follow us:
ఆసియా కప్ టోర్నీ సూపర్-4 మ్యాచ్ లో భాగంగా ఆఫ్ఘనిస్తాన్, శ్రీలంక మధ్య శనివారం జరిగిన మ్యాచ్ లో ఇరు జట్ల ఆటగాళ్ల మధ్య యుద్ధ వాతావరణం నెలకొంది. 176 పరుగుల లక్ష్యంతో బరిలోకి దిగిన శ్రీలంక జట్టు 17 ఓవర్లు ముగిసే సమయానికి 4 వికెట్లను కోల్పోయి 145 పరుగులు చేసింది. ఆ సమయంలో గుణతిలక, రాజపక్సలు మంచి కోఆర్డినేషన్ తో ఆడుతున్నారు. అప్పటికే ఆఫ్ఘనిస్తాన్ బౌలర్ రషీద్ ఖాన్ 3 ఓవర్లు వేసి 30 పరుగులు సమర్పించుకున్నాడు. ఒక్క వికెట్ కూడా తీయలేకపోయానన్న కడుపు మంటతో ఉన్నాడు. రషీద్ ఖాన్ 17వ ఓవర్ వేశాడు. రషీద్ వేసిన మొదటి బంతిని గుణతిలక బౌండరీకి పంపించాడు.
దీంతో రషీద్ కి చిర్రెత్తుకొచ్చింది. వెంటనే ఆవేశంతో గుణతిలకపై విరుచుకుపడ్డాడు. గుణతిలక కూడా అస్సలు తగ్గలేదు. రషీద్ మీదకి చిరుతపులిలా దూకాడు. ఇద్దరి మధ్య మాటల యుద్ధం పెరుగుతుండగా.. రాజపక్స వచ్చి ఇద్దరినీ విడదీశాడు. ఆ తర్వాత గొడవ సద్దుమణిగింది. అయితే ఇదే ఓవర్ నాలుగో బంతికి గుణతిలక క్లీన్ బౌల్డ్ అయ్యాడు. రషీద్ ఖాన్ ఇక పెవిలియన్ వెళ్ళు అంటూ సిగ్నల్ ఇస్తూ గుణతిలక ఈగో హర్ట్ చేశాడు. ప్రస్తుతం దీనికి సంబంధించి వీడియో సోషల్ మీడియాలో వైరల్ అవుతోంది. గుణతిలక, రషీద్ ఖాన్ ల మధ్య ఏర్పడిన ఈ మాటల యుద్ధంపై మీ అభిప్రాయమేంటో కామెంట్ చేయండి.
SL vs AFG – Rashid Khan pic.twitter.com/EbNMcojZo9
— MohiCric (@MohitKu38157375) September 3, 2022
