పాములు పగబడతాయా.. నిజమెంత?

ఇటీవల రెండు తెలుగు రాష్ట్రాల్లో పాము కాటుకు గురై మృతి చెందిన వారి సంఖ్య పెరుగుతూ వస్తున్నది. ఆదిలాబాద్‌ జిల్లాలో ఒక విద్యార్థిని పాముకాటుకు బలై చనిపోయింది. చిత్తూరు జిల్లా చంద్రగిరి మండలంలో ఒక కుటుంబం లోని అందరినీ గత రెండు మూడు నెలల నుండి పాము కరుస్తూ వస్తోందని భయపడుతున్నారు. అలాగే కీసరలోని ఒక హాస్టల్లో విద్యార్థి పాము కాటుకి గురై చనిపోయాడు. ఈ క్రమంలో పామలు పగపట్టాయి అనే టాపిక్‌ తెర మీదకు వచ్చింది.

ఇవే కాక పాము-పగ నేపథ్యంలో పలు సినిమలు తెరకెక్కడం, అవి సూపర్‌హిట్‌ అవ్వడం తెలిసిందే. ఈ క్రమంలో అసలు నిజంగానే పాములు పగబడతాయా.. మనుషుల్ని వెంటడతాయా అనే అనుమానాలు పెరిగిపోతున్నాయి. ఈ ప్రశ్నలకు హేతువాదులు అలాంటివి ఏం ఉండవు అంటున్నారు. మనలోని భయం కారణంగానే అలా ఫీలవుతాం అంటున్నారు. ఈ క్రమంలో పాముల గురించి పలు ఆసక్తికర విషయాలు వెల్లడించారు.

ఇది కూడా చదవండి: పగ బట్టిన పాములు!.. ఏడు నెలల్లో మూడుసార్లు.. బ్యాగులో మృత్యువు..

సాధారణంగా మనకు కనిపించే అన్ని పాములూ విష సర్పాలు కావు. కేవలం నాలుగయిదు రకాల పాములు మాత్రమే ఎక్కువ ప్రమాదకరమైనవి. అవి కరిచిన వెంటనే వైద్యం చేయించాలి. అన్నిచోట్లా డాక్టర్లు ఉండరు కనుక.. పాము కరిచినా.. ఆ విషం శరీరం మొత్తానికి వెళ్లకుండా పాము కాటుగుకు గురైన పైభాగంలో గట్టిగా కట్టుకట్టాలి. ఆ తరువాత వైద్యుని వద్దకి తీసుకెళ్ళాలి. తగిన సమయంలో ఇంజెక్షన్‌ ఇస్తే విషం వల్ల ప్రమాదం తప్పుతుంది అని తెలుపుతున్నారు.

ఇది కూడా చదవండి: పాము విషం శరీరంలోకి వెళితే ఏం చేయాలో తెలుసా?

పాము కరిచిన తర్వాత భయానికి లోనవ్వడం వల్లనే ఎక్కువ మరణాలు సంభవిస్తాయి అంటున్నారు వైద్యులు. ఆ పాము మనిషిని కరవక ముందు, ఏదైనా జంతువును కరచినట్లయితే, ఆ తరువాత మనిషిని కరచినా కూడా ప్రమాదం ఉండదు. ఎందుకంటే ముందుగా జంతువుని కరచింది కనుక వెంటనే మనిషి చనిపోయేంత విషం కోరల్లో ఉండదు. ఇది తెలియక కూడా భయపడతాం.

ఇది కూడా చదవండి: ఒకే వ్యక్తికి 500 సార్లు పాము కాటు! కారణం అతను చేసిన ఆ పని..

కొంతమంది తమపై పాము పగబట్టిందనీ, అందుకే కాటేసిందనీ లేదా కరవడానికి ప్రయత్నిస్తున్నదనీ భయపడుతుంటారు. పాము పగ బట్టడం అబద్ధం. మనకి పాముని చూస్తే, ఎలా భయమేస్తుందో, పాముకి కూడా మనిషిని చూస్తే అంతే భయం కలుగుతుంది. అందువల్ల అవి మనల్ని చూడగానే పారిపోతాయి. హాని కలుగుతుందనుకుంటేనే కాటు వేస్తాయి. అప్పుడు డాక్టర్‌ చేత వైద్యం చేయించుకోవాలే కానీ మంత్రం వేయించుకోవడానికి మంత్రగాడి దగ్గరికి వెళ్లకూడదు. మంత్రాలు అబద్ధాలు. ఈ వాస్తవాలను తెలుసుకుంటే పాముకాటుకు గురైనా బతికి బట్టగట్టడానికి అవకాశం ఉంటుంది అంటున్నారు హేతువాదులు.

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.