Mercedes-Benz: ప్రపంచంలో అత్యంత ఖరీదైన కారు ఇదే!

మెర్సెడెస్ బెంజ్ కారు రికార్డు సృష్టించింది. కనీవినీ ఎరుగని రీతిలో అత్యధిక మొత్తానికి అమ్ముడుపోయి.. ప్రపంచంలోనే అత్యంత ఖరీదైన కారుగా గుర్తుంపు పొందింది. 1955 నాటి ‘మెర్సిడెస్ బెంజ్​ ఎస్​ఎల్ఆర్​ కూపే’ మోడల్​ వేలం పాటలో 142 మిలియన్ డాలర్ల (సుమారు రూ. 1100 కోట్లు)కు అమ్ముడుపోయినట్లు మెర్సిడెస్ సంస్థ తెలిపింది. కార్ల చరిత్రలోనే మరే ఇతర కారుకు ఇంత ధర పలికిన దాఖలాలు లేవు. ఇపుడు ఈ వార్త ప్రపంచ వ్యాప్తంగా హాట్ టాపిక్ అవుతుండగా.. నెటిజన్లు ఇంత ధరకు అమ్ముడుపోవడంపై ఆశ్చర్యం వ్యక్తం చేస్తున్నారు.

మే 5న జర్మనీలోని స్టట్​గర్ట్​లో మెర్సిడెస్ బెంజ్​ మ్యూజియంలో ఈ వేలం పాటను ప్రైవేటుగా అతికొద్ది మంది సమక్షంలో నిర్వహించినట్లు తెలుస్తోంది. 1955 మోడల్ కు చెందిన మెర్సెడెస్ బెంజ్ 300ఎస్‌ఎల్‌ఆర్ ఉహ్లెన్‌హాట్ కూపే అని పిలిచే ఈ కారును వేలంలో ఓ వ్యక్తి ఏకంగా రూ.1100 కోట్లు పెట్టి కొనుగోలు చేసినట్లు సంస్థ తెలిపింది. వేలాన్ని నిర్వహించిన కెనడా కంపెనీ ఆర్ఎం సూత్బే కంపెనీ ఈ విషయాన్ని స్వయంగా వెల్లడించింది. అయితే ఈ కారును ఎవరు కొనుగోలు చేశారన్న విషయాన్ని మాత్రం ఈ సంస్థ బయటపెట్టలేదు. వేలంపాటలో పాల్గొన్న కార్ డీలర్​ బ్రయాన్ రాబోల్డ్ మాత్రం తన క్లయింట్ కోసం కారను కొనుగోలు చేసినట్లు చెప్పారు.

Meet the world’s most expensive car!

This 1955 Mercedes-Benz 300 SLR Uhlenhaut Coupe, one of the only two that exist, was auctioned at an equivalent of INR 1108 crores. We’ll give you a moment to take that in. pic.twitter.com/kQ40iwxN6t

— PowerDrift (@PowerDrift) May 20, 2022

On May 5th a 1955 Mercedes-Benz 300 SLR Uhlenhaut Coupé was sold for €135 million ($142 million) making it the most expensive publicly sold car ever. Previous record was held by the 1962 Ferrari 250 GTO, which was sold for $48.4 back in 2018. What a beauty! 😍🤤 pic.twitter.com/bYf621if0O

— Simon Dau (@there_is_no_if) May 20, 2022

67 ఏళ్ల నాటికి మెర్సిడెస్ బెంజ్​ ఎస్​ఎల్ఆర్​ కూపే మోడల్​లో రెండు కార్లు మాత్రమే ఉన్నాయి. అప్పటి చీఫ్​ ఇంజినీర్​ పేరు ఈ కారుకు పెట్టారు. గంటకు 186 కిలోమీటర్ల వేగంతో ప్రయాణించగలదు. 300 హార్స్​పవర్​తో 8 సిలిండర్ల ఇంజిన్ ఉంటుంది. కారు డోర్లు పైకి ఉంటాయి. ఎలాంటి వాతావరణ పరిస్థితుల్లోనైనా డ్రైవర్​కు రక్షణ కల్పించడం దీని ప్రత్యేకత. ఇదిలా ఉంటే.. ఆర్ఎం సూత్బే 2018లో నిర్వహించిన వేలంలో 1962కు చెందిన ఫెరారీ 250 జీటీఓ 48.4 మిలియన్ డాలర్లకు అమ్ముడుపోయింది.

So you want to see that record-breaking $142 Million Mercedes-Benz 300 SLR Uhlenhaut Coupe, you say? pic.twitter.com/XyK2YCkS2S

— Hannah Elliott (@HannahElliott) May 20, 2022

ఇది కూడా చదవండి: Tata Avinya: టాటా నుంచి మరో సూపర్ కార్.. అరగంట ఛార్జింగ్‌తో 500 కి.మీ. జర్నీ!