follow us:
సాధారణంగా సినిమాలకు సంబంధించి ఏ విషయమైనా, అప్ డేట్ అయినా ఆయా హీరో హీరోయిన్ ఫ్యాన్స్ కి తెలిస్తే సంతోషం వ్యక్తం చేస్తుంటారు. అయితే.. ఫాన్స్ రియాక్షన్ లో తెలిసిన విషయం పాజిటివా లేక నెగటివా అనేది కూడా గమనించాల్సి ఉంటుంది. ముఖ్యంగా పాన్ ఇండియా స్టార్స్, వారి సినిమాలకు సంబంధించి నెగటివ్ వార్తలు వచ్చినా.. ఎవరు నెగటివ్ గా రియాక్ట్ అయినా ఫ్యాన్స్ రియాక్షన్ వేరే లెవెల్ లో ఉంటుంది. ఇప్పుడున్న సోషల్ మీడియా ట్రెండ్ ప్రకారం.. ఒక చిన్న పదం నోరుజారినా, కామెంట్ చేసినా ట్రోల్స్ తప్పవని చెప్పాలి. ప్రస్తుతం బాలీవుడ్ బ్యూటీ కరీనా కపూర్.. పాన్ ఇండియా స్టార్ ప్రభాస్ గురించి చేసిన కామెంట్స్ సోషల్ మీడియాలో చర్చలకు, ట్రోల్స్ కి దారితీశాయి.
డార్లింగ్ ప్రభాస్.. వరుస పాన్ ఇండియా సినిమాలతో బిజీగా ఉన్నాడు. తన చేతిలో ఉన్న ప్రతి సినిమాను వీలైనంత త్వరగా ప్రేక్షకుల ముందుకు తీసుకురావాలని ప్లాన్ చేస్తూ, షూటింగ్స్ ఫినిష్ చేస్తున్నాడు. ఇప్పటికే రామాయణం నేపథ్యంలో ‘ఆదిపురుష్’ మూవీని ఫినిష్ చేసిన ప్రభాస్.. ఫస్ట్ టైం శ్రీరాముడి క్యారెక్టర్ లో దర్శనమివ్వనున్నాడు. బాలీవుడ్ డైరెక్టర్ ఓం రౌత్.. ఆదిపురుష్ ని తెరకెక్కిస్తున్నాడు. ఈ క్రమంలో ప్రభాస్ తదుపరి సినిమాలు.. యాక్షన్ థ్రిల్లర్ సలార్, సైన్స్ ఫిక్షన్ జానర్ లో ప్రాజెక్ట్ కే లను ఫినిష్ చేసేందుకు కష్టపడుతున్నాడు. అయితే.. ఈ రెండు సినిమాల తర్వాత ప్రభాస్.. అర్జున్ రెడ్డి ఫేమ్ సందీప్ రెడ్డి వంగా దర్శకత్వంలో ‘స్పిరిట్’ మూవీ చేయనున్నాడు. గతేడాది అనౌన్స్ చేసిన ఈ సినిమాకు సంబంధించి ఇప్పటివరకూ ఎలాంటి అప్ డేట్ రాలేదు. కానీ.. ఈ సినిమాపై కరీనా కపూర్ కామెంట్స్ చేయడం చర్చనీయాంశంగా మారింది.
ఈ క్రమంలో స్పిరిట్ సినిమాలో హీరోయిన్ క్యారెక్టర్ కి సంబంధించి కరీనా కపూర్ ని ఎంపిక చేశారంటూ వార్తలు వచ్చాయి. దీంతో ప్రభాస్ పక్కన కరీనాని చూడొచ్చని అనుకున్నారు ఫ్యాన్స్. అయితే.. ఈ వార్తలపై తాజాగా స్పందించిన కరీనా.. తాను స్పిరిట్ మూవీలో నటించడం లేదని, ఇప్పటివరకు స్పిరిట్ కి సంబంధించి ఎవరూ తనను సంప్రదించలేదని తేల్చి చెప్పేసింది. ఒకవేళ ప్రభాస్ తో నటించే అవకాశం వస్తే మాత్రం వదులుకోనని చెప్పినట్లు సమాచారం. కరీనా క్లారిటీ ఇవ్వడంతో స్పిరిట్ లో ఇంకా ఎవరూ కన్ఫర్మ్ కాలేదని అర్థమైపోయిందని.. మరి ఆ లక్కీ ఛాన్స్ ఎవరికి రాబోతుందో చూడాలని ఫ్యాన్స్ వెయిట్ చేస్తున్నారు. మరి ప్రభాస్ – సందీప్ రెడ్డి వంగా కాంబినేషన్ ఎలా ఉండబోతుందో మీ అభిప్రాయాలను కామెంట్స్ లో తెలియజేయండి.
.#Prabhas one of favourite Pan-Indian superstar. #Spirit hasn’t been offered to me
-Kareena Kapoor Khan pic.twitter.com/yUhl4FA741— Raju Garu Prabhas 🏹 (@pubzudarlingye) September 6, 2022
