నీట మునిగిన భారీ యుద్ధ నౌక.. అచ్చం ‘టైటానిక్’ తరహాలోనే

‘టైటానిక్..’ 1997లో వ‌చ్చిన ఈ చిత్రం ప్ర‌పంచ వ్యాప్తంగా ఎంత‌టి సెన్సేష‌న్ క్రియేట్ చేసిందో అందరకీ తెలిసిందే. ‘ది ఎవర్ గ్రీన్’ ల‌వ‌ర్ స్టోరీగా నిలిచిపోయిన ఈ చిత్రం.. ప్రపంచంలోనే అతిపెద్ద‌దైన టైటానిక్ షిప్ సముద్రంలో ఎలా మునిగిపోయింది అన్న విష‌యాన్ని క‌ళ్ల‌కు క‌ట్టిన‌ట్లుగా చూపించింది. అయితే.. ఈ సినిమా కేవ‌లం ఓ క‌థ కాదు.. నిజంగానే జ‌రిగిందన్న‌ది తెలిసిందే. 1912 ఏప్రిల్ 10న ఇంగ్లాండ్, సౌథాంప్టన్ నుంచి 2240 మంది ప్రయాణికులతో న్యూయార్క్ నగరానికి బయలుదేరిన టైటానిక్ షిప్.. గమ్యస్థానం చేరకుండానే కెనడాకు 387 మైళ్ల దూరంలో సముద్రంలో మునిగిపోయింది. ఈ ప్రమాదంలో దాదాపు 1500 మందికి పైగా ప్రాణాలు కోల్పోయారు. అచ్చం ఇదే తరహాలో తాజాగా, ఓ భారీ యుద్ధనౌక నీట మునిగింది.

వివరాల్లోకి వెళ్తే.. థాయ్‌లాండ్‌, రాయల్ నేవీకి చెంది యుద్ధ నౌక ‘హెచ్‌టీఎంస్‌ సుఖొథాయ్‌’ సముద్రంలో ప్రమాదవశాత్తూ నీట మునిగింది. థాయ్‌లాండ్‌ లోని ప్రచుప్‌ ఖిరి ఖాన్‌ ప్రావిన్స్‌లో సముద్ర తీరానికి 20 నాటికల్‌ మైళ్ల దూరంలో ఈ ఘటన చోటుచేసుకుంది. ఎప్పటిలానే సుఖొథాయ్‌ ఆదివారం సాయంత్రం గస్తీ విధుల్లో పాల్గొంది. ఆ సమయంలో బలమైన ఈదురుగాలుల కారణంగా సముద్రపు నీరు యుద్ధనౌకలోకి చేరింది. సిబ్బంది మొబైల్‌ పంపింగ్‌ మిషన్లతో నీటిని బయటకు పంపేందుకు ప్రయత్నించినా.. అది సాధ్యపడలేదు. ఇంజిన్‌ వ్యవస్థ పనిచేయకపోవడం, కరెంట్ లేకపోవడంతో మరింత నీరు నౌక లోపలికి వచ్చింది. దీంతో నెమ్మదిగా నౌక ఓ వైపు ఒరుగుతూ నీటమునిగింది.

ప్రమాద సమయంలో యుద్ధ నౌకలో 106 మంది థాయ్ రాయల్ నేవీ సిబ్బంది ఉన్నారు. వీరిలో 75 మందిని కాపాడగా.. మరో 31 మంది గల్లంతయ్యారు. గల్లంతయిన వారి కోసం సహాయక చర్యలు కొనసాగుతున్నాయి. నౌకలు, హెలికాప్టర్ల సాయంతో సిబ్బంది కోసం గాలిస్తున్నారు. ప్రమాదానికి సంబంధించిన దృశ్యాలను థాయ్‌ నేవీ ట్విటర్‌లో పోస్ట్ చేసింది. ‘టైటానిక్’ సైతం.. ఓడలోకి నీరు చేరడం వల్ల మునిగిపోయిన సంగతి తెలిసిందే. అచ్చం అదే తరహాలో ఈ సంఘటన జరగడం.. ఆ విషాద ఘటనను మరోసారి గుర్తుచేస్తోంది.

กองทัพเรือ ชี้แจงกรณี #เรือหลวงสุโขทัย ขณะลาดตระเวน ระยะ 20 ไมล์ จากท่าเรือ อ.บางสะพาน จ.ประจวบฯ ได้ประสบเหตุเรือมีอาการเอียง เนื่องจากคลื่นลมแรง มีน้ำทะเลไหลเข้าระบบเครื่องไฟฟ้า ทำให้ไฟฟ้าดับ เครื่องจักรใหญ่หยุดทำงาน ควบคุมเรือไม่ได้ และน้ำเข้าภายในตัวเรืออย่างรวดเร็วจนเรือเอียง pic.twitter.com/qqians03cK

— กองทัพเรือ ROYAL THAI NAVY (@prroyalthainavy) December 18, 2022

ทร. ชี้แจงกรณี #เรือหลวงสุโขทัย เนื่องจากมีการช่วยเหลือจากหลายพื้นที่ ขอสรุปสถานการณ์ ณ เวลา 12.00 น. ดังนี้
1. ช่วยเหลือกำลังพลที่ประสบภัยได้แล้ว 75 นาย คงเหลือกำลังพลที่ยังต้องค้นหาและช่วยเหลืออีก 31 นาย จากทั้งหมด 106 นาย

2. มีกำลังพล 11 นาย รักษาตัว ณ รพ.บางสะพาน จ.ประจวบฯ pic.twitter.com/UsQznd75Xw

— กองทัพเรือ ROYAL THAI NAVY (@prroyalthainavy) December 19, 2022