follow us:
లీటర్ పెట్రోల్ వంద రూపాయల పైనే ఉంది. అలాంటిది 15 రూపాయలకు దొరుకుతుందా? అదసలు సాధ్యమేనా? అంటే సాధ్యమే అని అంటుంది కేంద్ర ప్రభుత్వం. 15 రూపాయలకే లీటర్ పెట్రోల్ వస్తుందని.. అలానే రైతుల జేబుల్లోకి 16 లక్షల కోట్లు వెళ్తాయని కేంద్ర మంత్రి అన్నారు. మరి ఆ కథనం ఏంటో చదివేయండి.
లీటర్ పెట్రోల్ 15 రూపాయలకే దొరుకుతుందా? ఛాన్సే లేదు. లీటర్ పెట్రోల్ 15 రూపాయలకి ఇచ్చే తలకమాసినోళ్లు ఎవరుంటారండీ బాబు. 15 రూపాయలకి లీటర్ పెట్రోల్ అంటే.. ఇచ్చేవాళ్ళు శ్రీమంతుడు అయి ఉండవచ్చునని అనుకుంటున్నారా? అడ్రస్ ఎక్కడో చెప్పండి తెచ్చేసుకుంటాను.. యాపారం మొదలెట్టేసుకుంటాను అని మనసులో అనుకుంటున్నారా? అయితే ఆగండి. మీరు అనుకుంటున్నట్టు పెట్రోల్ ని దానం చేసే దాన కర్ణులు ఇంకా పుట్టలేదు. బయట మార్కెట్ లో పెట్రోల్ పంపుల వారే నేరుగా పెట్రోల్ రేట్లు తగ్గిస్తారు. అప్పుడు 15 రూపాయలకే లీటర్ పెట్రోల్ కొట్టించుకోవచ్చు. ఈ మాట కేంద్ర మంత్రి నితిన్ గడ్కరీ అన్నారు.
లీటర్ పెట్రోల్ ప్రస్తుతం హైదరాబాద్ లో దాదాపు రూ. 110 వద్ద ఉంది. ఆంధ్రప్రదేశ్ లో ఐతే రూ. 110 నుంచి రూ. 113 మధ్య ఉంది. పెరుగుతున్న పెట్రోల్ ధరలను భరించడం సామాన్యులకు చాలా కష్టంగా మారింది. అసలు ఈ పెట్రోల్ ధరలు తగ్గుతాయా? తగ్గే అవకాశం ఉందా? అని ఆలోచన కూడా రాని పరిస్థితి. అయితే పెట్రోల్ ధరలు భారీగా పతనమవుతాయని కేంద్ర రోడ్డు రవాణా, జాతీయ రహదారుల మంత్రి నితిన్ గడ్కరీ అంటున్నారు. లీటర్ పెట్రోల్ రూ. 15కే దొరికే రోజు వస్తుందని అన్నారు. బుధవారం రాజస్థాన్ లోని ప్రతాప్ గఢ్ లో ఓ బహిరంగ సభకు హాజరైన నితిన్ గడ్కరీ పెట్రోల్ ధరలకు సంబంధించి కీలక వ్యాఖ్యలు చేశారు. వాహనాలను పూర్తిగా ఇథనాల్ తో నడిచేలా విద్యుత్ వాహనాలకు ప్రాధాన్యం కల్పించే దిశగా కేంద్ర ప్రభుత్వం అడుగులు వేస్తోంది.
ఇథనాల్, విద్యుత్ లభ్యతను బట్టి చూస్తే భవిష్యతులో 15 రూపాయలకే పెట్రోల్ లభిస్తుందని అన్నారు. ఇది రైతుల వల్లే అవుతుందని అన్నారు. రైతు కేవలం అన్నదాత మాత్రమే కాదని.. అతను శక్తిని ప్రసాదించే మూల వనరు అవుతారని అన్నారు. రైతులు ఉత్పత్తి చేసే ఇథనాల్ ద్వారా అన్ని వాహనాలూ నడుస్తాయని అన్నారు. యావరేజ్ గా రైతులు ఉత్పత్తి చేసే 60 శాతం ఇథనాల్ తో మరియు 40 శాతం విద్యుత్ తో వాహనాలు నడుస్తాయని.. అప్పుడు పెట్రోల్ రేటు లీటర్ కి 15 రూపాయలకే పడిపోతుందని అన్నారు.
దీని వల్ల రైతులు ప్రయోజనం పొందుతారని అన్నారు. పెట్రోల్ దిగుమతులు, కాలుష్యం తగ్గుతాయని.. ఏటా పెట్రోల్ దిగుమతుల ఖర్చు 16 లక్షల కోట్లు అవుతుందని.. పెట్రోల్ ధర తగ్గితే ఆ డబ్బు రైతుల జేబుల్లోకి వెళ్తాయని నితిన్ గడ్కరీ అన్నారు. ఇథనాల్ తో నడిచేలా విద్యుత్ వాహనాల వినియోగం పెరిగితే కనుక నిజంగా పెట్రోల్ దిగుమతులు తగ్గుతాయి. ఇథనాల్ ను రైతులే స్వయంగా ఉత్పత్తి చేసుకోవచ్చు. పెట్రోల్ కి పెట్టే ప్రతీ రూపాయి రైతుల జేబుల్లోకి వెళ్లే అవకాశం ఉంటుంది. మరి ఆ మంచి రోజులు ఎప్పుడు వస్తాయో చూడాలి.
#WATCH | Pratapgarh, Rajasthan | Union Minister Nitin Gadkari says, “Our government is of the mindset that the farmers become not only ‘annadata’ but also ‘urjadata’…All the vehicles will now run on ethanol produced by farmers. If an average of 60% ethanol and 40% electricity… pic.twitter.com/RGBP7do5Ka
— ANI (@ANI) July 5, 2023
