రంగులకు అర్థం ఏంటో తెలుసా? ఊదా రంగు కీర్తి, గౌరవం, తీర్పు వంటి వాటికి ప్రతీక. ఆకుపచ్చ ఆశావాదానికి ప్రతీక. తెలుపు స్వచ్ఛమైన మనసుకి ప్రతీక. అయితే రంగుల వెనుక ఉన్న ప్రధాన ఆలోచన ఇప్పటికీ స్పష్టంగా లేనప్పటికీ సోషల్ అండ్ పొలిటికల్ యూనియన్ 1908లోనే ఈ రంగుల కాన్సెప్ట్ ను తీసుకొచ్చిందని నివేదికలు చెబుతున్నాయి.
రష్యా సహా చాలా దేశాల్లో ఉమెన్స్ డేని జాతీయ సెలవు దినంగా ప్రకటించారు. స్టేట్ కౌన్సిల్ సిఫారసు మేరకు చైనాలోని చాలా మంది మహిళలు ఉమెన్స్ డే రోజున హాఫ్ డే మాత్రమే పని చేస్తారు.
మహిళా దినోత్సవం అంటే సెర్బియా, అల్బేనియా, ఉజ్బెకిస్తాన్, మేసిడోనియా వంటి దేశాల్లో మాతృ దినోత్సవంతో సమానం. అక్కడ మహిళల దినోత్సవాన్ని మాతృదినోత్సవంతో కలిపి సెలబ్రేట్ చేసుకుంటారు. ఒక తల్లిగా మహిళ యొక్క ప్రాధాన్యత తెలిపేలా మదర్స్ డేని, ఉమెన్స్ డేని కలిపి సెలబ్రేట్ చేసుకుంటారు.
యునైటెడ్ స్టేట్స్ లో మార్చి నెల మొత్తం ఉమెన్స్ హిస్టరీ మంత్ గా సెలబ్రేట్ చేసుకుంటారు.
ఇంటర్నేషనల్ టెలికమ్యూనికేషన్ యూనియన్ (ఐటీయూ) 2022 నివేదిక ప్రకారం 69 శాతం మగాళ్లతో పోలిస్తే ఇంటర్నెట్ ను వినియోగించుకునే మహిళలు కేవలం 63 శాతం మంది మాత్రమే.
2022 జెండర్ స్నాప్ షాట్ రిపోర్ట్ ప్రకారం 51 దేశాల్లో జరిపిన అధ్యయనాలు సజెస్ట్ చేసింది ఏంటంటే.. 38 శాతం మహిళలు వ్యక్తిగతంగా ఆన్ లైన్ హింసకు గురవుతున్నారు.
వరల్డ్ ఎకనామిక్ ఫోరమ్ నివేదిక ప్రకారం 2050 కల్లా ఉద్యోగాలు చేసే మహిళలు 75 శాతం ఉంటారు. వీరంతా సైన్స్, టెక్నాలజీ, ఇంజనీరింగ్, మ్యాథమెటిక్స్ ఏరియాల్లో సత్తా చాటుతారు. ప్రస్తుతం మహిళలు ఆర్టిఫీషియల్ ఇంటిలిజెన్స్ లో కేవలం 22 శాతం స్థానాలు మాత్రమే మహిళలు కలిగి ఉన్నారు.
ఉమెన్స్ డేకి మరో పేరు ఉంది. అదే ‘ది యునైటెడ్ నేషన్స్ డే ఫర్ ఉమెన్స్ రైట్స్ అండ్ ఇంటర్నేషనల్ పీస్’. అంటే మహిళల హక్కులకు, అంతర్జాతీయ శాంతి కోసం ఈరోజు అన్న మాట.
1975 లో అంతర్జాతీయ ఉమెన్స్ డేని యునైటెడ్ నేషన్స్ అధికారికంగా స్వీకరించాయి. అదే ఏడాది అంతర్జాతీయ మహిళల ఏడాదిగా ప్రకటించారు.
1917లో రష్యాలోని ఉమెన్స్ డే జరుపుకోవడం వల్ల దేశంలో ఓటు వేసే హక్కును మొదటిసారిగా మహిళలు పొందారు.
అంతర్జాతీయ మహిళల దినోత్సవం అనేది వందేళ్ల క్రితమే జరుపుకున్నట్టు నివేదికలు చెబుతున్నాయి. కొన్ని నివేదికల ప్రకారం 1911 మార్చి 19న మొట్టమొదటి అంతర్జాతీయ మహిళా దినోత్సవం జరిగింది. ఈ వేడుకలో జర్మనీ, స్విట్జర్లాండ్, ఆస్ట్రేలియా, డెన్మార్క్ దేశాల నుంచి 10 లక్షల కంటే ఎక్కువ మంది పాల్గొన్నారు.
గిన్నీస్ వరల్డ్ రికార్డ్స్ ప్రకారం.. అత్యధిక ఐక్యూ కలిగిన మహిళ మరిలీన్ ఓస్ సవంత్. ఆల్ టైం హయ్యెస్ట్ రికార్డెడ్ ఐక్యూ శక్తి కలిగిన మహిళగా గిన్నీస్ వరల్డ్ రికార్డ్స్ లోకెక్కింది. ఈ ఐక్యూలో ఆమె స్కోర్ 228. ఇప్పటి వరకూ ఈ స్కోర్ ని ఎవరూ బ్రేక్ చేయలేదు.
విద్య హక్కు, ఆరోగ్య సంరక్షణ హక్కు, పని చేసే హక్కు, రాజకీయాల్లో పాల్గొనే హక్కు, గౌరవంగా జీవించే హక్కు ఇలా మొత్తం 5 ప్రాథమిక హక్కులు భారత రాజ్యాంగంలో మహిళల కోసం పొందుపరచబడి ఉన్నాయన్న విషయం మీకు తెలుసా?
ఇవండీ మహిళా దినోత్సవానికి, మహిళలకు సంబంధించిన ఫ్యాక్ట్స్. వీటిలో మీకు నచ్చిన ఫ్యాక్ట్ ఏంటో కామెంట్ చేయండి. మహిళా దినోత్సవం అంటే మార్చి 8 అని మార్చి 8 అంటే మహిళా దినోత్సవం అని కాకుండా ప్రతిరోజూ మీదే, ప్రతి రోజూ మీ కోసమే అని జీవిస్తే మహిళలు మహారాణులుగా రాణిస్తారు. మీ కోసం భారత రాజ్యాంగంలో ఉన్న ప్రాథమిక హక్కులను తెలుసుకోండి. తోటివారికి షేర్ చేయండి. దీనిపై మీ అభిప్రాయమేమిటో కామెంట్ చేయండి.
