follow us:
ఐపీఎల్‌ 2022 సీజన్ చివరి మజిలీకి చేరుకుంది. క్వాలిఫయర్‌ 2, ఫైనల్‌ మ్యాచ్ మాత్రమే మిగిలి ఉన్నాయి. ఐపీఎల్‌ 2022 సీజన్లో రాయల్ ఛాలెంజర్స్‌ బెంగళూరు టీమ్ ముంబై పుణ్యమా అని ప్లే ఆఫ్స్‌ చేరిందని ట్రోలింగ్ జరగడం చూశాం. అయితే నిజానికి అది నిజమే అయినా.. సీజన్ మొత్తం పోరాడి ఆ స్థానానికి చేరుకున్నామని ఎలిమినేటర్‌ మ్యాచ్ లో ఆర్సీబీ నిరూపించుకుంది. 207 పరుగులు చేసి లక్నోపై 14 పరుగుల తేడాతో అద్భుత విజయాన్ని నమోదు చేసింది. ఈ మ్యాచ్ లో అన్‌ క్యాప్డ్‌ ప్లేయర్‌ రజత్ పటీదార్‌ శతకంతో చెలరేగాడు. 54 బంతుల్లో 7 సిక్సులు, 12 ఫోర్ల సాయంతో 112 పరుగులు చేసి నాటౌట్‌ గా నిలిచాడు.
మ్యాచ్ తర్వాత ఆర్సీబీ డ్రెస్సింగ్‌ రూమ్ లో సంబరాలు అంబరాన్ని అంటాయి. ఐపీఎల్‌ ట్రోఫీకి రెండు అడుగుల దూరంలో ఉన్న బెంగళూరు ప్లేయర్లు.. ఈసారి కప్పు కొట్టడమే లక్ష్యంగా ఉన్నామంటూ ధీమా వ్యక్తం చేస్తున్నారు. విరాట్ కోహ్లీ ఆనందానికి అయితే అవధులు లేకుండా పోయాయి. మ్యాచ్ తర్వాత డ్రెస్సింగ్‌ రూమ్ లో కోహ్లీ తొడగొట్టి విజయాన్ని ఎంజాయ్‌ చేశాడు. అంతేకాకుండా ధినేష్‌ కార్తీక్‌, కోహ్లీ ఇలా జట్టు మొత్తం రజత్ పటీదార్‌ ను పొగడ్తలతో ముంచెత్తారు. రజత్ పటీదార్‌ గేమ్‌ వల్ల తనపై ఎంతో ప్రెజర్‌ తగ్గిందని.. తన డ్యూటీ పటీదార్‌ చేశాడంటూ డేకే మెచ్చుకున్నాడు.
ఇదీ చదవండి: IPL చరిత్రలో కనివిని ఎరుగని రికార్డు సాధించిన రజత్ పటీదార్‌! ఎవరితను?
What a picture. Whole Eden gardens, whole RCB’s team appreciating and given standing ovation for Rajat Patidar. pic.twitter.com/bLmgts4TZS
— CricketMAN2 (@ImTanujSingh) May 26, 2022
అంతటి ప్రెజర్‌, కీలక మ్యాచ్ లో రజత్ ఆడిన తీరు నన్ను ఎంతగానో ఆకట్టుకుందని కోహ్లీ తెలిపాడు. తాను చూసిన అద్భుతమైన ఇన్నింగ్స్‌ లో రజత్ పటీదార్‌ ఇన్నింగ్స్‌ కూడా ఒకటి అంటూ కోహ్లీ మెచ్చుకున్నాడు. కీలక మ్యాచ్ లో రజత్ సెంచరీతో ఆకట్టుకున్నాడంటూ ప్రశంసించాడు. టీమ్ మాత్రమే కాదు.. యావత్‌ రాయల్ ఛాలెంజర్స్‌ బెంగళూరు అభిమానులు సైతం రజత్ పటీదార్‌ ఫ్యాన్స్‌ గా మారిపోయారు. డుప్లెసిస్‌ లాంటి ప్లేయర్‌ గోల్డెన్‌ డక్‌ గా వెనుదిరిగిన సమయంలో అద్భుతమైన బ్యాటింగ్‌ తో బెంగళూరుకు గుర్తుండిపోయే విజయాన్ని అందించడంతో దోహదపడ్డాడు.
Round of applause for RAJAT PATIDAR! 👏🏻👏🏻👏🏻#PlayBold #WeAreChallengers #IPL2022 #Mission2022 #RCB #ನಮ್ಮRCB #LSGvRCB #PlayOffs
— Royal Challengers Bangalore (@RCBTweets) May 25, 2022
One man show in the eliminator 🔥
Rajat Patidar 😍
📸: IPL/BCCI pic.twitter.com/JMbj22T1EG
— CricTracker (@Cricketracker) May 25, 2022
ఇంక తన ఇన్నింగ్స్‌ పై రజత్ ను అడగ్గా.. ఎంతో కూల్‌ గా సమాధానం చెప్పాడు. జట్టు విజయంలో భాగం కావడం ఎంతో సంతోషంగా ఉందని చెప్పాడు. జట్టు కోసం ఇప్పటివరకు ఏదైతే చేశాడో.. ఇక ముందు కూడా అదే చేసేందుకు తనని తాను మలుచుకుంటున్నట్లు తెలిపాడు. రెండు వికెట్లు పడిన పరిస్థితిలో క్రీజులో అడుగుపెట్టిన తాను.. ఒక మంచి పార్టనర్‌ షిప్‌ బిల్డ్‌ చేయాలని మాత్రమే కోరుకున్నట్లు తెలిపాడు. రజత్ పటీదార్‌ పేరు మాత్రం సోషల్‌ మీడియాలో వైరల్ గా మారింది. ఆర్సీబీ ఈ సీజన్ టైటిల్‌ కొట్టగలదా? మీ అభిప్రాయాలను కామెంట్స్ రూపంలో తెలియజేయండి.
