follow us:
తెలుగులో చాలా మంది యంగ్ టాలెంట్స్ .. ఇంకా తమను తాము నిరూపించుకునేందుకు తపన పడుతుంటారు. సరైన క్యారెక్టర్ పడితే.. తమలోని నటనను వెలికి తీస్తుంటారు. విరూపాక్షలో రవికృష్ణ క్యారెక్టరే అందుకు ఉదాహరణ.
తెలుగులో చాలా మంది యంగ్ టాలెంట్స్ .. ఇంకా తమను తాము నిరూపించుకునేందుకు తపన పడుతుంటారు. సరైన క్యారెక్టర్ పడితే.. తమలోని నటనను వెలికి తీస్తుంటారు. విరూపాక్షలో రవికృష్ణ క్యారెక్టరే అందుకు ఉదాహరణ. ఎప్పటి నుండో సీరియల్స్ ల్లో చేస్తున్న రాని గుర్తింపు.. ఇప్పుడు ఒక్క సినిమాతోనే వచ్చింది. ఆ జాబితాలో చాలా మంది నటులు ఉన్నారు. క్యారెక్టర్ ఆర్టిస్టుగా చేస్తూనే.. మంచి రోల్ వస్తే.. యాక్టింగ్ స్కిల్స్ తో ఇరగదీస్తారు. వారిలో ఒకరు చైతన్య కృష్ణ. ఈ పేరు అంతగా తెలియదు కానీ.. ఇటీవల వచ్చిన వెబ్ సిరీస్ సేవ్ ద టైగర్స్ లో భార్యా బాధితుడిగా కనిపించి మెప్పించారు. ఎప్పటి నుండో పరిశ్రమలో కొనసాగుతున్న ఆయనలో మరో టాలెంట్ ఉందని తెలుసా..?
చైతన్య కృష్ణ.. 2009లో సీనియర్ డైరెక్టర్ శివ నాగేశ్వర రావు తెరకెక్కించిన ‘నిన్ను కలిశాక’ అనే సినిమాతో యాక్టర్‌గా కెరీర్ స్టార్ట్ చేశాడు.. ‘స్నేహగీతం’ తర్వాత ‘అది నువ్వే’ తో హీరోగా మారాడు.. భీమవరంలో ఇంజనీరింగ్ చదువు.. ఆ తర్వాత ఓ ఎమ్‌ఎన్‌సీ కంపెనీలో మంచి ఉద్యోగం.. హ్యాపీ లైఫ్.. కానీ నటన మీద ఆసక్తితో జాబ్ వదిలేసి ఫిల్మ్ ఇండస్ట్రీకి వచ్చాడు.. వైవిధ్య భరితమైన పాత్రలు చేసి.. నటుడిగా నిరూపించుకోవాలనే ఉద్దేశంతో వచ్చిన అవకాశాన్నల్లా సద్వినియోగం చేసుకుంటూ.. ఓ వైపు కథానాయకుడిగా కనిపిస్తూనే.. మరోవైపు కథలో ఇంపార్టెన్స్ ఉన్న క్యారెక్టర్లలో నటిస్తూ ప్రేక్షకులను అలరించి తక్కువ టైంలోనే తనకంటూ ప్రత్యేకమైన గుర్తింపు తెచ్చుకున్నాడు.. పక్కింటి కుర్రాడు, లవర్ బాయ్ తరహా పాత్రలతో యువతను ఆకట్టుకున్నాడు.. వచ్చిన వేషాలన్నీ కూడా తన కెరీర్‌కి హెల్ప్ అయ్యాయి.. ఎలాంటి బ్యాగ్రౌండ్ లేకపోయినా ఇండస్ట్రీలో నటుడిగా నిలదొక్కుకున్నాడు..
‘అలా మొదలైంది’, ‘కాళి చరణ్’, ‘చందమామ కథలు’, ‘దృశ్యం’, ‘సన్నాఫ్ సత్యమూర్తి’, ‘నేను శైలజ’, ‘ప్రేమమ్’, ‘కాటమరాయుడు’, ‘అజ్ఞాతవాసి’, ‘జార్జ్ రెడ్డి’, ‘సరిలేరు నీకెవ్వరు’, ‘వకీల్ సాబ్’, ‘జోహార్’, ‘అనగనగా ఓ అతిథి’, ‘అమిగోస్’ లాంటి మూవీస్ చైతన్య కృష్ణకు మంచి పేరు తెచ్చి పెట్టాయి.. ముఖ్యంగా ‘జోహార్’ లో నెగిటివ్ షేడ్స్ ఉన్న నేటితరం కరప్టెడ్ పొలిటిషియన్ క్యారెక్టర్‌లో సెటిల్డ్ పెర్ఫార్మెన్స్‌తో ప్రశంసలందుకున్నాడు.. అలాగే కొన్ని షార్ట్ ఫిలింస్, వెబ్ సిరీస్‌లు కూడా చేశాడు.. ఇదిలా ఉంటే ఇప్పుడు సోషల్ మీడియాలో తన గురించే డిస్కషన్ నడుస్తోంది.. చైతన్య కృష్ణ మంచి యాక్టరే కాదూ.. డ్యాన్సర్ అనే విషయం చాలా మందికి తెలియదు. గతంలో ఆయన ఓ డ్యాన్స్ షోలో కూడా పాల్గొన్నాడు. కానీ సక్సెస్ కాలేక వెను దిరిగాడు. చైతన్య కృష్ణ దాదాపు 13 సంవత్సరాల క్రితం పాపులర్ డ్యాన్స్ రియాలిటీ షో ‘ఢీ’ ఫస్ట్ సీజన్‌లో పార్టిసిపెట్ చేశాడనే సంగతి చాలా మందికి తెలియదు.
తను పెర్ఫామ్ చేసిన వీడియో ఒకటి నెట్టింట చక్కర్లు కొడుతోంది.. అల్లు అర్జున్ హీరోగా నటించిన ‘హ్యాపీ’ మూవీలోని ‘ఛల్ ఛల్ రే’ పాటకు అదిరిపోయే స్టెప్పులేశాడు చైతన్య.. యువన్ శంకర్ రాజా కంపోజ్ చేసిన ఈ సాంగ్ అప్పట్లో బాగా పాపులర్ అయింది.. పవన్ కళ్యాణ్ ‘బాలు’ సినిమా తర్వాత కరుణాకరణ్ డైరెక్ట్ చేసిన మూవీ ఇది.. చైతన్య అంత కష్టపడి డ్యాన్స్ చేసినా కానీ ఎలిమినేట్ కాక తప్పలేదు.. అయితే తను మంచి నటుడే కాదు, మంచి డ్యానర్స్ కూడా అని దీంతో చాలా మందికి తెలిసింది.. రాబోయే సినిమాల్లో ఈ రేంజ్ మూమెంట్స్ కనుక వేస్తే.. కెరీర్ పరంగా మరింత ఎత్తుకు ఎదుగుతాడంటూ అందరూ కామెంట్స్ చేస్తున్నారు.. చైతన్య కృష్ణ డ్యాన్స్ చేసిన ఆ వీడియో ప్రస్తుతం సామాజిక మాధ్యమాలలో వైరల్ అవుతుంది..ఇన్నాళ్లూ తన నుండి స్క్రీన్ మీద ఈ రేంజ్ డ్యాన్స్ మిస్ అయ్యామంటూ నెటిజన్లు ఆశ్చర్యపోతున్నారు.. దీంతో వీడియోకి వ్యూస్, లైక్స్, కామెంట్స్ భారీగా వస్తున్నాయి..
