రిషి సునాక్ భార్య అక్షతకి ఇన్ఫోసిస్ నుంచి వచ్చే ఆదాయం ఎంతో తెలుసా?

రిషి సునాక్ అంటే ఇప్పుడు తెలియని వారు ఉండరు. ప్రపంచవ్యాప్తంగా గుర్తింపు తెచ్చుకున్నారు. బ్రిటన్ ప్రధానిగా ఎంపికై ప్రపంచ దృష్టిని తనవైపు తిప్పుకున్నారు. అయితే ఇంతటి ఘన విజయానికి కారణం తన భార్యే అని, ప్రధాని రేసులో ఉన్న సమయంలో తనను ఎంతగానో ప్రోత్సహించారని అక్షత గురించి ప్రధానిగా ఎంపికైన క్షణాన ప్రసంగంలో వెల్లడించారు. దీంతో అక్షత ఎవరు అని అందరూ వెతకడం మొదలుపెట్టారు. ఆమె మరెవరో కాదు ఇన్ఫోసిస్ సహ వ్యవస్థాపకులు ఎన్.ఆర్. నారాయణమూర్తి కూతురు. ఈమెకి ఇన్ఫోసిస్ కంపెనీలో వాటా ఉంది. పట్టుమని ఒక్క శాతం కూడా లేదు ఆమె వాటా. కానీ ఆ వాటాతోనే ఆమె కోట్ల ఆదాయం ఆర్జిస్తున్నారు.

అక్షత సునాక్ 2009లో రిషి సునాక్ ని ప్రేమ వివాహం చేసుకున్నారు. సినిమా కథని తలపించేలా వీరి లవ్ స్టోరీ సాగింది. అయితే రిషి సునాక్.. అక్షత తండ్రిని ఒప్పించి ప్రేమ వివాహం చేసుకున్నారనుకోండి అది వేరే విషయం. ఇక అక్షత బ్రిటన్ లోని మొదటి 200 మంది ధనవంతుల్లో ఒకరుగా ఉన్నారు. ఫ్యాషన్ డిజైనింగ్ లోనూ తన సత్తా చాటారు. ప్రస్తుతం ఈమె ఇన్ఫోసిస్ లో 0.93 శాతం వాటా కలిగి ఉన్నారు. 721 మిలియన్ డాలర్లు అంటే మన కరెన్సీ ప్రకారం 5 వేల 970 కోట్లకు పై మాటే. 2022 ఏడాదికి గాను ఇన్ఫోసిస్ వాటాల నుంచి వచ్చే డివిడెండ్ ఆదాయం అక్షరాల రూ. 126.61 కోట్లు. ఇన్ఫోసిస్ కంపెనీలో ఈమెకు 3 కోట్లకు పైగానే షేర్లు ఉన్నాయి. ఇన్ఫోసిస్ కంపెనీలో అక్షతకు 3,89,57,096 ఈక్విటీ షేర్లు ఉన్నాయి.

ఇన్ఫోసిస్ ఈ ఏడాది మే 31 న 2021-22 ఆర్థిక సంవత్సరానికి ఒక్కో షేరుకు రూ. 16 డివిడెండ్ చెల్లించింది. ప్రస్తుతం డివిడెండ్ రూ. 16.5 ఉంది. ఈ రెండు డివిడెండ్లను కలిపితే ఆ విలువ రూ. 32.5. ఆ లెక్కన ఆమె 3 కోట్ల పైగా ఉన్న షేర్ల విలువ 126 కోట్ల 61 లక్షలు పై మాటే. దీంతో ఈ ఏడాది ఇన్ఫోసిస్ నుంచి డివిడెండ్ రూపంలో సంపాదించిన ఆదాయం అక్షరాల రూ. 125 కోట్లు. భారత్ లో ఇన్ఫోసిస్ డివిడెండ్ బాగా చెల్లించే కంపెనీలలో ఒకటిగా ఉంది. 2021లో ఒక్కో షేరుపై రూ. 30 డివిడెండ్ ను కంపెనీ చెల్లించింది. దీంతో 2021లో అక్షత రూ. 119.5 కోట్ల ఆదాయం సంపాదించారు. మొత్తం ఇన్ఫోసిస్ లో 5,970 కోట్లకు పైనే ఆమెకు వాటాలు ఉన్నాయి. ఒక్క ఇన్ఫోసిస్ నుంచే ఇన్ని వేల కోట్లు ఉంటే ఇక మిగతా బిజినెస్ సెక్టార్స్ లో ఆమెకు ఎంత వాటా ఉంటుంది? అవన్నీ కలిపితే ఆమె ఆస్తి ఎంత ఉంటుంది? అనేది ఇప్పుడు చర్చనీయాంశంగా మారింది.

How much did Rishi Sunak’s wife Akshata earn from Infosys in 2022?

Read to find out: https://t.co/yQ00EtJIQy#RishiSunak pic.twitter.com/tbfRNhWvSL

— editorji (@editorji) October 25, 2022