అప్పట్లో టాప్ యాంకర్… ఇప్పుడు వీధుల్లో సమోసాలు అమ్ముకుంటూ జీవనం!

ఇటీవల అఫ్ఘనిస్తాన్‌ ని తాలీబన్లు తమ ఆధీనంలోకి తీసుకున్న తర్వాత అక్కడి ప్రజలు నానా అవస్థలు పడుతున్నారు. సామాన్యులే కాదు ఉన్న హూదాలో ఉన్నవారు కూడా పలు కష్టాలు పడ్డారు. ప్రపంచంలో ఎవరికైనా ఎంత టాలెంట్ ఉన్నా.. కాలం అనేది కలిసి రాకపోతే ఇబ్బందులు పడాల్సిందే. ఒకప్పుడు మంచి యాంకర్ గా రాణించి.. న్యూస్ రీడర్ గా తనకంటూ ప్రత్యేక ఇమేజ్ సొంతం చేసుకున్న వ్యక్తి ప్రస్తుతం రోడ్లపై బ్రెడ్డు, సమోసాలు అమ్ముకునే పరిస్థితి నెలకొంది. వివరాల్లోకి వెళితే..

తన కుటుంబాన్ని పోషించడానికి ఇంతకన్నా వేరే దారి లేదని ఆ జర్నలిస్ట్ ఆవేదన వ్యక్తం చేశాడు. తాలిబన్ల దారుణ పాలన ఏ విధంగా ఉందో అనేదానికి నిదర్శనంగా ఈ ఉదంతాన్ని చెప్పాలి. ఆఫ్టనిస్తాన్ లో పలు చానల్స్ లో ముసా మొహమ్మదీ టెలివిజన్ రంగంలో మంచి పేరు సంపాదించాడు. టివిలో యాంకర్, న్యూస్ రీడర్ గా పనిచేసి పేరు ప్రఖ్యాతలు సొంతం చేసుకున్నాడు.

ఎప్పుడైతే ఆఫ్ఘనిస్థాన్ తాలిబన్ల వశమైందో అప్పటి నుంచి ముసా పరిస్థితి దారుణంగా మారింది. తాలిబన్ల ఏలుబడిలో అతనికి ఉపాధి పోవటం.. కుటుంబాన్ని పోషించుకోవటానికి వీధుల్లో తినుబండారాల్ని అమ్ముకోవాల్సిన పరిస్థితి ఏర్పడింది. తాలిబన్లు పాలపల తర్వాత అక్కడ ఎన్నో టీవీ ఛానల్స్ మూసి వేశారు. వాటిపైనే ఆధారపడిన చాలా మంది ఏం చేయాలో తెలియని అయోమయ పరిస్థితిలో పడ్డారు.  అలాంటివారిలో మూసా మొహమ్మది కూడా ఉన్నాడు.

ఇక తప్పని సరి పరిస్థితిలో మూసా ఒక నిర్ణయం తీసుకున్నాడు. తన కుటుంబాన్ని పోషించుకోవడం కోసం వీధుల్లో సమోసాలు అమ్మడం ప్రారంభించాడు. అయితే ముసా మొహమ్మది సమోసాలు అమ్ముతూ జీవనం సాగిస్తున్న విషయాన్ని మాజీ అధికారి కబీర్ హక్మల్ తెరపైకి తీసుకువచ్చారు. మూసా సమోసాలు అమ్ముతున్న ఫోటోలు సోషల్ మీడియాలో వైరల్ అయ్యాయి.

సోషల్ మీడియాలో మూసీ పరిస్థితి గురించి తెలియడంతో చాలా మంది స్పందించారు. ఈ పోస్ట్ చూసి  అఫ్గాన్ నేషనల్ రేడియో అండ్ టెలివిజన్ డైరెక్టర్ జనరల్ అహ్మదుల్లా వాసిక్ స్పందించారు. మూసా కి తమ ఛానల్ లో ఉద్యోగం ఇస్తామన్నారు. అతన్ని నేషనల్ రేడియో అండ్ టెలివిజన్ లో నియమించుకోనున్నట్లు చెప్పారు.  ఈ విషయం పై మీ అభిప్రాయాలు కామెంట్స్ రూపంలో తెలియజేయండి.

Journalists life in #Afghanistan under the #Taliban. Musa Mohammadi worked for years as anchor & reporter in different TV channels, now has no income to fed his family. & sells street food to earn some money. #Afghans suffer unprecedented poverty after the fall of republic. pic.twitter.com/nCTTIbfZN3

— Kabir Haqmal (@Haqmal) June 15, 2022