కరోనా వైరస్‌ చికిత్స కోసం అందుబాటులోకి టాబ్లెట్స్.. ఆమోదం తెలిపిన బ్రిటన్!

గత రెండేళ్లకు పైగా కంటికి కనిపించని కరోనా వైరస్ పురుగు ప్రపంచ మానవాళికి చుక్కలు చూపిస్తోంది. ఇప్పటికి ఎంతో మంది కరోనాతో మరణించారు. అయితే కోవిడ్ చికిత్స కోసం దాదాపుగా అన్ని దేశాలు కష్టపడుతూనే ఉన్నాయి. ఈ తరుణంలో ప్రజలకు అందుబాటులోకి కోవాగ్జిన్, కోవిషీల్డ్ వంటి వ్యాక్సిన్ లు అందుబాటులోకి వచ్చాయి.

ఈ వ్యాక్సిన్ తో కోవిడ్ ప్రమాదబారి నుంచి కొంత మేరకు తప్పించుకునే వీలుంటుందని దీనిని ప్రజలకు అందుబాటులకి తీసుకొచ్చారు. ప్రస్తుతానికి ఈ వ్యాక్సిన్ ప్రపంచ వ్యాప్తంగా వేసుకోవటంతో కరోనా కేసులు కాస్త తగ్గుముఖం పడుతున్నాయి. అయితే ఈ క్రమంలోనే కరోనా వైరస్‌ చికిత్స కోసం ఏకంగా టాబ్లెట్స్ ను అందుబాటులోకి తీసుకొచ్చేందుకు ప్రయత్నాలు కూడా జరుగుతున్నాయి.

 

అమెరికన్‌ కంపెనీ మెర్క్, రిడ్జ్‌బ్యాక్ బయోథెరపీటిక్స్ మొదటిసారిగా టాబ్లెట్‌ను అందుబాటులోకి తీసుకువచ్చాయి. కాగా ఈ మోల్నుపిరవిర్‌ టాబ్లెట్‌కు బ్రిటన్ మెడిసిన్స్, హెల్త్‌కేర్ ప్రొడక్ట్స్ రెగ్యులేటరీ ఏజెన్సీ కూడా ఆమోదం తెలిపినట్లు వార్తలు వినిపిస్తున్నాయి. ఇక దీంతో పాటు ఇటీవల ఈ టాబ్లెట్ క్లినికల్ ట్రయల్స్ లో కూడా మెరుగైన ఫలితాలు వచ్చాయట. మరీ అన్ని గనుక చకచక జరిగితే కోవిడ్ నివారణకు త్వరలో ప్రజలకు టాబ్లెట్ అందుబాటులోకి వస్తాయని తెలుస్తోంది.