follow us:
రామ్ గోపాల్ వర్మ.. తనకు అనిపించినట్లు జీవిస్తూ.. అనాలి అనిపించిన మాటలు అంటూ ఆర్జీవీ తన స్టైల్‌ జీవిస్తుంటాడు. ఆయన అనే మాటల్లో నూటికి 90 సార్లు వివాదానికే దారితీస్తాయని అందరికీ తెలిసిందే. నచ్చితే నెత్తిన పెట్టుకునే రామ్ గోపాల్ వర్మ టార్గెట్‌ చేస్తే మాత్రం ట్విట్టర్లో దండయాత్ర చేస్తాడు. సిరీస్‌ ఆఫ్‌ ట్వీట్స్‌ తో అసలు ఈయన జోలికి ఎందుకు వచ్చాన్రా బాబు అనుకునేలా చేస్తాడు. ఆర్జీవీ ఒక స్టార్‌ డైరెక్టర్ గా బాలీవుడ్ ని సైతం షేక్‌ చేసిన స్థాయి నుంచి ప్రస్తుతం చిన్నా చితక సినిమాలు చేస్తున్న సంగతి తెలిసిందే. ప్రస్తుతం రామ్ గోపాల్ వర్మ కొండా సినిమా ప్రమోషన్స్ తో బిజీగా ఉన్నాడు.
కొండా మురళి, కొండా సురేఖ జీవితాల ఆధారంగా తెరకెక్కిన చిత్రమే కొండా. ఈ సినిమా జూన్‌ 23న థియేటర్లలో విడుదల కానుంది. తన తల్లిదండ్రుల జీవితాల ఆధారంగా వస్తున్న చిత్రం కాబట్టి వారి కుమార్తె కొండా సుష్మిత ఈ సినిమాని స్వయంగా నిర్మించింది. ఈ సినిమాకి వచ్చిన రెస్పాన్స్ ని బట్టి ప్రీక్వెల్‌, సీక్వెల్‌ సైతం ప్లాన్‌ చేస్తానంటున్నాడు రామ్ గోపాల్ వర్మ. శుక్రవారం జరిగిన మీడియా సమావేశంలో సినిమాకి సంబంధించిన కొత్త ట్రైలర్‌ ను విడుదల చేశారు.
రామ్ గోపాల్ వర్మ మాట్లాడుతూ.. ‘కొండా మురళి, సురేఖల గురించి తెలుసుకున్నప్పుడు వారిపై సినిమా తీయాలనిపించి.. వారిని అడిగాను. తన తల్లిదండ్రుల జీవితం ఆధారంగా తెరకెక్కనున్న సినిమా కాబట్టి వారి కుమార్తె ప్రొడ్యూస్‌ చేస్తానని ఒప్పుకున్నారు. కొండా మురళి, సురేఖల జీవితాల్లో చాలా విషయాలు ఉన్నప్పటికీ.. కొన్ని మాత్రమే చూపించడం జరిగింది. నేను ఏ సినిమా చేసినా లేనిది ఉన్నట్లుగా.. ఉన్నది లేనట్లుగా చూపించను. కేసీఆర్‌ బయోపిక్ కూడా తీసే ఆలోచన ఉంది. కానీ, సరిగ్గా ఎప్పుడు తీస్తాను అనే విషయం మాత్రం చెప్పలేను’ అంటూ రామ్ గోపాల్ వర్మ చెప్పుకొచ్చాడు. కేసీఆర్‌ బయోపిక్ తీస్తానన్న ఆర్జీవీ వ్యాఖ్యలపై మీ అభిప్రాయాలను కామెంట్స్ రూపంలో తెలియజేయండి.
