వాళ్ళు మొరుగుతారంతే.. వివాదాస్పదంగా మారిన ప్రకాష్ రాజ్ వ్యాఖ్యలు!

సినీ ఇండస్ట్రీలో ఎప్పుడూ వివాదాస్పద వ్యాఖ్యలతో వివాదాలలో నిలిచే నటులలో ప్రకాష్ రాజ్ ఒకరు. ఈ మధ్యకాలంలో ప్రకాష్ రాజ్ అన్ని విషయాలపై కాంట్రవర్సీ కామెంట్స్ చేస్తూ వార్తల్లో నిలుస్తున్నారు. అయితే.. ఏ విషయాన్నైనా కుండబద్దలు కొట్టినట్లు చెప్పడం ఆయన తీరు. తాజాగా కేరళలోని తిరువనంతపురంలో జరుగుతున్న మాతృభూమి ఇంటర్నేషనల్ ఫెస్టివల్ ఆఫ్ లెటర్స్(MBIFL 2023)ఈవెంట్ లో పాల్గొని మీడియా ముందు సంచలన వ్యాఖ్యలు చేశారు. ఈ నేపథ్యంలో షారుఖ్ ఖాన్ నటించిన పఠాన్ మూవీ సక్సెస్ ని కొనియాడుతూ.. ఆ సినిమాను బ్యాన్ చేయాలని ట్రోల్ చేసినవారిపై షాకింగ్ కామెంట్స్ చేశారు.

ప్రకాష్ రాజ్ మాట్లాడుతూ.. “పఠాన్ మూవీని బ్యాన్ చేయాలన్న ఈ ఇడియట్స్, బిగాట్స్ ఎవరైతే ఉన్నారో.. ఇప్పుడా సినిమా రూ. 700 కోట్లు వసూలు చేసి దూసుకుపోతోంది. పఠాన్ సినిమాను బ్యాన్ చేయాలని గోల చేసినవారే.. మోదీ సినిమాకు కనీసం రూ.30 కోట్లు కూడా వసూలు రాబట్టలేకపోయారు. అలాంటివారు కేవలం మొరుగుతారంతే, కరవరు. జస్ట్ సౌండ్ పొల్యూషన్” అని వ్యాఖ్యానించారు. అంతేగాక గతేడాది చిన్న సినిమాగా విడుదలై సూపర్ హిట్ అయిన ‘ది కశ్మీర్ ఫైల్స్’ మూవీపై కూడా విరుచుకుపడ్డారు ప్రకాష్ రాజ్. ఆ సినిమా తీసిన డైరెక్టర్ ఆస్కార్ రావాలని అడుగుతున్నాడు గాని, అసలు విషయం ఏంటంటే అతనికి భాస్కర్ అవార్డు కూడా రాదంటూ కామెంట్స్ చేశారు.

‘రీసెంట్ గా వచ్చిన నాన్ సెన్స్ మూవీస్ లో ‘కశ్మీర్ ఫైల్స్’ ఒకటి. ఆ సినిమాని ఎవరో ప్రొడ్యూస్ చేశారో మనకు తెలుసు. చాలా సిగ్గుచేటు. ఇంటర్నేషనల్ జ్యూరీనే మూవీ మేకర్స్ పై ఉమ్మేసింది. పైగా తనకు ఆస్కార్ నామినేషన్ రాలేదని డైరెక్టర్ అడుగుతాడు. నిజం చెప్తున్నా అతనికి ‘భాస్కర్’ కూడా రాదు. ఎందుకంటే బయట సెన్సిటివ్ మీడియా ఉంది. కాబట్టి నేను మీకు చెప్తున్నా. మీరు ఒక ప్రోపగాండాతో సినిమా చేయొచ్చు. నాకు తెలిసి ఇలాంటి సినిమాలు చేయడానికే వాళ్లు దాదాపు రూ. 2000 కోట్లు పెట్టుబడి పెట్టారేమో. కానీ, ప్రతిసారి జనాల్ని ఫూల్ చేయలేరు’’ అని ఈవెంట్ లో ప్రకాశ్ రాజ్ ఘాటు వ్యాఖ్యలు చేశారు. ప్రస్తుతం ఆయన మాటలు నెట్టింట వైరల్ గా మారాయి. మరి ప్రకాష్ రాజ్ వ్యాఖ్యలపై మీ అభిప్రాయాలు ఏంటి? కామెంట్స్ లో తెలపండి.

“They needed to ban #Pathaan. It’s going 700Cr. These idiots, who needed to #BanPathaan, didn’t run Modi’s movie for 30Cr. They’re simply barking, they do not chew. Don’t fret. Sound air pollution!” says Actor #PrakashRaj at #MBIFL2023 in #Kerala.#PathaanMovie #BoycottGang pic.twitter.com/CismuRxJ4k

— Hate Detector 🔍 (@HateDetectors) February 6, 2023