follow us:
ఓ పక్క చదువుకుంటూనే.. మరో పక్క సేవా కార్యక్రమాలు చేస్తూ.. వార్తల్లో నిలుస్తుంటాడు సీఎం కేసీఆర్‌ మనవడు హిమాన్షు. తాజాగా తనలోని మరో టాలెంట్‌ని బయటపెట్టాడు హిమాన్షు. సింగింగ్‌ టాలెంట్‌తో అదరగొట్టాడు. ప్రస్తుతం ఈ వీడియో వైరలవుతోంది. ఆ వివరాలు..
సీఎం కేసీఆర్‌ మనవడు, కేటీఆర్‌ కుమారుడు హిమాన్షుకు సంబంధించిన వార్తలు అప్పుడప్పుడు తెగ వైరలవుతుంటాయి. మిగతా రాజకీయ నాయకులు పిల్లలకు భిన్నంగా బాల్యం నుంచే హిమాన్షు రాజకీయ విమర్శలు ఎదుర్కొన్నాడు. అతడిపై వచ్చిన బాడీ షేమింగ్‌ కామెంట్స్‌ గురించి ఎంత చెప్పినా తక్కువే. ప్రస్తుతం హిమాన్షును చూసిన వారు.. ముక్కున వేలేసుకుంటారు. అంతలా మారిపోయాడు. అధిక బరువు తగ్గించుకుని.. గుర్తు పట్టలేని విధంగా మారి అందరికి షాకిచ్చాడు హిమాన్షు. తన శరీరం గురించి కామెంట్స్‌ చేసిన వారికి ఈవిధంగా కౌంటర్‌ ఇచ్చాడు. ఇక కొన్ని రోజుల క్రితం తన నాయకత్వ ప్రతిభతో అందరిని ఆకట్టుకున్నాడు హిమాన్షు. ఇక తాజాగా తనలోని మరో టాలెంట్‌ని ప్రపంచానికి పరిచయం చేశాడు హిమాన్షు. ప్రస్తుతం ఇందుకు సంబంధించిన వీడియో నెట్టింట వైరలవుతోంది. ఆ వివరాలు..
తాజాగా హిమాన్షు తన యూట్యూబ్‌ చానెల్‌లో ఓ వీడియో రిలీజ్‌ చేశాడు. సంగీతమంటే ఇష్టపడే హిమాన్ష్ తొలిసారి ఓ ఇంగ్లీష్‌ పాటకి కవర్‌ సాంగ్‌ పాడాడు. హాలీవుడ్ పాప్ స్టార్ జేవీకేఈ పాడిన గోల్డెన్ అవర్ సాంగ్‌ని సెలక్ట్‌ చేసుకుని.. దానికి తన గొంతుతో మ్యాజిక్‌ చేశాడు హిమాన్షు చేశాడు. జాకబ్‌ లాసన్‌ను తలపించేలా హిమాన్షు ఈ కవర్‌ సాంగ్‌ పాడాడు. పాట విన్న వారు ఎంతో అద్భుతంగా ఉంది అంటున్నారు. హిమాన్షు తన యూట్యూట్‌ చానెల్‌లో పోస్ట్‌ చేసిన గోల్డెన్ అవర్-హిమాన్షు వీడియో తెగ వైరలవుతోంది.
ఇక కుమారుడి టాలెంట్‌ చూసి కేటీఆర్‌ మురిసిపోతున్నారు. కొడుకు టాలెంట్‌ని ప్రశంసిస్తూ.. నా కొడుకుని చూసి ఎంతో గర్వపడుతున్నాను అంటూ ట్విట్టర్‌ వేదికగా కామెంట్స్‌ చేశాడు కేటీఆర్‌. అలానే హిమాన్షు మేనత్త కల్వకుంట కవితం సైతం.. అల్లుడి మీద ప్రశంసలు కురిపించింది. చెవులకు శ్రావ్యమైన గాత్రాన్ని వినిపించావు అల్లుడు.. పాట చాలా మధురంగా, అందంగా ఉంది అంటూ మేనల్లుడిని ట్విట్టర్‌ వేదికగా ప్రశంసించింది కవిత.
Super proud and excited for my son @TheRealHimanshu 😊
I loved it; Hope you all do too ❤️ https://t.co/obmjzwE9SK
— KTR (@KTRBRS) February 17, 2023
A beautiful and soothing euphony ❤️
So proud of you alludu @TheRealHimanshu , already waiting to hear more beautiful music by you. God bless you !! https://t.co/9PqqApnlJF
— Kavitha Kalvakuntla (@RaoKavitha) February 17, 2023
ఇక ప్రస్తుతం హిమాన్షు రావు ఓక్రిడ్జ్ ఇంటర్నేషనల్ స్కూల్‌లో చదువుతున్నాడు. చదువుతో పాటు సేవా కార్యక్రమాలు, సామాజిక, సృజనాత్మక అంశాలాకు సంబంధించిన కార్యక్రమాల్లో చురుగ్గా పాల్గొంటాడు హిమాన్ష్ రావు. ఇక ఇటీవలే తన స్కూల్‌లో నిర్వహించిన కాస్నివాల్‌కు హిమాన్షు ఇంఛార్జ్‌గా వ్యవహరించాడు. దాని ద్వారా వచ్చిన ఆదాయంతో ఖాజాగూడ కొత్తచెరువును అభివృద్ధి చేస్తానని తెలిపాడు. ఇక హిమాన్షు పాట విన్న ప్రతి ఒక్కరు తనను ప్రశంసిస్తున్నారు. మరి దీనిపై మీ అభిప్రాయాలను కామెంట్స్‌ రూపంలో తెలియజేయండి.
