‘లోగో’ మార్చేసిన గూగుల్.. తేడా ఏంటో తెలిస్తే ఆశ్చర్యపోతారు!

సాధారణంగా ఇంటర్నెట్ యూజ్ చేద్దాం.. అనగానే మొదటగా గుర్తొచ్చేది గూగుల్. తమకు కావాల్సిన ప్రతి సమాచారం గురించి ముందుగా గూగుల్ లోనే వెతుకుతుంటారు. ఒక్కోసారి ఇంటర్నెట్ కనెక్షన్ సరిగ్గా ఉందా లేదా అనేది కూడా గూగుల్ నిర్ధారిస్తుంది. మనకు కావాల్సిన ప్రతిదీ గూగుల్ క్షణాల్లో ముందుంచుతుంది. అయితే.. అందుబాటులో ఎన్ని బ్రౌజర్లు ఉన్నప్పటికీ అందరి దృష్టి ముందు గూగుల్ పైనే పడుతుంది.

ప్రపంచవ్యాప్తంగా అంతటి క్రేజ్ దక్కించుకుంది గూగుల్ సెర్చ్‌ ఇంజన్‌. అయితే.. గూగుల్ అనగానే అందరికి మెదడులో ఓ గుండ్రని ఆకారం కలిగిం లోగో గుర్తొస్తుంది. ఎప్పుడూ చూసినా పెద్దగా మార్పులు కనిపించని గూగుల్ లోగోలో అప్పుడప్పుడు మార్పులు జరుగుతుంటాయి. తాజాగా మరోసారి గూగుల్ లోగోలో మార్పులు జరిగినట్లు తెలుస్తుంది. సరికొత్త లోగో రీడిజైన్ కి సంబంధించి గూగుల్ క్రోమ్ డిజైనర్ ఎల్విన్ హు తన ట్విట్టర్ వేదికగా ప్రకటించారు.

#GoogleChrome New logo. Spot the difference 😃

2014 2022 pic.twitter.com/lJXL7zqgjs

— Sonu Prajapati (@TechMumbaikar) February 6, 2022

ఈ క్రమంలో.. ‘క్రోమ్‌ ఐకాన్ లో కొత్త మార్పును మీరు గమనించే ఉంటారు. 8 ఏళ్ల తర్వాత క్రోమ్‌ బ్రాండ్‌ ఐకాన్‌ ను రిఫ్రెష్‌ చేస్తున్నాం’ అని తన పోస్ట్ లో తెలిపారు ఎల్విన్ హు. అంటే.. 2014 తర్వాత గూగుల్‌ లోగో లో మార్పులు జరగడం ఇదే. ఇక గూగుల్‌ ఈ లోగోలో కేవలం స్వల్ప మార్పులే చేసింది. బాగా గమనిస్తే.. పాత లోగోకు కొత్త లోగోకు మధ్య స్వల్ప తేడాలు కనిపిస్తున్నాయి. లోగోలో ఉండే రెడ్‌, గ్రీన్‌, ఎల్లో రంగులను కొంచెం బ్రైట్‌ చేసారంతే. అలాగే మధ్యలో బ్లూ సర్కిల్ సైజు కాస్త పెంచడం మనం గమనించవచ్చు.

Some of you might have noticed a new icon in Chrome’s Canary update today. Yes! we’re refreshing Chrome’s brand icons for the first time in 8 years. The new icons will start to appear across your devices soon. pic.twitter.com/aaaRRzFLI1

— Elvin 🌈 (@elvin_not_11) February 4, 2022

గూగుల్ పాత లోగో – కొత్త లోగో మధ్య తేడాలు లేవనిపిస్తూనే ఉండటంతో.. నెటిజన్లు ఫన్నీగా రియాక్ట్ అవుతున్నారు. అసలేం మార్చకుండానే ఇలా కన్ఫ్యూజ్ చేస్తున్నారు.. ఇందులో తేడా ఏముంది? అంటూ ఫన్నీ మీమ్స్ తో కామెంట్స్ చేస్తున్నారు. ప్రస్తుతం గూగుల్ లోగో ప్రస్తావన సోషల్ మీడియాలో హాట్ టాపిక్ అయింది. మరి నెట్టింట వైరల్‌ అవుతున్న గూగుల్ కొత్త లోగో పై మీరు కూడా ఓ లుక్కేసి, మీ అభిప్రాయాలను కామెంట్స్ లో తెలియజేయండి.