వీడియో: బావిలో పడ్డ చిరుత, పిల్లి.. అటవీ సిబ్బంది చొరవతో!

ఈ మద్య సోషల్ మీడియా వచ్చినప్పటి నుంచి ఎన్నో రకాల వీడియోలు వైరల్ అవుతున్నాయి. కొన్ని ఆశ్చర్యం కలిగించేలా ఉంటే.. కొన్ని కడుపుబ్బా నవ్వించే విధంగా ఉంటున్నాయి. మరికొన్ని వీడియోలు కన్నీరు పెట్టించే విధంగా ఉంటున్నాయి. తాజాగా ఓ బావిలో అనుకోకుండా పిల్లి, చిరుత పడిపోవడం అక్కడి స్థానికులు గమనించారు. వెంటనే అటవీ సిబ్బందికి సమాచారం ఇవ్వడంతో రంగంలోకి దిగి ఒక బల్ల సహాయంతో వాటిని రక్షించారు. ఈ ఘటన మహారాష్ట్రలో జరిగింది. దీనికి సంబంధించిన వీడియో సోషల్ మీడియాలో వైరల్ అవుతుంది. వివరాల్లోకి వెళితే..

మహారాష్ట్ర నాసిక్ జిల్లా ఆశాపూర్ లో ఓ వ్యవసాయ బావిలో అనుకోకుండా చిరుత, పిల్లి పడిపోయాయి. అక్కడికి వచ్చిన రాజేశ్‌ సంగాల్‌ అనే రైతు బావి నుంచి చిరుత గాండ్రింపు వినబడటంతో లోపలికి చూశాడు. అక్కడ నీటిలో తేలుతూ పిల్లి, చిరుత కనిపించడంతో ఒక్కసారిగా వణికిపోయాడు. వెంటనే స్థానికుల సహాయంతో పోలీసులు, అటవీ అధికారులకు సమాచారం అందించారు. ఘటనా స్థలానికి చేరుకున్న అధికారులు బల్లకు తాడు బిగించి బావిలోకి వదలారు. చాలా సేపటి తర్వాత పిల్లి, చిరుత వాటిపైకి రావడంతో మెల్లిగా బయటకు లాగారు. మొత్తానికి అటవీ సిబ్బంది, పోలీసులు రెండు జీవులను సురక్షితం రక్షించారు. ఆ తర్వాత చిరుతను మెహదారి మాలేగావ్ ఫారెస్ట్ లో వదిలివేశారు.

ఇక వీడియోలో చాలా ఫన్నీ సీన్లు కనిపిస్తున్నాయి. బావిలో పడ్డ తర్వాత చిరుత నీటిలో తెలుతూ పైకి వచ్చేందుకు విశ్వ ప్రయత్నాలు చేసింది.. అప్పటికే బాగా అలసిపోవడంతో ఇక లాభం లేదనుకొని మోటర్ కోసం ఏర్పాటు చేసిన దానిపై కూర్చుండిపోయింది. మరోవైపు పిల్ల అటూ ఇటూ తిరుగుతూ చిరుత వీపుపై ఎక్కే ప్రయత్నం చేసింది. చిరుత తోక పట్టుకొని పైకి ఎక్కాలని ప్రయత్నం చేసింది.. కానీ చిరుత ఒక్కసారిగా గాండ్రించడంతో బయపడి పక్కకు వెళ్లిపోయింది. విచిత్రం ఏంటంటే ఆ సమయంలో చిరుతకు ఎదురుగా ఆహారంగా ఉన్న పిల్లిని ఏమీ అనకుండా మిన్నకుంది. సోషల్ మీడియాలో దీనికి సంబంధించిన వీడియో వైరల్ అవుతుంది.

ఈ మద్య కాలంలో ఇలాంటి ఘటనలు ఎన్నో జరుగుతున్నాయి. గ్రామాల్లోకి కృరమృగాల రావడం.. అనుకోకుండా వ్యవసాయ బావుల్లో పడటం చూస్తూనే ఉన్నాం. ఈ మద్యనే కర్ణాటక.. నిడ్డోడి గ్రామంలో ఓ బావిలో చిరుతపులి పడిపోయింది. ఏడాదిన్నర ఉన్న చిరుతను పశు వైద్య బృందం ఎంతో చాక చక్యంగా వ్యవహరించి చిరుతను కాపాడారు. ఈ రిస్క్యూ ఆపరేషన్ లో మేఘన అనే మహిళా వైద్యురాలు ఎంతో ధైర్యం సాహసాలు చూపించింది. ఒంటరిగా వెళ్లి చిరుతకు మత్తు ఇచ్చి మెల్లిగా బయటకు పంపించే ఏర్పాటు చేసింది. ఆమె చేసిన సాహసానికి అధికారులు, గ్రామస్థులే కాదు నెటిజన్లు సైతం ఎంతగానో ప్రశంసించారు.

#WATCH | A leopard and cat were safely rescued from a well by Forest department officials in Nashik on 14th February pic.twitter.com/oipvohHuDp

— ANI (@ANI) February 16, 2023