ఓడిన టీమిండియాతో పాటు గెలిచిన ఆస్ట్రేలియాకూ షాక్ ఇచ్చిన ICC..!

ప్రపంచ టెస్ట్ ఛాంపియన్​షిప్​ కప్​ను ముద్దాడాలన్న భారత జట్టు కల నెరవేరలేదు. తుదిమెట్టుపై తడబడ్డ టీమిండియా.. మరో ఐసీసీ ట్రోఫీని సమర్పించేసింది. ఆస్ట్రేలియాతో జరిగిన ఫైనల్ ఫైట్​లో ఘోర ఓటమితో ఫ్యాన్స్​కు తీరని బాధను మిగిల్చింది. ఈ పరాజయానికి ఒక్కొక్కరు ఒక్కో కారణం చెబుతున్నారు. రోహిత్ శర్మ కెప్టెన్సీ ఫెయిల్యూర్ వల్లే భారత్ ఓడిపోయిందని కొందరు విమర్శకులు అంటుంటే.. ఈ మ్యాచ్​కు జట్టు సెలక్షన్ దగ్గర నుంచి ఆటతీరు వరకు చాలా తప్పిదాలు చేయడం వల్లే ఓడిపోయిందని మరికొందరు క్రిటిక్స్ అంటున్నారు. జాతీయ జట్టుకు ఆడటం కంటే ప్లేయర్లకు ఏదీ ముఖ్యం కాదని.. టీమ్​లోని సీనియర్ ఆటగాళ్లు ఈ ఫైనల్ మ్యాచ్ కోసం ముందు నుంచి ప్రిపేర్ అయితే బాగుండేదని చెబుతున్నారు.

మ్యాచ్ ప్రిపరేషన్​, ప్రాక్టీస్​కు తగినంత టైమ్ లేకపోవడం.. ఐపీఎల్​లో ఆడి విశ్రాంతి లేకుండా వచ్చి నేరుగా ఫైనల్​లో ఆడటం కూడా టీమిండియా ఓటమికి కారణాలని క్రికెట్ విశ్లేషకులు అంటున్నారు. డబ్ల్యూటీసీ ఫైనల్ మ్యాచ్ తర్వాత భారత ఆటగాళ్లు దాదాపుగా ఒక నెల రోజుల పాటు క్రికెట్​కు దూరంగా ఉండనున్నారు. వచ్చే నెల రోజుల పాటు ఎలాంటి మ్యాచ్​లు లేకపోవడంతో వాళ్లు విశ్రాంతి తీసుకోనున్నారు. ఈ నెల రోజుల రెస్ట్ ముందే దొరికి.. మంచి ప్రిపరేషన్, సరిగ్గా ప్రాక్టీస్ చేసి వచ్చి ఉంటే ఆసీస్​తో మ్యాచ్​లో గెలిచేవాళ్లమని క్రికెట్ అనలిస్టులు అంటున్నారు. ఇదిలా ఉంటే.. కంగారూలతో ప్రతిష్టాత్మక ఫైనల్​లో ఓడి బాధలో ఉన్న టీమిండియాకు ఐసీసీ షాక్ ఇచ్చింది. భారత జట్టుకు స్లో ఓవర్ రేట్ కారణంగా భారీ ఫైన్ వేసింది. మ్యాచ్ ఫీజులో రోహిత్ సేన మొత్తానికి 100 శాతం కోత విధించింది. కప్ గెలిచిన ఆసీస్​కూ జరిమానా తప్పలేదు. ఆ టీమ్​కు కూడా స్లో ఓవర్ రేట్ కారణంగా వారి మ్యాచ్ ఫీజులో 80 శాతం కోత వేసింది.

నిర్ణీత టైమ్​లో టీమిండియా 5 ఓవర్లు, ఆసీస్ 4 ఓవర్లు తక్కువగా బౌలింగ్ చేశాయని ఐసీసీ తెలిపింది. వంద శాతం ఫీజు కోత వల్ల భారత ప్లేయర్లకు ఈ మ్యాచ్ ద్వారా ఒక్క రూపాయి కూడా దక్కదు. ఇక, భారత ఓపెనర్ శుబ్​మన్ గిల్​కు ఎక్స్​ట్రా ఫైన్ పడింది. రెండో ఇన్నింగ్స్​లో ఔట్ అయిన తర్వాత అంపైర్ డెసిజన్​పై అసమ్మతి వ్యక్తం చేసినందుకు గానూ గిల్​కు మ్యాచ్​ ఫీజులో 15 శాతం కోత విధించారు. ఈ లెక్కన గిల్​కు 115 శాతం జరిమానా పడింది. కాగా, తన ఔట్​పై అంపైర్ నిర్ణయాన్ని ప్రస్తావిస్తూ సోషల్ మీడియాలో గిల్ ఒక పోస్ట్ పెట్టాడు. ఐసీసీ ఆర్టికల్ 2.7 (ఇంటర్నేషనల్ మ్యాచ్​లో జరిగిన ఘటనపై బహిరంగ విమర్శలు, అనుచిత వ్యాఖ్యలు) రూల్ కింద శుబ్​మన్​ చేసింది తప్పేనని ఐసీసీ ఒక ప్రకటనలో వెల్లడించింది. మరి.. గిల్​కు ఫైన్ వేస్తూ ఐసీసీ తీసుకున్న నిర్ణయంపై మీ అభిప్రాయాలను కామెంట్ల రూపంలో తెలియజేయండి.

India fined 100% and Australia fined 80% of their match fees for maintaining slow overrate in the WTC Final. pic.twitter.com/5iWbSJFWx9

— Mufaddal Vohra (@mufaddal_vohra) June 12, 2023

Shubman Gill fined 115% of his match fees for maintaining slow overrate (100%) and showing dissent over the 3rd umpire’s decision (15%). pic.twitter.com/k1vNDWOyYW

— Mufaddal Vohra (@mufaddal_vohra) June 12, 2023