విద్యార్థుల కోసం MNC ఉద్యోగాన్ని వదులుకున్న టీచర్! గ్రేట్ సార్!

జీవితంలో త్వరగా సెటిల్ కావాలంటే వ్యాపారమైనా చేయాలి, లేదా బాగా చదువుకోవాలి. ఇవే మన ముందున్న ఆప్షన్లు. వ్యాపారం తండ్రుల వారసత్వంగా అయినా రావచ్చు కానీ చదువు స్వయం కృషితో సంపాదించుకోవాలి. ఉన్నత చదువులు చదవాలంటే దేశంలో ముందుగా చెప్పుకున్న విద్యా సంస్థ ఇండియన్ ఇన్‌స్టిట్యూట్ ఆఫ్ టెక్నాలజీ (ఐఐటి). ఇందులో సీటు రావాలంటే ముందుగా జెఇఇ పాస్ కావాలి. దీని కోసం ఎంతో కష్టపడాలి. సరదాలు, స్నేహితులు, సెల్ ఫోన్లకు దూరంగా ఉంటేనే ఇందులో సీటు సాధ్యం. అంతేకాకుండా దీనికి సంబంధించిన శిక్షణ కూడా వేలల్లో కూడుకున్నది. కేవలం ధనవంతులు మాత్రమే ఈ ఫీజులను భరించగలరు. ఇక మంచి స్కోర్ వచ్చి ఐఐటిల్లో సీటు సంపాదిస్తే చాలు మల్టీ నేషనల్ కంపెనీలు సైతం క్యూలు కడతాయి. ఇక డబ్బు సంపాదనలో బ్రతికేస్తుంటారు. కానీ తాను అందరిలా కాదని నిరూపించారో వ్యక్తి. ఐఐటిలో ప్రవేశాల నిమిత్తం తీసుకునే శిక్షణ కోసం విద్యార్థులు భారీగా ఖర్చు పెడుతున్న ధోరణి నచ్చని ఓ వ్యక్తి.. విలువైన విద్యను అందించాలని సంకల్పించుకున్నారు. ఎంఎన్‌సి ఉద్యోగాన్ని వీడి గురువు అవతారమెత్తారు. మరో ఆనంద్ కుమార్ అయ్యాడు.

కోచింగ్ సెంటర్లకు వేలు వేలు ఖర్చు పెట్టినా, సబ్జెక్ట్ పై అవగాహన రాక ఇబ్బందులకు గురి అవుతున్న విద్యార్థుల కోసం బోధించేందుకు సిద్ధమయ్యారు శ్రవణ్.  శ్రవణ్ గణితంలో దిట్ట. జెఇఇ అర్హత సాధించి, ఐఐటి గువాహటిలో విద్యనభ్యసించారు. అయితే ఐఐటిలో చేరేందుకు కోచింగ్ సెంటర్లు వసూలు చేస్తున్న డబ్బుల గురించి తెలిసి.. ఓ కీలక నిర్ణయం తీసుకున్నాడు. ఆన్ లైన్ లో గణిత సబ్జెక్ట్ ను నేర్పించేందుకు సిద్ధమయ్యారు. యూట్యూబ్‌లో ‘మ్యాథ్స్ విత్ శ్రవణ్’ అనే చానల్ ద్వారా తన వీడియోలను అప్‌లోడ్ చేస్తూ విద్యార్థులకు మార్గనిర్దేశం చేస్తున్నారు. మంచి విద్యను ఇవ్వాలన్న సదుద్దేశంతో చివరకు ఎంఎన్‌సిలో తన ఉద్యోగాన్ని కూడా వదిలేశారు. యూట్యూబ్, ఆన్ లైన్ వీడియోల వల్ల విద్యార్థులు సైతం చక్కగా అర్థం చేసుకుంటున్నారు. ఈ విషయాలన్నీ శ్రవణ్ స్కూల్ ఫ్రెండ్ రాహుల్ రాజ్ ద్వారా బయటకు వచ్చాయి. తన స్నేహితుడు చేపడుతున్న ఈ కృషిని రాజ్ అభినందించాడు. తన స్నేహితుడు శ్రవణ్ గణితం బోధిస్తున్న వీడియో స్క్రీన్‌షాట్‌ను రాహుల్ రాజ్ షేర్ చేశారు.

 శ్రవణ్ కోచింగ్ ఇన్‌స్టిట్యూట్‌ పెట్టి కోట్లు సంపాదించొచ్చు కానీ ఆయనకు ఆ ఉద్దేశం లేదని రాజ్ చెప్పారు. ‘స్కూల్ ఫ్రెండ్ శ్రవణ్ గణితంలో మేధావి. ఆయన జెఇఇ పరీక్షలో ఉత్తీర్ణత సాధించి ఐఐటి గువాహటిలో విద్యనభ్యసించారు. అనంతరం ఎంఎన్‌సి ఉద్యోగాన్ని విడిచిపెట్టి, మరో ఉద్యోగం కోసం ప్రయత్నాలు ఆపేసి.. విద్యార్థుల కోసం గణితాన్ని బోధించడానికి మార్గాలను అన్వేషిస్తున్నాడు. కోచింగ్ సెంటర్లు అందించలేని గణిత జ్ఞానాన్ని విద్యార్థులకు పంచేందుకు శ్రవణ్‌లోని ఋషి, యాత్రికుడు.. విచ్చలవిడి పిచ్చివాడిలా జీవిస్తున్నాడు’ అని రాహుల్ రాజ్ ట్వీట్ చేశారు. భారీగా డబ్బులు వసూలు చేసే కోచింగ్ సెంటర్లతో కూడా సాధ్యం కాని పనిని శ్రవణ్ చేసి చూపిస్తున్నారు. ఉచితంగా బోధిస్తూ.. వాటిని యూట్యూబ్ లో అప్ లోడ్ చేస్తూ భవిష్యత్తు ఇంజనీర్లను తయారు చేస్తున్నారు. ధనార్జనే లక్ష్యంగా బతికే కోచింగ్ సెంటర్ల కన్నా విలువైన విద్యను అందిస్తున్నారు. కోచింగ్ పేరుతో సొమ్ముచేసుకోవాలని చూసే గురువులు, కోచింగ్ సెంటర్లను కాదని ఉచితంగా సేవలందింస్తున్న శ్రవణ్ పై మీ అభిప్రాయాలను కామెంట్ల రూపంలో తెలియజేయండి.

School friend Shrawan is a maths genius. He qualified JEE & joined IIT Guwahati. He quit the race MNC jobs and kept finding ways to study and teach maths. He lives like sages, like travelers, like nomads, like crazy pple. All to teach good maths which coaching classes have killed pic.twitter.com/kXitMlDO9v

— Rahul Raj (@bhak_sala) February 12, 2023