పెంపుడు కుక్కకి హార్ట్ సర్జరీ.. జర్మనీ నుంచి ప్రత్యేక వైద్యుడు..!

‘బతికితే గొప్పోడింట్లో కుక్కగా అయినా బతకాలిరా..‘ ఈ సామెత ఎన్నో సార్లు వినే ఉంటారు. ఆర్థిక కష్టాలు దరి చేరినప్పుడు ప్రతి ఒక్కరూ చెప్పే డైలాగ్ ఇదే. ఏ ఊరుకోరా! కుక్కను ఎక్కడైనా.. కుక్కలాగా చూస్తారు అని మనం చెప్తుంటాం.. అది వాస్తవం కాదు.. డబ్బున్నోళ్ల ఇంట్లో కుక్క జీవితం ఒక రాజులాగా గడుస్తుంది. మూడు పూటలా డైట్ పాటించే ఫుడ్, ఉదయం-సాయంత్రం వాకింగ్, పడుకోవడానికి మెత్తటి బెడ్.. అబ్బో ఇలా దాని రాజభోగాలు గురుంచి చెప్పుకుంటూ పోతే చాంతాడంత లిస్టే ఉంటది. ఇదిగో ఈ వార్త చదవండి.. మీకే తెలుస్తది వాస్తవాలేంటో.. పెంపుడు కుక్కకి హార్ట్ సర్జరీ చేయాలనీ జర్మనీ నుంచి ప్రత్యేక వైద్యుడిని పిలిపించారు.. ఓ కుటుంబీకులు. ఈ ఘటన ఎక్కడో జరిగింది కాదు.. మన దేశంలోనే..

ముంబైలోని జుహు ప్రాంతంలో నివసిస్తున్న రాణి రాజ్ వంకావాలా కుటుంబం ఒక పెంపుడు కుక్కను పెంచుకుంటున్నారు. పేరు.. వాఫెల్. అది ఉన్నట్లుండి తినడం మానేసింది. ఎప్పుడు చూసిన నీరసంగా కనిపించేది. చేతులు పట్టుకొని చూస్తే.. చిన్న చిన్న శబ్దాలు వినపడటం, వైబ్రేషన్స్ వున్నట్లుగా అనిపించేవి. దీంతో ఆ కుటుంబసభ్యులు చెకప్ కోసం.. దగ్గరలోని అనిమల్ డాక్టర్ వద్దకు తీసుకెళ్లగా గుండెలో సమస్య ఉన్నట్లు తెలిసింది. సర్జరీ చూపిద్దామంటే.. వంద శాతం బతుకుంది అని భరోసా ఇచ్చే డాక్టర్ ఒక్కరూ కనిపించలేదు. అందరూ చెప్పలేం.. అనేవారు. అలాంటి సమయంలో ఓ పెట్ డాక్టర్.. జర్మనీకి చెందిన డాక్టర్ మాథియాస్ ఫ్రాంక్ గురుంచి చెప్పారు. ఆయనను కాంటాక్ట్ అవ్వడం.. అందుకు ఆయన అంగీకరించడంతో ముంబైకి వచ్చి శస్త్రచికిత్స చేశారు.

నిజానికి, జర్మనీకే ఆ కుక్కని తీసుకెళదామనుకున్నారట. కానీ, కోవిడ్ పాండమిక్ నేపథ్యంలో రిస్క్ ఎందుకని ఆలోచించి, ఆ వైద్యుడినే ముంబైకి రప్పించారు. అంధేరీలోని డాక్టర్ మర్కంద్ చౌసాల్కర్ క్లినిక్‌లో ఓపెన్ హార్ట్ సర్జరీ జరిగింది. సర్జరీ జరిగిన నాలుగు వారాల తర్వాత వాఫెల్ పూర్తిగా కోలుకుంది. ప్రస్తుతానికి ఆరోగ్యం నిలకడగా ఉంది. అందుకోసం.. డాక్టర్ కు గట్టిగానే ముట్టచెప్పారట. ఈ వార్తని జాతీయ మీడియా ఒక సంచలన వార్తగా ప్రచురించింది. దీనిపై నెటిజన్స్ భిన్నరకాలుగా కామెంట్స్ చేస్తున్నారు. “ఎవరిదైనా ప్రాణమే..” అనేవారు కొందరైతే, “మనిషి ప్రాణం పోతుందన్నా రూపాయి ఇవ్వనీ ఈ సమాజం కుక్క కోసం లక్షలు ఖర్చుపెట్టారు చూడండి..” అంటూ విమర్శించేవారు మరికొందరు. కుక్కపై, ఆ కుటుంబంపై.. మీ అభిప్రాయాన్ని కామెంట్ల రూపంలో తెలియజేయండి.

Doctor flies down from Germany to Mumbai to help with dog’s open heart surgery https://t.co/cIkLKnhq2S

— TOI Mumbai (@TOIMumbai) December 31, 2022