షాకింగ్: ఢీ షో డ్యాన్స్ కొరియోగ్రాఫర్ చైతన్య ఆత్మహత్య

తెలుగు టెలివిజన్ పరిశ్రమలో తీవ్ర విషాదం నెలకొంది. టాప్ డ్యాన్స్​ షో అయిన ‘ఢీ’లో కొరియోగ్రాఫర్​గా రాణిస్తున్న చైతన్య అనే డ్యాన్స్ మాస్టర్​ సూసైడ్ చేసుకున్నారు. ఆయన మృతితో తెలుగు టీవీ ఇండస్ట్రీలో విషాదఛాయలు అలుముకున్నాయి. నెల్లూరులోని క్లబ్ హోటల్​లో ఆయన ఆత్మహత్యకు పాల్పడినట్లు తెలుస్తోంది. చైతన్య సూసైడ్​కు ఆర్థిక ఇబ్బందులే కారణమని తెలుస్తోంది. కాగా, సూసైడ్ చేసుకోవడానికి ముందు చైతన్య తన సెల్ఫీ వీడియో రికార్డ్ చేయడం గమనార్హం. ఆత్మహత్య చేసుకుంటున్నందుకు తన తల్లిదండ్రులు, తోటి డ్యాన్స్ మాస్టర్లు, డ్యాన్సర్​లకు చైతన్య క్షమాపణలు చెప్పారు. అప్పులు ఇచ్చిన వారి నుంచి వస్తున్న ఒత్తిడి తట్టుకోలేకపోతున్నానని.. ఎంత ప్రయత్నించినా తనకు అవ్వడం లేదని ఆ వీడియోలో చైతన్య వాపోయారు.

ఒక అప్పును తీర్చేందుకు మరో అప్పు.. అలా అప్పుల భారం పెరిగిపోయిందని సెల్ఫీ వీడియోలో చైతన్య వెల్లడించారు. తనకు ఇంత పాపులారిటీ, క్రేజ్ ఇచ్చిన ‘ఢీ’ షోకు తాను ఎప్పటికీ రుణపడి ఉంటానని తెలిపారు. ఈ కార్యక్రమం ద్వారా తనకు మంచి పేరు ప్రఖ్యాతులు వచ్చినప్పటికీ.. సంపాదన మాత్రం పెద్దగా రాలేదన్నారు. ఈ షోలో కంటే జబర్దస్త్ ప్రోగ్రామ్​లో ఎక్కువ డబ్బులు ఇస్తున్నారని సెల్ఫీ వీడియోలో చైతన్య పేర్కొన్నారు. డ్యాన్స్ మాస్టర్ చైతన్య సూసైడ్ విషయం తెలియగానే పోలీసులు సంఘటనా స్థలానికి చేరుకున్నారు. ఆయన బాడీని పోస్ట్​మార్టం కోసం ఆస్పత్రికి తరలించారు. చైతన్య కుటుంబ సభ్యులకు ఆయన ఆత్మహత్య చేసుకున్నారనే విషయాన్ని తెలియజేశారు. చైతన్య మరణంపై కేసు నమోదు చేసుకుని దర్యాప్తు చేస్తున్నారు పోలీసులు.

‘ఢీ’ అనే డ్యాన్స్ షోలో కొరియోగ్రాఫర్‌గా పనిచేసిన మాస్టర్ చైతన్య ఆత్మహత్య చేసుకున్నాడు. – Master Chaitanya, who was a choreographer in the dance show DHEE , committed suicide. #RTVnewsnetwork @mallemalatv #chaitanya #dancemaster #sucide pic.twitter.com/rnWgUXx08x

— RTV (@RTVnewsnetwork) April 30, 2023