చెరో బుల్లెట్ బండెక్కి రిసెప్షన్‌కి వెళ్లిన నూతన దంపతులు.. వీడియో వైరల్

ఈ మధ్యకాలంలో పెళ్లిళ్ల సీజన్ కావడంతో చాలా పెళ్లిళ్లు జరుగుతున్నాయి. పెళ్లి ముహూర్తం ఖరారు కాగానే పెళ్లిసందడి మొదలవుతుంది. ఇంతకు ముందున్న సాంప్రదాయాలు, పట్టింపులు ఈ రోజుల్లో లేవు. చాలా వరకు చేంజెస్ వచ్చాయి. పెళ్లి జీవితంలో ఒకేసారి చేసుకునే వేడుక కాబట్టి వధూవరులు తమ ఇష్టానుసారంగా ప్లాన్ చేసుకుంటున్నారు. పెళ్లికూతురు, పెళ్లికొడుకు ఫొటోలు, షూటింగ్‌లు, వెడ్డింగ్ కార్డ్స్ ప్రింటింగ్, డిస్ట్రిబ్యూషన్, ఫంక్షన్ హాల్, డెకరేషన్, బరాత్ ఇలా అన్ని విషయాల్లో తమకు నచ్చిన విధంగా చేసుకుంటున్నారు. మ్యారేజ్ డేట్ ఫిక్స్ కాగానే ప్రీ వెడ్డింగ్ షూటింగ్ స్టార్ట్ చేస్తారు. అందులో వినూత్నంగా చూపించడానికి నానా ప్రయత్నాలు చేస్తుంటారు. బరాత్ కోసం గుర్రపు బండి, వివిధ వాహనాలను సెలెక్ట్ చేసుకుంటారు. పెళ్లి పీటల మీదకు వచ్చేటప్పుడు పాటలతో, డాన్సులు, పెద్దవాళ్లు కూడా స్టెప్పులు వేసుకుంటూ సందడి చేస్తారు. ఊరేగింపు కోసం కూడా వివిధ రకాల అలంకారాలతో రెడీ అవుతుంటారు. అలాగే ఇక్కడ రిసెప్షన్ వేడుకలకు నూతన దంపతులను ఫంక్షన్ హాల్‌కు తీసుకెళ్లడానికి విభిన్నంగా అందరి దృష్టి ఆకర్షించేలా చేశారు. ఎక్కడంటే భద్రాద్రి కొత్తగూడెం జిల్లా పాల్వంచలో జరిగింది. ఈ వేడుక గురించి మరిన్ని వివరాల్లోకి వెళితే..

భద్రాద్రి కొత్తగూడెం జిల్లా పాల్వంచకు చెందిన రవితేజ అనే అబ్బాయికి ఆంధ్రప్రదేశ్‌కు చెందిన సింధూ హిమానీతో ఈ నెల 7న వివాహం జరిగింది. పెళ్లి ఘనంగా జరిపించే క్రమంలో రిసెప్షన్ వేడుకను ఏర్పాటు చేశారు. రిసెప్షన్‌కు వెళ్లే క్రమంలో నవ దంపతులు ఇద్దరు చెరో బుల్లెట్‌ బైక్‌లపై ఫంక్షన్ హాల్‌కి చేరుకున్నారు. నూతన దంపతులపై పూలు చల్లుతూ తీసుకువచ్చారు. నూతన వధూవరుల వెంట వారి కుటుంబసభ్యులు, బంధువులు కూడా బైక్‌లపై వచ్చారు. చూసేవారి దృష్టిని ఆకర్షించేందుకు వినూత్న ప్రయత్నం చేశారు. కన్నుల పండుగలా ఉన్న ఈ దృశ్యాన్ని స్థానికులు ఆసక్తితో చూడసాగారు. వారు వస్తుంటే బుల్లెట్ బండెక్కి..సాంగ్ ప్లే చేశారు. ఇలా సందడి చేస్తూ కొత్త జంట ఫంక్షన్ హాలుకు వెళుతున్న వీడియో సామాజిక మాధ్యమాల్లో వైరల్ అవుతుంది. పెళ్లి బృందం అంతా హెల్మెట్ లేకుండా బైక్‌లు నడపడంతో కొంతమంది నెటిజన్లు తప్పుబడుతున్నారు. ఈ వైరల్ అవుతున్న వీడియోపై మీ కామెంట్స్ తెలియజేయండి.