హౌస్ లో నాగార్జున వేసే చొక్కాలపై కామెంట్స్! కోఠిలో వందకే దొరుకుతాయంటూ..

కింగ్ నాగార్జున దాదాపు నాలుగు సీజన్లుగా బిగ్ బాస్ రియాలిటీ షో హోస్ట్ గా వ్యవహరిస్తున్నాడు. ఆ మధ్య బిగ్ బాస్ ఓటిటి సీజన్ ని కూడా నాగార్జునే హోస్ట్ చేశాడు. ఓవైపు సినిమాలు, మరోవైపు బిగ్ బాస్.. ఈ రెండింటినీ బ్యాలెన్సింగ్ గా మేనేజ్ చేస్తూ వస్తున్నాడు. అయితే.. ఏజ్ పరంగా అరవై ఏళ్ళు పైబడిన నాగ్.. ఇప్పటికీ యంగ్ హీరోలకు పోటీగా తన ఫిజిక్ ని మెయింటైన్ చేస్తుండటం విశేషం. అలాగే రిస్క్ తో స్క్రిప్టులు కూడా సెలెక్ట్ చేసుకుంటూ ఫ్యాన్స్ ని ఎంటర్టైన్ చేసే ప్రయత్నాలు చేస్తున్నాడు. అయితే ఈ ఏడాది బంగార్రాజుతో హిట్ అందుకున్న నాగ్.. రీసెంట్ గా ఘోస్ట్ మూవీతో ప్లాప్ ని ఖాతాలో వేసుకున్నాడు.

ఇక ఏజ్ కి సంబంధం లేకుండా ఫిజిక్ తో పాటు ట్రెండీ డ్రెస్సింగ్ స్టైల్ కూడా నాగ్ సొంతమే. లైట్ వెయిట్ వెకేషన్ టైప్ డ్రెస్సులతో ఎక్కువగా గ్లామరస్ గా కనిపించే ఆయన.. బిగ్ బాస్ లో మరింత ప్రత్యేకంగా కనిపిస్తుంటాడు. హోస్ట్ గా నాగ్ శని, ఆదివారాలలో మెరిసే ఎపిసోడ్స్ లో నాగ స్టయిల్ చూస్తే ఎవరైనా ఫిదా అవ్వాల్సిందే. టి షర్ట్స్, జెర్సీస్ అంటూ డిఫరెంట్ గా ఆకట్టుకుంటాడు. అయితే.. నాగ్ బిగ్ బాస్ హౌస్ లో వేసుకునే డ్రెస్సులన్నీ లక్షల ధరల్లో ఉంటాయని ఎంతమందికి తెలుసు! డిఫరెంట్ డిజైన్స్ తో.. నాగ్ వేసుకొచ్చే డ్రెస్ లన్నీ.. లక్షల్లోనే ఉంటాయని బిగ్ బాస్ ఫాలోయర్స్ సోషల్ మీడియాలో చెబుతున్నారు.

ఏంటి.. నాగ్ డ్రెస్సెస్ అంత ధర ఉంటాయా? అని ఆశ్చర్యపోకండి. ఇలాంటివి హైదరాబాద్ లోని కోఠికి వెళ్తే వంద, నూటయాభైకి కూడా దొరుకుతాయి అనిపించవచ్చు. కానీ.. నాగ్ ధరించే ఒక్కో షర్ట్ ధర మినిమం 2 లక్షలపైనే అంటే నమ్ముతారా? అవును. నాగ్ వేసే డ్రెస్సెస్ అన్ని టాప్ బ్రాండ్స్. అయితే.. ధర చూస్తే లక్షల్లో ఉందేమో గానీ, లుక్ పరంగా కోఠిలో కొన్నట్లుగానే ఉన్నాయని కామెంట్స్ వినిపిస్తుండటం గమనార్హం. ఇంటర్నేషనల్ బ్రాండ్స్(Louis Vuitton, Gucci, Fendi, Off White, Prada) అన్ని నాగ్ స్పెషల్ గా తెప్పించుకుంటాడట. ఇటీవల 85వ ఎపిసోడ్ లో నాగ్ వేసిన ఎల్లో అండ్ బ్లాక్ షర్ట్ ధర.. రూ. 2.25 లక్షలు. ఇది ఒక్క షర్ట్ ప్రైస్ మాత్రమే.. మిగతావి దీనికి మించే అంటున్నారు నెటిజన్స్. ప్రస్తుతం నాగ్ వేసిన షర్ట్స్ పిక్స్ నెట్టింట తెగ వైరల్ అవుతున్నాయి.

pic.twitter.com/D5nSy7ckd3

— Hardin (@hardintessa143) December 8, 2022