5 ఏళ్ళ కూతురుపై కన్నతండ్రి అఘాయిత్యం!

Father sexual harrasment on daughter

అమ్మ గర్భాన్ని దాటిన మరుక్షణం నుండి ఆడపిల్ల ఆట బొమ్మగా మారిపోతున్న దౌర్భాగ్యపు రోజులు ఇవి. సమాజంలోనే తిరుగుతున్న మృగాళ్ళ కామ దాహానికి వయసు కూడా అడ్డంకి కావడం లేదు. ఇలాంటి సమయంలో తల్లితండ్రులే తమతమ ఆడబిడ్డలను నిత్యం కాపాడుకుంటూ రావాల్సిన అవసరం, పరిస్థితులు దాపరించాయి. కానీ.. అలా కళ్ళల్లో పెట్టుకుని కాయాల్సిన కన్నతండ్రే కామపిశాచిగా మారితే..? 5 ఏళ్ళ చిన్నారి అనికూడా చూడకుండా కూతురి పట్ల పశువులా ప్రవర్తిస్తే.. ఎంతటి దారుణం? ఇంతటి ఘోరం తాజాగా చిలకలూరిపేట మండలం బొప్పూడి గ్రామంలో చోటు చేసుకుంది. ఆ వివరాల్లోకి వెళ్తే..

బొప్పూడి గ్రామంలో ఐదేళ్ల వయసు ఉన్న కూతురుపై తండ్రి పైశాచికంగా ప్రవర్తించాడు. ఆ చిన్నారిపై అఘాయిత్యానికి పాల్పడ్డాడు. అయితే.. ఈ విషయాన్ని ఆలస్యంగా గుర్తించిన అతని భార్య తల్లడిల్లిపోయింది. పశువులా ప్రవర్తించిన భర్తపై ఆమె పోలీసులకు ఫిర్యాదు చేయడంతో ఈ విషయం వెలుగులోకి వచ్చింది. నిందితుడైన వ్యక్తిని పోలీసులు ఇప్పటికే అరెస్టు చేశారు. కానీ.. ఇలాంటి మానవ మృగాలకు కఠినశిక్ష విధించాలని ఆ గ్రామస్థులు కోరుకుంటున్నారు. మరి.. కన్నతండ్రి అయ్యుండి కూడా ఇంతటి నీచానికి పాల్పడిన ఈ మానవ మృగానికి ఏ శిక్ష విధించాలి? మీ అభిప్రాయాలను కామెంట్స్ రూపంలో తెలియజేయండి.

  • మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.