మరోసారి లేడీ గెటప్ లో పండు! ‘నాదీ నక్కిలీసు గొలుసు’ పాటను మించి..

బుల్లితెరపై ఎన్నో రకాల షోలు ప్రసారం అవుతున్నాయి. అందులో కొన్ని మాత్రమే ప్రేక్షకుల నుంచి విశేష ఆదరణ పొందుతూ.. దూసుకెళ్తున్నాయి. అందులో ‘ఢీ’ డ్యాన్స్ షో ఒక్కటి. గత 14 సీజన్లుగా రెండు తెలుగు రాష్ట్రాల ప్రజలను తమ అద్భుతమైన డ్యాన్స్ పర్ఫామెన్స్ లతో అలరిస్తోంది. ప్రస్తుతం 15వ సీజన్ లోకి అడుగుపెట్టిన ఈ షో.. ఛాంపియన్స్ బాటిల్ పేరుతో దుసుకెళ్తోంది. ఇక ఈ సీజన్ లో మరోసారి పండు తన మార్క్ లేడీ గెటప్ డ్యాన్స్ తో అలరించాడు. తాజాగా రిలీజ్ అయిన ఢీ ప్రోమో లో మరోసారి జానపద సాంగ్ కు డ్యాన్స్ ఇరగదీశాడు. ప్రస్తుతం ఈ వీడియో వైరల్ గా మారింది.

‘ఢీ’ షోలో కంటెస్టెంట్ స్థాయి నుంచి మాస్టర్ స్థాయికి ఎదిగాడు పండు మాస్టర్. తనదైన స్టెప్పులతో అభిమానుల మనసులు కొల్లగొట్టాడు పండు. గతంలో ‘నీ పక్కన పడ్డాది నాదీ నక్కిలీసు గొలుసు’ పాటకు లేడి గెటప్ లో వేసిన డ్యాన్స్.. సోషల్ మీడియాలో ట్రెండ్ సెట్టర్ గా నిలిచింది. యూట్యూబ్ లో రికార్డులు కొల్లగొడుతూ.. కోట్లలో వ్యూస్ ను సంపాదించుకుంది. ఆ తర్వాత మరోసారి అలాంటి సాంగ్ తోనే లేడీ గెటప్ లో రెచ్చిపోయాడు పండు. ‘ఉట్టిదాయి కాదమ్మ గట్టిదాయమ్మ’ అనే సాంగ్ కు తన ట్రేడ్ మార్క్ స్టెప్పులతో ఉర్రూతలూగించాడు.

ఇక అమ్మాయిలు ఈర్ష్యపడేవిధంగా పండు డ్యాన్స్ చేశాడు. ఇక పండు డ్యాన్స్ కు ఫిదా అయిన శేఖర్ మాస్టర్ స్టేజ్ పైకి వచ్చి పండుతో కలిసి స్టెప్పులు వేశాడు. ప్రస్తుతం ఈ వీడియో సోషల్ మీడియాలో వైరల్ గా మారింది. దాంతో మరోసారి యూట్యూబ్ రికార్డులు బద్దలు కావడం ఖాయంగా కనిపిస్తోంది. ఇక ఈ సాంగ్ కు సంబంధించి ఫుల్ సాంగ్ వస్తే ఏ రేంజ్ లో రచ్చ ఉంటుందో ప్రత్యేకించి చెప్పక్కర్లేదు. మరి ఈసారి పండు వేసిన డ్యాన్స్ గతంలో వేసిన నక్కిలీసు గొలుసు సాంగ్ ను బీట్ చేస్తుందా? మీ అభిప్రాయాలను కామెంట్స్ రూపంలో తెలియజేయండి.